ഭാര്യയുടെ മൊബൈല് ഭ്രമം; ഭര്ത്താവിന്റെ മൂന്നു വിരലുകളറുത്തു
ബെംഗളൂരു: ഭാര്യയുടെ മൊബൈല് ഭ്രമം കാരണം ഭര്ത്താവിന് നഷ്ടമായത് മൂന്നു വിരലുകള്. ബെംഗളൂരുവില് എച്ച് എസ് ആര് ലേ ഔട്ടിലാണ് സംഭവം. ഭാര്യയുടെ മൊബൈലില് വന്ന എസ് എം എസ് നോക്കിയതിനാണ് ഭര്ത്താവിന്റെ മൂന്നു വിരലുകള് കത്തി കൊണ്ട് അറുത്തുമാറ്റിയത്. ശനിയാഴ്ച്ച വൈകിട്ടാണ് സംഭവം.സോഫ്ട് വെയര് എന്ജിനീയറായ ചന്ദ്രകാന്ത് ഭാര്യ സുനിത സിങുമായി മൊബൈല് വിഷയത്തില് തര്ക്കം പതിവായിരുന്നു. സുനിത സിങ് കൂടുതല് സമയവും മൊബൈല് ഉപയോഗിക്കുന്നുവെന്നായിരുന്നു പരാതി.
സുനിതയുട മൊബൈലില് സംശയാസ്പദമായ രീതിയില് ചില എസ് എം എസ്സുകള് കണ്ടതിനെ ചോദ്യം ചെയ്തതതാണ് പ്രകോപനത്തിനു കാരണം. പിന്നീട് തുടര്ന്നും ചന്ദ്രകാന്ത് ഇതേ കുറിച്ച് ചോദിച്ചുകൊണ്ടിരുന്നപ്പോള് അടുക്കളയില് ഭക്ഷണം പാകം ചെയ്തുകൊണ്ടിരുന്ന സുനിത ചന്ദ്രകാന്തിന്റെ വിരലുകള് കറിക്കത്തിക്കൊണ്ട് അറുത്തുകളയുകയായിരുന്നു .ചന്ദ്രകാന്തിനെ നഗരത്തിലെ സ്വകാര്യ ആസ്പത്രിയില് പ്രവേശിപ്പിച്ചു. സുനിതക്കെതിരെ ഗാര്ഹിക പീഡനത്തിന് കേസെടുത്തിട്ടുണ്ട്.സ്കൂളധ്യാപികയാണ് സുനിത