മൂന്നുമാസം പ്രായമുളള പെണ് കുഞ്ഞിനെ ബസ്സിലുപേക്ഷിച്ചനിലയില് കണ്ടെത്തി
ബെംഗളൂരു:മൂന്നു മാസം പ്രായമുളള പെണ്കുഞ്ഞിനെ ബിഎംടിസി ബസ്സില് ഉപേക്ഷിച്ച നിലയില് കണ്ടെത്തി. ഞായറാഴ്ച രാവിലെ മജസ്റ്റിക് ബസ് സ്റ്റാന്ഡില് നിര്ത്തിയിട്ടിരുന്ന ബസ്സില് ഡ്രൈവര് സീറ്റിനു പുറകിലത്തെ സീറ്റിലാണ് കുഞ്ഞിനെ കിടത്തിയിരുന്നത്. കറുത്ത പ്ലാസ്റ്റിക് കവറും പേപ്പറും ഉപയോഗിച്ച് കുഞ്ഞിനെ പൊതിഞ്ഞിരുന്നു. രാവിലെ ബസ് സ്റ്റാന്ഡിലെത്തിയ ഡ്രൈവറും കണ്ടക്ടറുമാണ് രാവിലെ ആറു മണിയോടടുത്ത് കുഞ്ഞിനെ കണ്ടെത്തിയത്.
തുടര്ന്ന് പോലീസ് സറ്റേഷനില് വിവരമറിയിക്കുകയായിരുന്നു. കുഞ്ഞിനെ ബസ്സില് കിടത്തി രക്ഷിതാക്കള് എന്തെങ്കിലും വാങ്ങാനോ മറ്റോ പുറത്തു പോയിരിക്കുമെന്നാണ് ഇവര് കരുതിയിരുന്നത്. മണിക്കൂറുകള് കഴിഞ്ഞിട്ടും കുട്ടിയെ അന്വേഷിച്ച് ആരും വരാത്തതിനാലാണ് പോലീസ് സ്റ്റേഷില് വിവരമറിയിച്ചത്. കുഞ്ഞിനെ ഉപേക്ഷിക്കപ്പെടുന്ന നവജാതശിശുക്കള്ക്കായുളള കേന്ദ്രമായ ബോസ്കോയില് പ്രവേശിപ്പിച്ചിരിക്കുകയാണ്.
കുഞ്ഞ് ആരോഗ്യത്തോടെയിരിക്കുന്നതായി ബോസ്കോ അധികൃതര് അറിയിച്ചു. നഗരത്തിലെ ശിശു ക്ഷേമ കമ്മിറ്റി കുഞ്ഞിന്റെ രക്ഷിതാക്കള്ക്കായി തിരച്ചില് നടത്തുന്നുണ്ട്. ബസ്റ്റാന്ഡിലെ സിസിടിവി ദൃശ്യങ്ങള് പരിശോധിക്കുമെന്ന് ഉപ്പാര്പേട്ട് പോലീസ് പറഞ്ഞു. പെണ്കുഞ്ഞായതിനാല് ഉപേക്ഷിച്ചതായിരിക്കാനും സാധ്യതയുണ്ടെന്നും പോലീസ് പറഞ്ഞു.