ബെംഗളൂരു: നിര്‍മ്മാണത്തിലിരിക്കുന്ന കെട്ടിടം തകര്‍ന്ന് ഒരാള്‍ മരിച്ചു

ബെംഗളൂരു: ബെംഗളൂരുവില്‍ നിര്‍മ്മാണത്തിലിരിക്കുന്ന കെട്ടിടം തകര്‍ന്ന് ഒരാള്‍ മരിച്ചു. ഒഡീഷ സ്വദേശിയാണ് മരിച്ചതെന്നാണ് ഇപ്പോള്‍ പുറത്തുവരുന്ന വിവരം. നിര്‍മ്മാണത്തൊഴിലാളികള്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നുണ്ടെന്ന് സംശയമുയരുന്നുണ്ട്. ദക്ഷിണ ബെംഗളൂരുവിലെ ബെല്ലാണ്ടൂരിലാണ് സംഭവം.

സംഭവമറിഞ്ഞെത്തിയ അഗ്നിശമന സേന നാല് പേരെ ഇതിനകം തന്നെ രക്ഷപ്പെടുത്തിയെങ്കിലും രക്ഷാ പ്രവര്‍ത്തനം തുടരുകയാണ്. പരിക്കേറ്റവരെ ആശുപത്രിയില്‍ പ്രവേശിപ്പിച്ചിട്ടുണ്ട്.

നിര്‍മ്മാണം അവസാനഘട്ടത്തിലെത്തിയ കെട്ടിടത്തിന്റെ രണ്ടാംനിലയിലുണ്ടായിരുന്നവര്‍ക്കാണ് പരിക്കേറ്റതെന്നാണ് പുറത്തുവരുന്ന വാര്‍ത്തകള്‍. നിര്‍മ്മാണ സാമഗ്രികളുടെ ഗുണമേന്മയില്ലായ്മയാണ് കെട്ടിടം തകര്‍ന്നതിന് പിന്നിലെന്നും ആരോപണമുണ്ട്.

Bengaluru #BuildingCollapse - rescue operation by @KarFireDept ,Emergency Services and Disaster Response Force carrying out rescue work pic.twitter.com/k2Q46FcjXE

— PublicTV (@publictvnews) October 5, 2016

English summary

Bengaluru: Building collapsed under construction kills people.