കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ജേര്‍ണലിസം വിദ്യാര്‍ഥിനികളെ നടുറോഡില്‍ അപമാനിച്ചു

Google Oneindia Malayalam News

ബാംഗ്ലൂര്‍: സ്ത്രീ സുരക്ഷയെക്കുറിച്ച് പഠിക്കാനിറങ്ങിയ ജേര്‍ണലിസം വിദ്യാര്‍ഥിനികളെ നാലുപേര്‍ ചേര്‍ന്ന് അപമാനിച്ചു. ബാംഗ്ലൂരിലെ നന്ദിദുര്‍ഗ റോഡിലാണ് ഞെട്ടിപ്പിക്കുന്ന സംഭവം ഉണ്ടായത്. രാത്രിയില്‍ സ്ത്രീകള്‍ എത്രമാത്രം സുരക്ഷിതരാണ് എന്ന വിഷയത്തില്‍ വീഡിയോ രംഗം ചിത്രീകരിക്കാനായി ചെയ്യാനായി വെളുപ്പിന് മൂന്ന് മണിയോടെ നന്ദിദുര്‍ഗ റോഡിലെത്തിയ നാല് പെണ്‍കുട്ടികള്‍ക്കും രണ്ട് ആണ്‍സുഹൃത്തുക്കള്‍ക്കുമാണ് ദുരനുഭവം ഉണ്ടായത്.

വീഡിയോ ചിത്രീകരണത്തിന് സഹായിക്കാന്‍ വേണ്ടിയാണ് വിദ്യാര്‍ഥിനികള്‍ സുഹൃത്തുകളുടെ സഹായം തേടിയതത്രെ. ഷൂട്ടിംഗ് തുടങ്ങിയതും ഒരു പജേറോ അടുത്തുവന്ന് നിന്നു. അതില്‍ നിന്നും ഇറങ്ങിയ നാല് ചെറുപ്പക്കാര്‍ വിദ്യാര്‍ഥിനികളെ കമന്റടിക്കാന്‍ തുടങ്ങി. ആഭാസകരമായ കമന്റുകള്‍ക്കൊപ്പം നഗ്നതാ പ്രദര്‍ശനവും ഇവര്‍ നടത്തി.

bangalore

പെണ്‍കുട്ടികളുടെ നേരെ മുന്‍പില്‍ ഇറങ്ങിനിന്ന് അക്രമികള്‍ മൂത്രമൊഴിക്കുകയും ചെയ്തതായി പരാതിയുണ്ട്. നൈറ്റ് പട്രോളിംഗിന് വന്ന ഒരു പോലീസ് വാഹനത്തിന് കൈ കാണിച്ച് ഇവര്‍ കാര്യങ്ങള്‍ വിവരിക്കുകയായിരുന്നു. പോലീസ് രണ്ടുപേരെ പിടികൂടിയിട്ടുണ്ട്. രണ്ടുപേര്‍ ഓടി രക്ഷപ്പെട്ടു. മംഗലാപുരം രജിസ്‌ട്രേഷനിലുള്ള മിസ്റ്റുബിഷി പജേറോയിലായിരുന്നു നാല്‍വര്‍ സംഘം വന്നത്.

ബാംഗ്ലൂര്‍ നഗരത്തിലെ പ്രശസ്തമായ കോളേജിലാണ് വിദ്യാര്‍ഥിനികള്‍ പഠിക്കുന്നത്. ഏതാനും ആഴ്ചകള്‍ക്ക് മുന്‍പ് നഗരത്തിലെ മറ്റൊരു പ്രമുഖ കോളേജിലെ ജേര്‍ണലിസം വിദ്യാര്‍ഥിനിക്ക് നേരെയും ബലാത്സംഗ ശ്രമം നടന്നിരുന്നു. ബ്രിട്ടീഷ് ലൈബ്രറിക്ക് സമീപത്തുനിന്നും ഓട്ടോയില്‍ കയറ്റിക്കൊണ്ടുപോയ പെണ്‍കുട്ടിയെ ശാരീരികമായി ആക്രമിച്ച ശേഷം അക്രമികള്‍ വിട്ടയക്കുകയായിരുന്നു.

English summary
Journalism students harassed by perverts in Bangalore
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X