• search
  • Live TV
ആലപ്പുഴ വാർത്തകൾക്ക്
നോട്ടിഫിക്കേഷൻ അനുവദിക്കൂ  

കയർ ലോഡുമായി വന്ന ലോറി വൈദ്യുതി ലൈനിൽ ഉരസി തീപ്പിടിച്ചു: അപകടം ആലപ്പുഴയില്‍!!

  • By Desk

ആലപ്പുഴ: കയർ ലോഡുമായി പോയ ലോറി വൈദ്യുതി ലൈനിൽ ഉരസി തീ പിടിച്ചു. ലോറിയിലുണ്ടായിരുന്ന കയറിലേയ്ക്കാണ് തീ പടർന്നത്. മുഹമ്മ- കഞ്ഞിക്കുഴി റോഡിൽ ലൂഥർ ജംഗ്ഷനിലായിരുന്നു സംഭവം. കയർ ഭാഗികമായി കത്തി നശിച്ചു. നാട്ടുകാരും ചേർത്തലയിൽ നിന്നെത്തിയ ഫയർഫോഴ്സും ചേർന്നാണ് തീയണച്ചത്. തീപ്പിടുത്തത്തെ തുടർന്ന് മുഹമ്മ- കഞ്ഞിക്കുഴി റോഡിൽ ഒരു മണിക്കൂറിലേറെ ഗതാഗതം തടസപ്പെട്ടു.

ഫയർഫോഴ്സും നാട്ടുകാരും ചേർന്ന് തിയണച്ചെങ്കിലും വൈദ്യുതി ലൈനിൽ നിന്നും അഗ്നി പ്രവഹിക്കുന്നുണ്ടായിരുന്നു. പിന്നീട് കെഎസ്ഇബി ഉദ്യോഗസ്ഥരെത്തി ലൈനിലെ വൈദ്യുതി ബന്ധം വിച്ഛേദിക്കുകയായിരുന്നു. അറ്റകുറ്റപ്പണികൾ നടത്തി പ്രദേശത്ത് വൈദ്യുത ബന്ധം പുന:സ്ഥാപിക്കാനായിട്ടില്ല. അതേസമയം ലോറിയിൽ പരിധിക്കപ്പുറം ഉയരത്തിൽ കയർ ലോഡ് കയറ്റിയതാണ് ലൈനിൽ കയർ ഉരഞ്ഞ് തീപിടിച്ചതെന്ന് കെഎസ്ഇബി ഉദ്യോഗസ്ഥർ അറിയിച്ചു.

സ്വകാര്യ കയർ ഫാക്ടറിയിലേക്ക് കലവൂരിൽ നിന്ന് കൊണ്ടുവന്ന കയർ ലോഡ് കൊണ്ടു പോകുമ്പോഴായിരുന്നു അപകടം. വീടുകളും വ്യാപാര സ്ഥാപനവുമുള്ള പ്രദേശത്ത് തീ കൂടുതൽ പടരാതിരുന്നത് വലിയ അപകടം ഒഴിവാക്കി. മണ്ണഞ്ചേരി, മുഹമ്മ പൊലീസ് സ്ഥലത്തെത്തി. ലോറി കസ്റ്റഡിയിലെടുക്കുകയും കെ എസ് ഇ ബി നൽകിയ പരാതിയുടെ അടിസ്ഥാനത്തിൽ കേസെടുക്കുകയും ചെയ്തു.

English summary
lorry and electric line collides in alappuzha
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X