Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
തോറ്റെന്ന് പറ്റിച്ചു; പെണ്‍കുട്ടി കിണറ്റില്‍ ചാടി
ബാംഗ്ലൂര്‍: പന്ത്രണ്ടാം ക്ലാസ് പരീക്ഷയില്‍ തോറ്റു എന്ന് കള്ളം പറഞ്ഞ ബന്ധുവിന്റ വാക്ക് വിശ്വസിച്ച് പെണ്‍കുട്ടി കിണറ്റില്‍ ചാടി മരിച്ചു. മകളുടെ റിസള്‍ട്ട് നോക്കി ഫസ്റ്റ് ക്ലാസ് ഉണ്ടെന്ന സന്തോഷവാര്‍ത്ത അറിയിക്കാനായി വീട്ടിലെത്തിയ അച്ഛനും അമ്മയും കണ്ടത് മകളുടെ വിറുങ്ങലിച്ച ജഡം. കര്‍ണാടകയിലെ ബിദാദിയിലാണ് ഞെട്ടിപ്പിക്കുന്ന സംഭവം ഉണ്ടായത്.
ബസവേശ്വര പി യു കോളേജിലെ കൊമേഴ്‌സ് വിദ്യാര്‍ഥിനിയായ തേജസ്വിനി രാമകൃഷ്ണയ്യയാണ് കിണറ്റില്‍ ചാടി ജീവനൊടുക്കിയത്. പരീക്ഷാ ഫലം പുറത്തുവന്ന ഉടന്‍ തേജസ്വിനിയെ അകന്ന ബന്ധത്തിലുള്ള സഹോദരന്‍ വിളിച്ച് പരീക്ഷയില്‍ തോറ്റു എന്ന് പറഞ്ഞു. തേജസ്വിനിയെ പറ്റിക്കാന്‍ വേണ്ടിയായിരുന്നു ഇയാള്‍ അങ്ങനെ പറഞ്ഞത്.
തുടര്‍ന്ന് കുറേ നേരം വിളിച്ചുനോക്കിയെങ്കിലും തേജസ്വിനി ഫോണ്‍ എടുത്തില്ല. തേജസ്വിനിയുടെ അച്ഛന്‍ രാമകൃഷ്ണയ്യയും അമ്മ കുമാരിയും മാര്‍ക്കറ്റില്‍ പാല് വില്‍ക്കാന്‍ പോയതായിരുന്നു. ഇവര്‍ തിരിച്ചുവരുന്ന വഴി മകളുടെ റിസള്‍ട്ട് നോക്കി. ഫസ്റ്റ് ക്ലാസ് ഉണ്ടെന്നറിഞ്ഞ് മകളോട് വിവരം പറയാന്‍ വേണ്ടി ഓടിവരികയായിരുന്നു.
തേജസ്വിനിയെ വീട്ടില്‍ കാണാത്തതിനെ തുടര്‍ന്ന് ഇവര്‍ അയല്‍വീടുളില്‍ തിരഞ്ഞു. ഏറെനേരം തിരഞ്ഞ ശേഷമാണ് കിണറ്റില്‍ മരിച്ച നിലയില്‍ മകളെ കണ്ടെത്തിയത്. തേജസ്വിനി ഹൃദയാഘാതം മൂലമാണ് മരിച്ചത് എന്നാണ് പോസ്റ്റ് മോര്‍ട്ടം റിപ്പോര്‍ട്ട്. തേജസ്വിനിയുടെ കണ്ണുകള്‍ രാമകൃഷ്ണയ്യയും കുമാരിയും ദാനം ചെയ്തു. ഞങ്ങള്‍ വളരെയധികം പഠിച്ചവരൊന്നുമല്ല, മകളുടെ പേരില്‍ അത്രയെങ്കിലും ചെയ്യാന്‍ കഴിഞ്ഞല്ലോ - അച്ഛനമ്മമാര്‍ പറഞ്ഞു.
