പ്രേമംപാളി; യുവനായിക ആത്മഹത്യയ്ക്ക് ശ്രമിച്ചു

ബാംഗ്ലൂര്‍: കന്നഡ സിനിമയിലെ യുവനായികയായ വിന്ധ്യ ആത്മഹത്യയ്ക്ക് ശ്രമിച്ചു. എഴുപതോളം ഉറക്കഗുളികകള്‍ വിഴുങ്ങിയാണ് വിന്ധ്യ ജീവനൊടുക്കാന്‍ ശ്രമം നടത്തിയത്. പ്രണയപരാജയമാണ് യുവനടിയുടെ ആത്മഹത്യ ശ്രമത്തിന് പിന്നിലെന്നാണ് റിപ്പോര്‍ട്ട്. റിലീസ് ചെയ്യാനൊരുങ്ങുന്ന മനദ മരേയലിയിലെ നായികയാണ് വിന്ധ്യ.

ഉറക്കഗുളികള്‍ കഴിച്ച് അവശനിലയിലായ വിന്ധ്യയെ ശിവാജിനഗറിലെ ബോറിംഗ് ആന്‍ഡ് ലേഡി കഴ്‌സണ്‍ ആശുപത്രിയില്‍ എത്തിക്കുകയായിരുന്നു. വിന്ധ്യയുടെ ഇപ്പോഴത്തെ ആരോഗ്യസ്ഥിതി ഗുരുതരമാണ് എന്നാണ് ആശുപത്രി അധികൃതര്‍ നല്‍കുന്ന വിവരം. 70 ഉറക്കഗുളികകള്‍ ഒന്നിച്ച് വിഴുങ്ങിയ നടി കോമയിലാണത്രെ ഇപ്പോള്‍.

ഏതാണ്ട് ഒരു വര്‍ഷത്തോളമായി മഞ്ജുനാഥ് എന്നൊരു ചെറുപ്പക്കാരനുമായി വിന്ധ്യ പ്രണയിത്താലായിരുന്നത്രെ. എന്നാല്‍ കഴിഞ്ഞ ഏതാനും ദിവസമായി ഇവര്‍ തമ്മില്‍ അത്ര രസത്തിലായിരുന്നില്ല. കാഴ്ചശക്തിയില്ലാത്തവരാണ് വിന്ധ്യയുടെ അച്ഛനും അമ്മയും. ഇവരെ അയല്‍ക്കാരാണ് വിന്ധ്യ കഴിയുന്ന ആശുപത്രിയില്‍ എത്തിച്ചതും ശുശ്രൂക്ഷിക്കുന്നതും.

സിനിമാരംഗത്ത് പ്രണയവും പ്രണയപരാജയവും ഒന്നും ഒരു വാര്‍ത്തയേ അല്ല എന്നാണ് പറയപ്പെടുന്നത്. ഗോസിപ്പ് കോളങ്ങളില്‍ ഒരിക്കലെങ്കിലും ഇടം പിടിക്കാത്ത നായികമാരും നായകന്മാരും ഉണ്ടാകില്ല. നയന്‍താരയും ലക്ഷ്മി റായിയുമൊക്കെ ഉദാഹരണമായി മുന്നിലുണ്ട്. എന്നാല്‍ ഇത്തരം അവസ്ഥകള്‍ സഹിക്കാനുള്ള കരുത്ത് ഒന്നോ രണ്ടോ ചിത്രങ്ങളില്‍ മാത്രം അഭിനയിച്ച യുവനടിമാര്‍ക്ക് ഉണ്ടായി എന്ന് വരില്ല എന്നതാണ് വിന്ധ്യയുടെ ആത്മഹത്യാ ശ്രമം തെളിയിക്കുന്നത്.

വിന്ധ്യ

കന്നഡ സിനിമയിലെ യുവനായികയാണ് വിന്ധ്യ, റിലീസ് ചെയ്യാനൊരുങ്ങുന്ന മനദ മരേയലിയിലെ നായികയാണ്.

പുതുമുഖം

വളരെ പാവപ്പെട്ട സ്ഥിതിയില്‍ നിന്നുമാണ് വിന്ധ്യ വരുന്നത്. വിന്ധ്യയുടെ അച്ഛനമ്മമാര്‍ക്ക് കാഴ്ചശക്തിയില്ല.

മനദ മരേയലി

വിന്ധ്യയുടെ സാന്‍ഡല്‍വുഡിലേക്കുള്ള അരങ്ങേറ്റമാണ് മനദ മരേയലി. മഹേഷ് ഗൗഡയാണ് ചിത്രത്തിന്റെ സംവിധായകന്‍.

പ്രണയം

മഞ്ജുനാഥ് എന്നൊരു ചെറുപ്പക്കാരനുമായി വിന്ധ്യ പ്രണയത്തില്‍ ആയിരുന്നു. ഈ പ്രണയപരാജയമാണ് വിന്ധ്യയെ ആത്മഹത്യയിലേക്ക് നയിച്ചത്.

കോമയില്‍

70 ഉറക്കഗുളികകള്‍ ഒന്നിച്ച് വിഴുങ്ങിയാണത്രെ വിന്ധ്യ ആത്മഹത്യയ്ക്ക് ശ്രമിച്ചത്. വിന്ധ്യ ഇപ്പോള്‍ കോമയിലാണ് എന്നാണ് ആശുപത്രി അധികൃതര്‍ നല്‍കുന്ന വിവരം.

ഗോസിപ്പിന്റെ ഇരയോ

തന്റെ പേരില്‍ പ്രചരിക്കുന്ന ഗോസിപ്പുകളില്‍ വിന്ധ്യ അസ്വസ്ഥയായിരുന്നു എന്നാണ് വീട്ടുകാര്‍ പറയുന്നത്. കഴിഞ്ഞ മൂന്ന് ദിവസമായി നടി വിഷാദാവസ്ഥയിലായിരുന്നത്രെ.

English summary

Kannada actress Vindhya tried to commit suicide, at Bangalore.