Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല്‌ വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഒടുവില്‍ ആലപ്പുഴ നഗരസഭയില്‍ സമവായത്തിലെത്തി സിപിഎം; പ്രസിഡന്റ് സ്ഥാനം വീതം വയ്ക്കും
ആലപ്പുഴ: പ്രസിഡന്റ് സ്ഥാനവുമായി ബന്ധപ്പെട്ട് പാര്‍ട്ടി പ്രവര്‍ത്തകരുടെ പരസ്യ പ്രതിഷേധം ഉയര്‍ന്ന ആലപ്പുഴ നഗരസഭയില്‍ സമവായത്തിന് ശ്രമവുമായി സിപിഎം. ജില്ലയിലെ പ്രത്യേക സാഹചര്യം കണക്കിലെടുത്താണ് സമവയാത്തിന് സിപിഎം മുതിര്‍ന്നത്. സമ്യരാജിനും കെകെ ജയമ്മയ്ക്ക് രണ്ടര വര്‍ഷം വീതം ചെയര്‍പേഴ്‌സണ്‍ സ്ഥാനം നല്‍കാന്‍ ജില്ലാ സെക്രട്ടറിയേറ്റ് തീരുമാനിച്ചു. ജില്ലാ സെക്രട്ടറിയേറ്റിന്റെ തീരുമാനം നടപ്പാക്കാന്‍ സംസ്ഥാന കമ്മിറ്റിയുടെ അനുവാദം തേടും.
നഗരസഭ ചെയര്‍പേഴ്‌സണ്‍ സ്ഥാനത്തേക്ക് ജയമ്മയെ പരിഗണിക്കാത്തതിനെ തുടര്‍ന്ന് ആലപ്പുഴയിലെ സിപിഎമ്മിലുണ്ടായ പ്രശ്നങ്ങള്‍ സങ്കീര്‍ണതയിലേക്ക് നീങ്ങിയിരുന്നു. ജയമ്മയ്ക്ക് സ്ഥാനം നല്‍ക്കാത്തതിനെ തുടര്‍ന്ന് ഒരു വിഭാഗം പ്രവര്‍ത്തകര്‍ പരസ്യമായി പ്രതിഷേധ പ്രകടനങ്ങള്‍ നടത്തിയിരുന്നു. പാര്‍ട്ടിയില്‍ ഏറെ കാലം പ്രവര്‍ത്തിച്ച് പരിചയമുള്ള ഏരിയ കമ്മിറ്റി അംഗം ജയമ്മയെ പരിഗണിക്കാതെ ഒരു തവണ മാത്രം കൗണ്‍സിലറായ നേതാവിനെ നഗരസഭ അധ്യക്ഷ പദവിയിലേക്ക് തിരഞ്ഞെടുത്തതുമായി ബന്ധപ്പെട്ടാണ് തര്‍ക്കമുണ്ടായിരുന്നത്.
അധ്യക്ഷ പദവിയില്‍ തര്‍ക്കം രൂപപ്പെട്ടതിനെ തുടര്‍ന്ന് സിപിഎം നേതൃത്വം വലിയ പ്രതിസന്ധിയാണ് കഴിഞ്ഞ കുറച്ച് ദിവസങ്ങളായി നേരിട്ടത്. സംഭവത്തെ തുടര്‍ന്ന് നേതൃത്വത്തിനെതിരെ നൂറോളം പ്രവര്‍ത്തകര്‍ പാര്‍ട്ടിക്കൊടിയും മുദ്രാവാക്യവുമായി തെരുവിലിറങ്ങിയിരുന്നു. പിപി ചിത്തരഞ്ജന്‍ അടക്കമുള്ള നേതാക്കള്‍ക്കെതിരെയാണ് പ്രവര്‍ത്തകരുടെ മുദ്രാവാക്യം ഉയരുന്നത്. നഗരസഭയില്‍ വലിയ മുന്നേറ്റം സൃഷ്ടിച്ചാണ് ഇത്തവണ യുഡിഎഫില്‍ നിന്നും അധികാരം എല്ഡിഎഫ് പിടിച്ചെടുത്തത്.
അതുകൊണ്ട് ഇത്തവണ അധ്യക്ഷനായി പാര്‍ട്ടിയുടെ ഒരു മുഖം ഉണ്ടാവണമെന്നും നിര്‍ദ്ദേശം ഉയര്‍ന്നിരുന്നു. അധ്യക്ഷ പദവിയിലേക്ക് ജയമ്മയുടെയും സൗമ്യ രാജിന്റെയും പേര് ഉയര്‍ന്നുവന്നെങ്കിലും ഏറെ പേര്‍ക്കും താല്‍പര്യം ജയമ്മയോടായിരുന്നു. എന്നാല്‍ ഇത് പരിഗണിക്കാതെയാണ് നേതൃത്വം സൗമ്യ രാജിനെ അധ്യക്ഷ പദവിയിലേക്ക് തിരഞ്ഞെടുത്തത്.
Recommended Video
