Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബാംഗ്ലൂര്‍ സ്‌കൂളില്‍ വീണ്ടും പീഡനം, അധ്യാപകന്‍ അറസ്റ്റില്‍
ബാംഗ്ലൂര്‍: ഐ ടി നഗരമായ ബാംഗ്ലൂരില്‍ സ്‌കൂള്‍ വിദ്യാര്‍ഥിനികള്‍ക്കെതിരായ പീഡനങ്ങള്‍ തുടരുന്നു. ആറു വയസ്സുകാരിയെ ലൈംഗികമായി പീഡിപ്പിച്ച കേസില്‍ അധ്യാപകനെ പോലീസ് അറസ്റ്റ് ചെയ്തു. പീഡനത്തിന് ഇരയായ പെണ്‍കുട്ടിയുടെ രക്ഷിതാക്കളുടെ പരാതിയെ തുടര്‍ന്ന് വ്യാഴാഴ്ചയായിരുന്നു അറസ്റ്റ്. ഫിസിക്കല്‍ ട്രെയിനറായ ജയശങ്കര്‍ എന്നയാളാണ് പോലിസിന്റെ പിടിയിലായത്.
ഒരാഴ്ചയ്ക്കിടെ ഇയാള്‍ കുട്ടിയെ രണ്ട് തവണ പീഡിപ്പിച്ചതായി പോലീസ് അഡീഷണല്‍ കമ്മീഷണര്‍ അലോക് കുമാര്‍ പറഞ്ഞു. ഇന്ദിരാനഗറിലുള്ള ഒരു പ്രൈവറ്റ് സ്‌കൂളിലാണ് സംഭവം നടന്നത്. പോസ്‌കോ നിയമപ്രകാരം നാല്, ആറ് വകുപ്പുകളിലും ഐ പി സി 376 പ്രകാരം ബലാത്സംഗക്കുറ്റത്തിനും ജയശങ്കറിനെതിരെ പോലീസ് കേസെടുത്തു.
ഒക്ടോബര്‍ 28, 29 എന്നീ ദിവസങ്ങളിലായി രണ്ട് തവണയാണ് ഇയാള്‍ പെണ്‍കുട്ടിയെ പീഡിപ്പിച്ചത് എന്നാണ് കരുതുന്നത്. പോലീസ് ഇയാളെ ചോദ്യം ചെയ്ത് വരികയാണ്. ഏതാനും ദിവസങ്ങള്‍ക്ക് മുന്‍പ് ജാലഹള്ളിയിലെ പ്രശസ്തമായ ഇന്റര്‍നാഷണല്‍ സ്‌കൂളില്‍ മൂന്ന് വയസ്സുള്ള പെണ്‍കുട്ടി ലൈംഗിക പീഡനത്തിന് ഇരയായിരുന്നു.
ഇതിലെ പ്രതിയായ ഗുണ്ടപ്പയെ ഒക്ടോബര്‍ 25 ന് പോലീസ് അറസ്റ്റ് ചെയ്ത. കോടതിയില്‍ ഹാജരാക്കിയ ഇയാളെ 14 ദിവസത്തെ ജൂഡിഷ്യല്‍ കസ്റ്റഡിയില്‍ വിട്ടിരിക്കുകയാണ്. ഏതാനും മാസങ്ങള്‍ക്ക് മുമ്പ് മാറത്തഹള്ളിയിലെ വിബ്ജിയോര്‍ സ്‌കൂളില്‍ ആറുവയസ്സുകാരിയെ പീഡിപ്പിച്ചിരുന്നു. ഇതേത്തുടര്‍ന്ന് നാട്ടുകാരും രക്ഷിതാക്കളും പ്രതിഷേധ പ്രകടനങ്ങള്‍ നടത്തി. എന്നാല്‍ ആവശ്യത്തിന് സുരക്ഷാ ക്രമീകരണങ്ങളില്ലാതെയാണ് ഇപ്പോഴും ബാംഗ്ലൂരിലെ ഭൂരിഭാഗം സ്‌കൂളുകളും പ്രവര്‍ത്തിക്കുന്നത് എന്നാണ് റിപ്പോര്‍ട്ട്.
