വ്യാജരേഖയുണ്ടാക്കി അഭിഭാഷകയായി പ്രാക്ടീസ്; ഒളിവില് കഴിഞ്ഞ സെസി സേവ്യര് കീഴടങ്ങി
ആലപ്പുഴ: വ്യാജരേഖയുണ്ടാക്കി അഭിഭാഷകയായ പ്രവര്ത്തിച്ചത് പിടിക്കപ്പെട്ടതോടെ ഒളിവില് പോയ സെസി സേവ്യര് ആലപ്പുഴ ചീഫ് ജുഡിഷ്യല് മജിസ്ട്രേറ്റ് കോടതിയില് കീഴടങ്ങി. മാസങ്ങളായി പൊലീസ് സെസിയെ തിരയുന്നു. എന്നാല് പൊലീസിന് ഇതുവരെ കണ്ടെത്താന് സാധിച്ചിരുന്നില്ല. ഇതിന് മുമ്പ് കോടതി പരിസരത്ത് എത്തിയിരുന്നെങ്കിലും പൊലീസ് സാന്നിദ്ധ്യം മനസിലാക്കി കടന്നുകളയുകയായിരുന്നു.
മറ്റൊരാളുടെ രജിസ്റ്റര് ഉപയോഗിച്ചായിരുന്നു സെസി എന്റോള് ചെയ്തതായി രേഖയുണ്ടാക്കിയത്. നേരത്തെ കോടതി കമ്മിഷനായും പ്രവര്ത്തിച്ചിട്ടുണ്ട്. യോഗ്യ രേഖകള് ആവശ്യപ്പെട്ടതോടെയാണ് സെസി കുടുങ്ങിയത്. ബാര് അസോസിയേഷന് സെക്രട്ടറി അബിലാഷ് സോമന്റെ പരാതിയിലാണ് നോര്ത്ത് പൊലീസ് കേസെടുത്തത്.
അഭിഭാഷകയായിരിക്കാന് യോഗ്യതയില്ലാതിരുന്നിട്ടും രണ്ട് വര്ഷത്തോളം ഇവര് അഭിഭാഷകയായിരുന്നിട്ടുണ്ട്. എന്നാല് യോഗ്യതയില്ലെന്ന് വ്യക്തമാക്കുന്ന കത്ത് ബാര് അസോസിയേഷന് ലഭിച്ചതോടെയാണ് സംഭവത്തിലെ സത്യം പുറത്തറിയുന്നത്. കത്ത് ലഭിച്ചതോടെ അന്വേഷണം നടത്തുകയും ആരോപണം ശരിയാണെന്ന് തെളിയുകയും ചെയ്തിരുന്നു. സെസി യോഗ്യതയില്ലാതെയാണ് പ്രാക്ടീസ് നടത്തിയതെന്നും, വ്യാജ എന്റോള്മെന്റ് നമ്പര് നല്കി അംഗത്വം നേടുകയും ചെയ്തു എന്ന് ചൂണ്ടിക്കാട്ടി ആലപ്പുഴ നോര്ത്ത് പൊലീസില് പരാതി നല്കുകയായിരുന്നു.
മറ്റൊരു അഭിഭാഷകയുടെ റോള് നമ്പര് സമര്പ്പിച്ചാണ് ഇവര് ജോലി ചെയ്തിരുന്നതെന്നും പിന്നീട് അന്വേഷണത്തില് കണ്ടെത്തിയിരുന്നു. സത്യാവസ്ഥ വെളിപ്പെട്ടെന്ന് മനസ്സിലായതോടെ ഇവര് ഒളിവില് പോകുകയും ചെയ്തിരുന്നു. ജാമ്യമില്ലാ വകുപ്പുകളാണ് സെസിക്കെതിരെ ചുമത്തിയിട്ടുള്ളത്.
നേരത്തെ മുന്കൂര് ജാമ്യത്തിനായി സെസി ഹൈക്കോടതിയെ സമീപിച്ചെങ്കിലും കോടതി ഹര്ജി തള്ളുകയായിരുന്നു. എത്രയും പെട്ടെന്ന് അന്വേഷണ ഉദ്യോഗസ്ഥന് മുമ്പില് കീഴടങ്ങണമെന്നാണ് കോടതി നിര്ദ്ദേശിച്ചത്. അതേസമയം, മതിയായ യോഗ്യത ഇല്ലാത്ത ഇവര് നല്കിയ റിപ്പോര്ട്ട് പരിഗണിച്ച് കോടതി വിധി പറഞ്ഞ കേസുകള് വലിയ നിയമപ്രശ്ങ്ങള്ക്ക് കാരണമാകുമെന്നാണ് പൊലീസ് നേരത്തെ നടത്തിയ വിലയിരുത്തല്.
ഇക്കാര്യങ്ങളെല്ലാം പരിഗണിച്ചാണ് ഡയറക്ടര് ജനറല് ഓഫ് പ്രോസിക്യൂഷന് വഴി പ്രത്യേകം നിയമനടപടിക്ക് ബാര് കൗണ്സില് ഒരുങ്ങിയത്. സെസിസ് പുറമേ കേരളത്തില് കൂടുതല് വ്യാജ അഭിഭാഷകര് പ്രാക്ടീസ് ചെയ്യുന്നുണ്ടോയെന്ന സംശയവും ഇതോടെ ഉയര്ന്നിരുന്നു.ഇതുമായി ബന്ധപ്പെട്ട് സമഗ്ര പരിശോധന നടത്താനും കേരള ബാര് കൗണ്സില് തീരുമാനിച്ചിരുന്നു.
സെസിയുടെ ബിരുദ സര്ട്ടിഫക്കറ്റുകള് പരിശോധിക്കാതെ അംഗത്വം നല്കിയതിന്റെ പേരില് ആലപ്പുഴ ബാര് അസോസിയേഷനിലും ഭിന്നത രൂക്ഷമായിരുന്നു. അഭിഭാഷക സംഘടനകള് തമ്മില് രാഷ്ട്രീയ പോരും ശക്തമായിരുന്നു. ബാര് അസോസിയേഷന് തെരഞ്ഞെടുപ്പില് മത്സരിച്ച സെസി ലോയേഴ്സ് കോണ്ഗ്രസിന്റെ പിന്തുണയോടെ മത്സരിച്ച് വന് ഭൂരിപക്ഷത്തില് വിജയിക്കുകയും ചെയ്തിരുന്നു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google