Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഒല കാബ് ഡ്രൈവര്‍ ബെംഗളൂരുവില്‍ യാത്രക്കാരിയെ കരണത്തടിച്ചു
ബെംഗളൂരു: പ്രമുഖ ടാക്‌സി സേവനദാതാക്കളായ ഒല കാബിനെതിരെ പരാതിയുമായി യാത്രക്കാരി രംഗത്ത്. ദില്ലി സ്വദേശിനിയായ ദിവ്യ ശര്‍മ എന്ന യുവതിയാണ് ഒല കാബ് ഡ്രൈവര്‍ ശാരീരികമായും മാനസികമായും പീഡിപ്പിച്ചു എന്ന പരാതിയുമായി രംഗത്തെത്തിയത്. തന്റെ ഫേസ്ബുക്ക് പോസ്റ്റിലൂടെയാണ് ഒല കാബ് അധികൃതര്‍ക്ക് നല്‍കിയ പരാതി ദിവ്യ ശര്‍മ പങ്കുവെച്ചത്.
മൊബൈല്‍ ക്യാമറ ഉപയോഗിച്ച് എടുത്തതെന്ന് തോന്നുന്ന ഒരു ചിത്രവും ദിവ്യ ശര്‍മയുടെ പോസ്റ്റിലുണ്ട്. ഒലയുടെ ഓട്ടോറിക്ഷ ഓടിച്ച ഡ്രൈവറുടെ ലൈസന്‍സും മറ്റ് വിവരങ്ങളുമാണ് ചിത്രത്തില്‍. ബെംഗളൂരുവിലെ തിരക്കേറിയ റോഡില്‍ വെച്ച് ഡ്രൈവര്‍ തന്റെ കരണത്തടിച്ചു എന്നാണ് ഇവര്‍ പറയുന്നത്. തന്നെ മര്‍ദ്ദിക്കുകയും അസഭ്യവാക്കുകള്‍ പറയുകയും ചെയ്തു.
താന്‍ ഒല കാബിന്റെ ഡ്രൈവറാണ് എന്ന് ഇയാള്‍ തന്നോട് പലവട്ടം പറഞ്ഞിരുന്നു. ഇയാള്‍ക്കെതിരെ ഒല കാബ് കര്‍ശന നടപടി എടുക്കണം. കെ എ 09 എ സി 641 എന്ന ഓട്ടോയില്‍ വെച്ചാണ് സംഭവം. ഓട്ടോറിക്ഷയില്‍ മീറ്റര്‍ ഇടാന്‍ ആവശ്യപ്പെട്ടതിനാണ് ഡ്രൈവര്‍ തന്നെ മര്‍ദ്ദിക്കുകയും അസഭ്യം പറയുകയും ചെയ്തത്. ഡൊംലൂരിലെ തിരക്കേറിയ ജംഗ്ഷനില്‍ വെച്ചായിരുന്നു സംഭവങ്ങള്‍.
കഴിഞ്ഞ ഡിസംബര്‍ മാസത്തില്‍ ദില്ലിയില്‍ മള്‍ട്ടിനാഷണല്‍ കമ്പനി ജീവനക്കാരിയായ 27 കാരി യുബര്‍ കാബില്‍ വെച്ച് ലൈംഗിക പീഡനത്തിന് ഇരയായിരുന്നു. ഈ സംഭവവുമായി ബന്ധപ്പെട്ട് യുബറിനെതിരെ നല്‍കിയ പരാതി കോടതിയുടെ പരിഗണനയിലാണ്. ഇതേത്തുടര്‍ന്ന് യുബര്‍ ടാക്‌സി ദില്ലിയിലും രാജ്യത്തിന്റെ മറ്റ് പല ഭാഗങ്ങളിലും വിലക്കിയിരുന്നു.
