• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

ബാംഗ്ലൂര്‍ ഡെയ്‌സ് നന്നേ പിടിച്ചെന്ന് അല്ലു സിരീഷ്

  • By Super

മികച്ച ചിത്രങ്ങള്‍ ഒരിക്കലും അര്‍ഹിക്കുന്ന ശ്രദ്ധ നേടാതെ പോകില്ലെന്നതിന് സമീപകാലത്ത് മലയാളത്തില്‍ ഏറെ ഉദാഹരണങ്ങളുണ്ടായിട്ടുണ്ട്. ദൃശ്യം, ഹൗ ഓള്‍ഡ് ആര്‍ യു, ബാംഗ്ലൂര്‍ ഡെയ്‌സ് തുടങ്ങിയവയെല്ലാം നിരൂപകരില്‍ നിന്നും പ്രേക്ഷകരില്‍ നിന്നുമെല്ലാം പ്രസംശകള്‍ നേടി മുന്നേറുകയാണ്.

ദൃശ്യത്തിന് ശേഷം ജനപ്രീതിയുടെ കാര്യത്തിലും കളക്ഷന്റെ കാര്യത്തിലും മുന്നിലെത്തിയിരിക്കുന്ന ചിത്രമാണ് അഞ്ജലി മേനോന്‍ ഒരുക്കിയ ബാംഗ്ലൂര്‍ ഡെയ്‌സ്. യങ് മൂവിയെന്ന വിശേഷണത്തെ അക്ഷരാര്‍ത്ഥത്തില്‍ യാഥാര്‍ത്ഥ്യമാക്കിയിരിക്കുന്ന ഈ ചിത്രം മലയാളികള്‍ മാത്രമല്ല അന്യഭാഷാ സനിമയിലെ പ്രമുഖരില്‍ പലരും കണ്ടുകഴിഞ്ഞു.

ചിത്രത്തില്‍ അഭിനയിച്ച ഓരോ താരങ്ങളും ഒന്നിനൊന്ന് മികച്ച പ്രകടനമാണ് കാഴ്ചവച്ചത്. ഇക്കൂട്ടത്തില്‍ ദുല്‍ഖര്‍ സല്‍മാനും നിവിന്‍ പോളിയും പ്രത്യേക പ്രശംസ അര്‍ഹിക്കുന്നു. ബാംഗ്ലൂര്‍ ഡെയ്‌സിലെ അഭിനയത്തിന് നിവിന്‍ പോളിയ്ക്ക് ആന്ധ്രയില്‍ നിന്നുവരെ പ്രശംസ ലഭിച്ചിരിക്കുകയാണ്.

തെലുങ്ക് നടനും നടന്‍ അല്ലു അര്‍ജുന്റെ സഹോദരനുമായ അല്ലു സിരീഷാണ് നിവിനെ പ്രശംസിച്ച് രംഗത്തെത്തിയിരിക്കുന്നത്. ബാംഗ്ലൂര്‍ ഡെയ്‌സ് കണ്ട് ആകെ സന്തോഷത്തിലാണ് സിരീഷ്, ചിത്രത്തിന്റെ കഥയും താരങ്ങളുമെല്ലാം സിരീഷിന് നന്നേ പിടിച്ചു, പ്രത്യേകിച്ചും നിവിന്‍ പോളിയെ.

സുഗന്ധമാരുതന്‍ പോലെ മനോഹരമായ ചിത്രമെന്നാണ് സിരീഷ് ബാംഗ്ലൂര്‍ ഡെയ്‌സിനെ വിശേഷിപ്പിച്ചിരിക്കുന്നത്. ചിത്രത്തിലെ താരങ്ങളെല്ലാം മികച്ച പ്രകടനമാണ് കാഴ്ചവച്ചിരിക്കുന്നത്. എന്നിരുന്നാലും എനിക്കേറ്റവും ഇഷ്ടപ്പെട്ടത് നിവിന്‍ പോളിയുടെ അഭിനയമാണ്- അല്ലു സിരീഷ് ട്വീറ്റ് ചെയ്തിരിക്കുന്നതിങ്ങനെയാണ്.

ബാംഗ്ലൂര്‍ ഡെയ്‌സിനെ പ്രശംസിച്ചതിനൊപ്പം മലയാളത്തിലെ ന്യൂജനറേഷന്‍ ചിത്രങ്ങളുടെ ആരാധകനാണ് താനെന്നും സിരീഷ് പറഞ്ഞിട്ടുണ്ട്. മലയാളത്തിലെ പുത്തന്‍ സിനിമകളെല്ലാം തനിക്കിഷ്ടമാണെന്ന് സിരീഷ് പറയുന്നു. ഉസ്താദ് ഹോട്ടല്‍, നേരം, എബിസിഡി, നീലാകാശം പച്ചക്കടല്‍ ചുവന്നഭൂമി തുടങ്ങിയ ചിത്രങ്ങളുടെ പേരുകള്‍ താരം എടുത്തു പറയുകയും ചെയ്തിട്ടുണ്ട്.

English summary
Joining the list of admirers of Anjali Menon's latest flick Bangalore Days, is Tollywood actor Allu Sirish, brother of actor Allu Arjun aka Mallu Arjun
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more