റിലീസ് ചെയ്യാന് 2 ദിവസം; കന്നഡ സിനിമക്കെതിരെ നടി രമ്യയുടെ നോട്ടീസ്, 1 കോടി നഷ്ടപരിഹാരം വേണം
ബെംഗളൂരു: കന്നഡ ചിത്രത്തിനെതിരെ ഗുരുതര ആരോപണങ്ങള് ഉയര്ത്തി വക്കീല് നോട്ടീസ് അയച്ച് മുന് കോണ്ഗ്രസ് എംപിയും നടിയുമായ രമ്യ എന്ന ദിവ്യ സ്പന്ദന. കന്നഡ ചിത്രമായ ഹോസ്റ്റല് ഹുഡുഗാരി ബെക്കഗിഡ്ഡരെ എന്ന ചിത്രത്തിനെതിരെ നടി നോട്ടീസ് അയച്ചത്. അനുവാദമില്ലാതെ തന്റെ ചിത്രങ്ങളും, വീഡിയോകളും ചിത്രത്തിന്റെ പ്രമോഷന് വേണ്ടി ഉപയോഗിച്ചുവെന്നാണ് നടി ആരോപിക്കുന്നത്.
ഒരു കോടി നഷ്ടപരിഹാരമാണ് സിനിമയുടെ അണിയറപ്രവര്ത്തകരില് നിന്ന് നടി ആവശ്യപ്പെട്ടിരിക്കുന്നത്. അതേസമയം രമ്യയുടെ പരാതിയില് ചിത്രത്തിന്റെ ട്രെയിലര് എല്ലാ പ്ലാറ്റ്ഫോമില് നിന്നും നീക്കം ചെയ്യണമെന്നാണ് ബെംഗളൂരു കോടതി ആവശ്യപ്പെട്ടിരിക്കുന്നത്.ചിത്രത്തില് രമ്യയുടെ പേര്, ദൃശ്യങ്ങള് എന്നിവ കാണിക്കുന്നുണ്ടെന്ന ആരോപണത്തെ തുടര്ന്നാണ് കേസ് കോടതിയിലെത്തിയത്.
ഹോസ്റ്റല് ഹുഡുഗാരു ബെക്കഗിഡ്ഡരെയുടെ അണിയറ പ്രവര്ത്തകര് ദിവ്യയുടെ ദൃശ്യങ്ങളോ, ചിത്രങ്ങളോ, ചിത്രത്തില് ഉള്പ്പെടുത്തി റിലീസ് ചെയ്യാന് പാടില്ല. അതെല്ലാം നീക്കം ചെയ്യണമെന്നും അഡീഷണല് സിറ്റി സിവില് സെഷന് ജഡ്ജി രവീന്ദ്ര ഹെഗ്ഡെ പറഞ്ഞു. തന്റെ പേരോ, തന്നെ കുറിച്ചുള്ള പരാമര്ശങ്ങളോ, പ്രസ് റിലീസുകളോ, വീഡിയോകളോ, പോസ്റ്ററുകളോ, പരസ്യങ്ങളോ, ഉണ്ടെങ്കില് അവ നീക്കം ചെയ്യണമെന്നും രമ്യ കോടതിയില് നല്കിയ പരാതിയില് പറഞ്ഞിരുന്നു.
ചിത്രത്തിന്റെ സംവിധായകന് നിതിന് കൃഷ്ണമൂര്ത്തി, ക്യാമറാമാന് അരവിന്ദ് കശ്യപ്, നിര്മാണ കമ്പനികള്, എന്നിവര്ക്കെല്ലാം കോടതി നോട്ടീസ് അയച്ചിട്ടുണ്ട്. ഈ വിഷയത്തെ കുറിച്ച് താന് ഇപ്പോഴാണ് അറിഞ്ഞതെന്ന് സംവിധായകന് നിതിന് പറയുന്നു. രണ്ട് ദിവസം മാത്രമാണ് ചിത്രത്തിന്റെ റിലീസിനുള്ളത്. ശരിക്കും ഷോക്കായി പോയി. തന്റെ ടീമിനോട് ആലോചിച്ച ശേഷം ഈ വിഷയത്തില് പ്രതികരിക്കാമെന്നും നിതിന് പറഞ്ഞു.
അതേസമയം ചിത്രത്തില് രമ്യയും, റിഷഭ് ഷെട്ടിയും അതിഥി വേഷങ്ങളില് അഭിനയിച്ചിട്ടുണ്ട്. ജൂലായ് 21നാണ് ചിത്രം റിലീസ് ചെയ്യേണ്ടിയിരുന്നത്. എന്നാല് രമ്യയുടെ നോട്ടീസ് ലഭിച്ചതോടെ ചിത്രത്തിന്റെ റിലീസ് അനിശ്ചിതത്വത്തിലായിരിക്കുകയാണ്. ചിത്രത്തിന്റെ പ്രൊമോ ഷൂട്ടില് എല്ലാം രമ്യ പങ്കെടുത്തിരുന്നു. എന്നിട്ടും അവര് വക്കീല് നോട്ടീസയച്ചത് അണിയറ പ്രവര്ത്തകരെ ഞെട്ടിച്ചിരിക്കുകയാണ്. തന്റെ സെലിബ്രിറ്റി-പബ്ലിസിറ്റി അവകാശങ്ങള് ചൂണ്ടിക്കാണിച്ച്, പകര്പ്പാവകാശ നിയമ പ്രകാരമാണ് അവര് കോടതിയെ സമീപിച്ചത്.
ചിത്രത്തില് അഭിനയിച്ചിട്ടുണ്ടെങ്കിലും അവരുടെ അനുമതി ഇല്ലാതെ ചിത്രങ്ങളും, ദൃശ്യങ്ങളും പ്രചരിപ്പിക്കാന് പാടില്ലെന്നാണ് നടി പറയുന്നത്. നേരത്തെ ഇവരുടെ പ്രൊമോ ചിത്രത്തില് ഉള്പ്പെടുത്താമെന്ന് പറഞ്ഞതാണെന്ന് നടി അണിയറപ്രവര്ത്തകരോട് പറഞ്ഞതായി ഇന്ത്യന് എക്സ്പ്രസ് റിപ്പോര്ട്ട് ചെയ്തു. എന്നാല് ചിത്രത്തിന്റെ ട്രെയിലര് പുറത്തുവന്നതോടെയാണ് നടി നിയമനടപടികള് ആരംഭിച്ചത്.
-
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
'ദിലീപിനെതിരെ ഏത് നടിയാണ് പരാതി പറഞ്ഞിട്ടുള്ളത്? മുഖ്യമന്ത്രിയെ തെമ്മാടിയെന്ന് വിളിച്ചയാളാണ് ഞാൻ'; അഖിൽ മാരാർ -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..!
Click it and Unblock the Notifications
Sign in with Google