• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

രണ്ടര വയസുകാരിയെ വാന്‍ഡ്രൈവര്‍ പീഡിപ്പിച്ചു

  • By Meera Balan

ബാംഗ്ലൂര്‍: രണ്ടര വയസുകാരിയെ സ്‌കൂള്‍ വാന്‍ ഡ്രൈവര്‍ ലൈംഗിക പീഡനത്തിന് ഇരയാക്കി. പീഡനം നടന്ന് രണ്ട് ദിവസങ്ങള്‍ക്ക് ശേഷമാണ് സംഭവം പുറത്തറിയുന്നത്. ദേവരബസനഹള്ളിയിലാണ് പെണ്‍കുട്ടിയും അമ്മയും താമസിയ്ക്കുന്നത്. മുംബൈ സ്വദേശികളാണ് കുട്ടിയുടെ മാതാപിതാക്കള്‍. ഇരുവരും ചാര്‍ട്ടേഡ് അക്കൗണ്ടന്റ്മാരാണ്.

കുട്ടിയുടെ അച്ഛന്‍ മുംബൈയില്‍ തന്നെയാണ് താമസം. അമ്മയോടൊപ്പം താമസിയക്കുന്ന കുഞ്ഞിനെ സ്ഥിരമായി സ്‌കൂളില്‍ കൊണ്ട് പോകുന്നതും തിരികെ വിടുന്നതും വാന്‍ ഡ്രൈവറാണ്. തമിഴ്നാട് സ്വദേശിയായ ശ്രീനിവാസ് (26) ആണ് വാന്‍ ഡ്രൈവര്‍.

സംഭവ ദിവസം സ്‌കൂളില്‍ നിന്ന് എത്തിയ പെണ്‍കുട്ടി അമ്മയോട് സംസാരിയ്ക്കാനും ഭക്ഷണം കഴിയ്ക്കാനും വിസമ്മതിച്ചു. സാധാരണ സ്കൂളില്‍ നിന്നെത്തുന്ന കുട്ടി വിശേഷങ്ങള്‍ പറയുക പതിവായിരുന്നു. രാത്രി കുഞ്ഞ് ഉറങ്ങാതിരുന്നതും അമ്മയുടെ ശ്രദ്ധയില്‍ പെട്ടു. പിറ്റേന്ന് കുഞ്ഞിനെയും കൂട്ടി അമ്മ അടുത്തുള്ള പാര്‍ക്കിലെത്തി. ഡ്രൈവര്‍ തന്നെ ഉപദ്രവിച്ചെന്നും സ്വകാര്യ ഭാഗങ്ങളില്‍ വേദനയാണെന്നും ഉറങ്ങാന്‍ കഴിയുന്നില്ലെന്നും കുഞ്ഞ് അമ്മയോട് പറഞ്ഞു.

തുടര്‍ന്ന് അമ്മ ബുധനാഴ്ച കുട്ടിയെ ഒരു സ്വകാര്യ നഴ്‌സിംഗ് ഹോമില്‍ കൊണ്ടുപോയി. കുഞ്ഞ് ബലാത്സംഗത്തിന് ഇരയായതായി ഡോക്ടര്‍മാര്‍ സംശയം പ്രകടിപ്പിച്ചു. ചൊവ്വാഴ്ച 3.30 നോട് അടുപ്പിച്ചാണ് കുഞ്ഞ് പീഡിപ്പിയ്ക്കപ്പെട്ടതെന്നാണ് പൊലീസ് പറയുന്നത്. ഡ്രൈവര്‍ പൊലീസിന്‍റെ പിടിയിലായി.

ഒരു സ്വകാര്യ ട്രാവല്‍ ഏജന്‍സിയില്‍ നിന്നുള്ളയാളാണ് ഡ്രൈവറെന്നും പെണ്‍കുട്ടിയെ പീഡിപ്പിച്ചതിനെക്കുറിച്ച് കൃത്യമായ വിവരങ്ങള്‍ ലഭ്യമല്ലെന്നുമാണ് സ്‌കൂള്‍ അധികൃതര്‍ പറയുന്നത്. ബാംഗ്ലൂരില്‍ ഇതിന് മുന്‍പും പലതവണ പെണ്‍കുട്ടികള്‍ സ്‌കൂള്‍ ബസ് ഡ്രൈവര്‍മാരുടെ പീഡനത്തിന് ഇരയായിട്ടുണ്ട്.

English summary
A two-and-a-half-year-old girl in a pre-school on Sarjapur Main road was allegedly sexually abused by the school van driver two days ago
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more