ബാംഗ്ലൂര് മലയാളി ഫ്രണ്ട്സ് വൃദ്ധസദനം സന്ദര്ശിച്ചു
ബെംഗളൂരു: ഫേസ്ബുക്ക് കൂട്ടായ്മയായ ബിഎംഎഫിന്റെ (ബാംഗ്ലൂര് മലയാളി ഫ്രണ്ട്സ്) പ്രവര്ത്തകര് കര്മലാരത്തുള്ള ആശാഭവന് വൃദ്ധസദനം സന്ദര്ശിച്ചു. അന്തേവാസികളുമായി ഒട്ടേറെ സമയം ചെലവഴിച്ച സംഘം ഭക്ഷണവും മെഡിക്കല് കിറ്റും വസ്ത്രങ്ങളും സമ്മാനമായി നല്കിയതിനു ശേഷമാണ് മടങ്ങിയത്.
തിരക്കുള്ള ജീവിതത്തില് അല്പ്പസമയം പാവപ്പെട്ടവര്ക്കും അശരണര്ക്കും വേണ്ടി മാറ്റിവെയ്ക്കണമെന്ന ഗ്രൂപ്പിന്റെ പ്രഖ്യാപിത നിലപാടിന്റെ വെളിച്ചത്തിലാണ് അംഗങ്ങള് ഒത്തുകൂടിയത്. കുടുംബസമേതമെത്തി കഴിയുന്ന ഒരു തുക എക്സിക്യുട്ടീവ് കമ്മിറ്റി അംഗങ്ങളെ ഏല്പ്പിക്കുകയാണ് പതിവ്. ഇതിനു മുമ്പ് കുട്ടികളുടെ അനാഥാലയം സന്ദര്ശിച്ചതില് നിന്നും പ്രചോദനം ഉള്കൊണ്ടാണ് സര്ജാപൂര് റോഡിലുള്ള ആശാസദനത്തിലേക്കുള്ള യാത്ര തീരുമാനിച്ചതെന്ന് ഭാരവാഹികള് അറിയിച്ചു.ചിത്രങ്ങള് കാണൂ..
ബിഎംഎഫ്
ബാംഗ്ലൂര് മലയാളികളുടെ ഫേസ്ബുക്ക് കൂട്ടായ്മയാണ് ബിഎംഎഫ്. നഗരത്തിലെ ബിസിനസ്സുകാരും വിദ്യാര്ത്ഥികളും ഐടി ഉദ്യോഗസ്ഥരും ഉള്പ്പെടെ ഏകദേശം 19000ഓളം പേര് ഈ ഗ്രൂപ്പില് അംഗങ്ങളാണ്.
എല്ലാവര്ക്കും സ്വാഗതം
ജാതി,മത, വര്ഗ്ഗ, രാഷ്ട്രീയ പരിഗണനകള് കൂടാതെ ബാംഗ്ലൂരിലെത്തുന്ന എല്ലാ മലയാളികളെയും ഈ കുടക്കീഴില് അണിനിരത്തുകയെന്ന വിശാല ലക്ഷ്യത്തിലാണ് ഗ്രൂപ്പ്. ഫേസ് ബുക്ക് കൂട്ടായ്മയ്ക്ക് അപ്പുറം ഇതിനെ വളര്ത്താനുള്ള നടപടികള് ഇതിനം ആരംഭിച്ചു കഴിഞ്ഞു.
രക്തദാനം
അംഗങ്ങളുടെ വിപുലമായ ബ്ലഡ് ഡാറ്റാ ബാങ്ക് ഉണ്ടാക്കി കൊണ്ടിരിക്കുകയാണ്. നഗരത്തില് രക്തം ആവശ്യമായി വരുന്ന സന്ദര്ഭങ്ങളില് പലരും ഈ ഗ്രൂപ്പിന്റെ സേവനം ഉപയോഗപ്പെടുത്താറുണ്ട്.
ജോബ് ഡാറ്റാ ബാങ്ക്
ജോലി ആവശ്യമുള്ളവര്ക്കും ജോലിക്കാരെ ആവശ്യമുള്ളവര്ക്കും ഒരു പൊതു ഇടമായി മാറുകയെന്നതും ഗ്രൂപ്പിന്റെ ലക്ഷ്യമാണ്. സ്കില്ഡ് ലേബേഴ്സിന്റെ ഡാറ്റാ ബാങ്ക് ഉണ്ടാക്കാനുള്ള ശ്രമത്തിലാണ്.
ഭരണം
ഇരുപത് പേരോളം അടങ്ങുന്ന എക്സിക്യുട്ടീവ് ഗ്രൂപ്പാണ് ബിഎംഎഫിനെ നിയന്ത്രിക്കുന്നത്.
കായികരംഗത്ത്
അംഗങ്ങള്ക്കായി ഫുട്ബോള് ക്രിക്കറ്റ് മത്സരങ്ങള് സംഘടിപ്പിക്കാറുണ്ട്
ബാംഗ്ലൂര് മലയാളി മീറ്റ്
കഴിഞ്ഞ വര്ഷം അംഗങ്ങളെ ഉള്പ്പെടുത്തി കൊണ്ട് ആദ്യത്തെ ബാംഗ്ലൂര് മീറ്റ് സംഘടിപ്പിച്ചിരുന്നു
മലയാളി കൂട്ടായ്മ
വിവിധ മലയാളി സംഘടനകളുമായി കൈകോര്ത്ത് ബാംഗ്ലൂരിലെ മുഴുവന് മലയാളികളെ കുറിച്ചുള്ള വിവരങ്ങള് ഒറ്റ കുടക്കീഴില് കൊണ്ടു വരുമെന്ന് സംഘാടകര് അറിയിച്ചു
വെബ് സൈറ്റ്
കൂട്ടായ്മ രജിസ്റ്റര് ചെയ്യുന്നതോടു കൂടി ഇതിനായി പ്രത്യേകം വെബ് സൈറ്റ് ആരംഭിക്കുന്നുണ്ട്. ഇതിന്റെ പ്രവര്ത്തനങ്ങള് ഇതിനകം ആരംഭിച്ചു കഴിഞ്ഞു. ബ്ലഡ്, ജോബ് ഡാറ്റാ ബാങ്കുകളും ഇതിന്റെ ഭാഗമായുണ്ടാകും.
കൂടുതല് പങ്കാളിത്തം
ഗ്രൂപ്പിന്റെ ക്ഷേമപ്രവര്ത്തനങ്ങള്ക്കുള്ള പങ്കാളിത്തം ഇനിയും വര്ദ്ധിക്കേണ്ടതുണ്ട്. ക്ഷേമപ്രവര്ത്തനങ്ങള്ക്കുള്ള ഫണ്ട് കണ്ടെത്താനായി സംഗീതപരിപാടികളും സ്റ്റേജ് ഷോകളും സംഘടിപ്പിക്കുന്നതിനെ കുറിച്ച് ഗ്രൂപ്പ് ഗൗരവമായി ആലോചിക്കുന്നുണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google