Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
യുവതിയുടെ ചൊവ്വാ ദോഷം മാറ്റാന്‍ പ്രത്യേക പൂജ; യുവാവ് തട്ടിയത് 2 പവന്‍, ഒടുവില്‍ സംഭവിച്ചത്
അമ്പലപ്പുഴ: യുവതിയുടെ ചൊവ്വാ ദോഷം മാറ്റാന്‍ പ്രത്യേക പൂജ നടത്തണമെന്ന് മാതാപിതാക്കളെ വിശ്വസിപ്പിച്ച് സ്വര്‍ണം തട്ടിയെടുത്ത യുവാവ് അറസ്റ്റില്‍. രക്ഷിതാവിനെ തെറ്റിദ്ധരിപ്പിച്ച് രണ്ട് പവന്റെ സ്വര്‍ണമാണ് യുവാവ് കൈക്കലാക്കിയത്. ഇടുക്കി വണ്ടന്‍മേട് തുളസി മന്ദിരത്തില്‍ ശ്യാം കുമാറിനെയാണ് പൊലീസ് അറസ്റ്റ് ചെയ്തത്. അമ്പലപ്പുഴ ഇന്‍സ്‌പെക്ടര്‍ എസ് ദ്വിജേഷിന്റെ നേതൃത്വത്തിലുള്ള സംഘമാണ് കേസ് അന്വേഷിച്ചത്. സംഭവത്തെ കുറിച്ച് പൊലീസ് പറയുന്നത് ഇങ്ങനെ..
അഞ്ച് മാസങ്ങള്‍ക്ക് മുമ്പാണ് സംഭവം. അമ്പലപ്പുഴ കരുമാടി സ്വദേശിയാണ് തട്ടിപ്പിന് ഇരയായത്. ഫേസ്ബുക്കിലൂടെയാണ് യുവാവ് യുവതിയുമായി സൗഹൃദത്തിലാവുന്നത്. പിന്നീട് വീട്ടുകാരുമായി അടുക്കാന്‍ തുടങ്ങി. തുടര്‍ന്ന് ഇയാള്‍ കരുമാടിയിലെ വീട്ടിലെത്തി. വിവാഹത്തിന് തടസമായ ചൊവ്വാ ദോഷം മാറ്റാന്‍ സ്വര്‍ണപാദസരം പൂജിക്കണമെന്ന് പറഞ്ഞു.
തുടര്‍ന്ന് പാദസരം കൈക്കലാക്കിയ ശേഷം കടന്നുകളയുകയായിരുന്നു. യുവാവ് പിന്നീട് വരാതായതോടെ രക്ഷിതാക്കള്‍ പൊലീസിനെ സമീപിക്കുകയായിരുന്നു. പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചപ്പോള്‍ പ്രതി ഇടുക്കിയിലാണെന്ന് കണ്ടെത്തി.
തുടര്‍ന്ന് കട്ടപ്പനയില്‍ എത്തി പ്രതിയെ അറസ്റ്റ് ചെയ്യുകയായിരുന്നു. ഇയാള്‍ക്കെതിരെ സമാന സ്വഭാവമുള്ള തട്ടിപ്പിന് തിരുവനന്തപുരം ജില്ലയിലും കേസ് രജിസ്റ്റര്‍ ചെയ്തിട്ടുണ്ട്. അമ്പപ്പുഴ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. എസ് സന്തോഷം കുമാര്‍, ജൂനിയര്‍ എസ് ഐ ബാലസുബ്രഹ്മണ്യം, സി പി ഒമാരായ ജോസഫ് ജോയി, അനീഷ് എന്നിവരാണ് അന്വേഷണ സംഘത്തിലുണ്ടായിരുന്നത്.
