മരിയയുടെ പഠിപ്പ് മുടങ്ങില്ല, ആശ്വാസമായി ആലപ്പുഴ കളക്ടര്, വിദ്യാഭ്യാസ വായ്പ വീട്ടിലെത്തും
ആലപ്പുഴ: നിര്ദിഷ്ട സിബില് സ്കോര് ഇല്ലെന്നു കാണിച്ചു വിദ്യാഭ്യാസ വായ്പ നിഷേധിച്ച ബി-ടെക് വിദ്യാര്ഥിനിക്ക് അശ്വാസമായി ജില്ല കളക്ടര് കൃഷ്ണ തേജയുടെ നടപടി. മാവേലിക്കര താലൂക്കില് നടന്ന ജില്ല കളക്ടറുടെ പരാതി പരിഹാര അദാലത്തിലാണ് വിദ്യാര്ത്ഥിനിക്ക് ആശ്വാസം. ചെന്നിത്തല തെക്കോട്ടില് തെക്കേതില് സുരേഷും മകള് മരിയയുമാണ് വിദ്യാഭ്യാസ വായ്പ നിഷേധിച്ചതിതിനൊരു പരിഹാരം വേണമെന്ന ആവശ്യവുമായി അദാലത്തില് എത്തിയത്.
ചെങ്ങന്നൂരിലെ സ്വകാര്യ കോളേജിലെ രണ്ടാം വര്ഷ വിദ്യാര്ഥിയായ മരിയ ആദ്യ വര്ഷത്തെ കോളേജ് ഫീസ് അടച്ചിരുന്നു. മരപ്പണിക്കാരനായ സുരേഷിന് കഴിഞ്ഞ വര്ഷം വാഹന അപകടത്തില് കൈക്ക് പരിക്കേറ്റതിനെ തുടര്ന്ന് ഫീസ് അടവ് മുടങ്ങി. തുടര്ന്നുള്ള വര്ഷങ്ങളിലെ ഫീസ് അടയ്ക്കാനായാണ് മാവേലിക്കര പഞ്ചാബ് നാഷണല് ബാങ്കില് വിദ്യാഭ്യാസ വായ്പക്കായി അപേക്ഷ സമര്പ്പിച്ചത്.
എന്നാല് രക്ഷാകര്ത്താവിന് മതിയായ സിബില് സ്കോര് ഇല്ലെന്നും അതിനാല് വായ്പ അനുവദിക്കാന് കഴിയില്ലെന്നുമായിരുന്നു ബാങ്കിന്റെ മറുപടി. പരാതി പരിഗണിച്ച ജില്ല കളക്ടര് വി.ആര്. കൃഷ്ണ തേജ ഉചിതമായ നടപടി സ്വീകരിക്കാനും വായ്പ ലഭ്യമാക്കാനും ജില്ല ലീഡ് ബാങ്ക് മാനേജര്ക്ക് നിര്ദേശം നല്കി.
അതേസമയം, മാവേലിക്കര താലൂക്കില് നടന്ന ജില്ല കളക്ടറുടെ പൊതുജന പരാതി പരിഹാര അദാലത്തില് 236 പരാതികള് പരിഗണിച്ചു. ജില്ല കളക്ടര് വി. ആര്. കൃഷ്ണ തേജയുടെ നേതൃത്വത്തിലാണ് പരാതികള് പരിഹരിച്ചത്. അദാലത്ത് ദിവസമായ ഇന്നലെ മാത്രം മാവേലിക്കര താലൂക്ക് പരിധിയിലെ വിവിധ സര്ക്കാര് ഓഫിസുകളുമായി ബന്ധപ്പെട്ട 157 പരാതികളാണ് ലഭിച്ചത്. നേരത്തെ ലഭിച്ച 79 പരാതികളും ഉള്പ്പടെയാണ് 236 പരാതികള് പരിഗണിച്ചത്.
ഭൂമി സര്വ്വേ, അതിര്ത്തി പ്രശ്നം, വഴി തര്ക്കം, വീട് നിര്മാണം, പട്ടയവുമായി ബന്ധപ്പെട്ട അപേക്ഷകള്, ബാങ്കിങ്, അനധികൃത കയ്യേറ്റം, വിദ്യാഭ്യാസ സഹായം, സ്വയം തൊഴില് സഹായം തുടങ്ങിയ പരാതികളാണ് അദാലത്തില് ലഭിച്ചത്. അടിയന്തര നടപടി സ്വീകരിക്കുന്നതിനായി പരാതികള് അതാത് വകുപ്പ് മേധാവികള്ക്ക് കളക്ടര് കൈമാറി.
മാവേലിക്കര ടൗണ് ഹാളില് നടന്ന അദാലത്ത് എം.എസ്. അരുണ് കുമാര് എം.എല്.എ ഉദ്ഘാടനം ചെയ്തു. നഗരസഭാ ചെയര്മാന് കെ.വി. ശ്രീകുമാര് അധ്യക്ഷത വഹിച്ചു. എ.ഡി.എം. എസ്. സന്തോഷ്കുമാര്, ഡെപ്യൂട്ടി കളക്ടര്മാര്, മാവേലിക്കര തഹസില്ദാര് ഡി.സി. ദിലീപ്കുമാര്, ഡെപ്യൂട്ടി തഹസില്ദാര് സുരേഷ് ബാബു, വിവിധ വകുപ്പ് മേധാവികള്, ഉദ്യോഗസ്ഥര് തുടങ്ങിയവര് പങ്കെടുത്തു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google