ബെംഗളൂരു: ജീവനക്കാരിയെ പീഡിപ്പിച്ച മേലുദ്യോഗസ്ഥന്‍ അറസ്റ്റില്‍

ബെംഗളൂരു: സ്വകാര്യ കമ്പനിയിലെ ജീവനക്കാരിയെ പീഡിപ്പിച്ച മേലുദ്യോഗസ്ഥന്‍ അറസ്റ്റില്‍. എച്ച്എന്‍എല്‍ സെക്കന്റ് സ്‌റ്റേജില്‍ പ്രവര്‍ത്തിക്കുന്ന ജോബ് സെര്‍ച്ച് എന്‍ജിന്‍ ജീവനക്കാരിയെയാണ് സീനിയര്‍ മാനേജര്‍ പീഡിപ്പിച്ചത്.

കഴിഞ്ഞ കുറച്ചു മാസങ്ങളായി യുവതിയ്ക്ക് അശ്ലീല മെസേജുകള്‍ അയക്കുകയും, ഓഫീസില്‍ അധിക സമയം ഇരിക്കാന്‍ പ്രേരിപ്പിക്കുകയും ചെയ്തിരുന്നു. ഓഫീസ് സമയത്തിന് ശേഷം യുവതിയെ കാറില്‍ കയറാനും സിനിമയ്ക്ക് പോകാനും നിര്‍ബന്ധിക്കുമായിരുന്നു. മാനേജറുടെ ആവശ്യങ്ങള്‍ നിഷേധിച്ചതോടെ ജോലി ഭാരം കൂട്ടിയാണ് ഇയാള്‍ പ്രതികാരം തീര്‍ത്തത്.

യുവതിയെ നിര്‍ബന്ധിച്ച് കാറില്‍ കയറ്റിക്കൊണ്ടു പോയ ദിവസത്തിലാണ് ഇയാള്‍ പീഡിപ്പിച്ചത്. യുവതിയുടെ പരാതിയെ തുടര്‍ന്ന് പോലീസ് ഇയാളെ അറസ്റ്റ് ചെയ്തിട്ടുണ്ട്. ജൂലൈ 7 വരെ ഇയാള്‍ ജുഡീഷ്യല്‍ കസ്റ്റഡിയില്‍ റിമാന്റ് ചെയ്തിരിക്കുകയാണ്.

യുവതിയുടെ ഫോണിലേക്ക് ഇയാള്‍ അയച്ച സന്ദേശങ്ങളും തെളിവുകളായി നല്‍കിയിട്ടുണ്ട്. മുംബൈ സ്വദേശിനിയായ യുവതി ഭര്‍ത്താവിനും കുട്ടിയ്ക്കും ഒപ്പമാണ് എച്ച്എന്‍എല്ലില്‍ താമസിക്കുന്നത്. യുവതി ജോലി ചെയ്യുന്ന കമ്പനിയില്‍ സെക്ഷ്വല്‍ ഹരാസ്‌മെന്റ് സെല്ലുകള്‍ പ്രവര്‍ത്തിക്കുന്നില്ലെന്നും ഇതിനാല്‍ കമ്പനിക്കെതിരെയും പരാതി രജിസ്റ്റര്‍ ചെയ്തിട്ടുണ്ടെന്നും പോലീസ് പറഞ്ഞു.

English summary

A 28-year-old executive, working for a job search engine, has alleged that she was sexually harassed by her reporting manager for the last few months.