Click it and Unblock the Notifications
Just In
Don't Miss
-
അങ്ങനൊരു മാറ്റം വന്നാല് ബിഗ് ബോസ് വന് വിജയമാവും! മത്സരാര്ഥികളുടെ ബഹുമാനമില്ലായ്മയെ പറ്റി ആരാധകര് -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
പികെ സിനിമയ്‌ക്കെതിരെ ആഞ്ഞടിച്ച് ശ്രീ ശ്രീ രവിശങ്കര്‍
ബെംഗളൂരു: കള്ള ദൈവങ്ങളെ പരിഹസിക്കുന്ന ആമിര്‍ ഖാന്റെ പികെ എന്ന സിനിമയ്‌ക്കെതിരെ അതിരൂക്ഷ വിമര്‍ശനവുമായി യോഗാചാര്യന്‍ ശ്രീശ്രീ രവിശങ്കര്‍ രംഗത്തെത്തി. പികെ എന്ന സിനിമ കണ്ടെന്നും ആധ്യാത്മിക മൂല്യങ്ങള്‍ക്കെതിരായ ആസൂത്രിത നീക്കത്തിന്റെ ഭാഗമായാണ് സിനിമ നിര്‍മിച്ചതെന്ന് സംശയിക്കുന്നതായും അദ്ദേഹം പറഞ്ഞു.
എല്ലാ ആശ്രമങ്ങളെയും മോശമാക്കാനാണ് സിനിമ ശ്രമിക്കുന്നത്. ക്ഷേത്രങ്ങള്‍ ജനങ്ങളുടെ പണം കൊള്ളടിക്കുകയാണെന്നാണ് സിനിമ പറയുന്ന മറ്റൊരു കാര്യം. സിനിമ നിര്‍മിച്ചവരും അതേ കാര്യമാണ് ചെയ്യുന്നത്. കോടിക്കണക്കിന് രൂപ ജനങ്ങളില്‍ നിന്നും ഉണ്ടാക്കി അവര്‍ വീട്ടിലേക്ക് പോവുകയാണ് ചെയ്യുന്നതെന്നും അദ്ദേഹം ആരോപിച്ചു.
വിഗ്രഹാരാധനും ദൈവമുമൊന്നുമില്ലാത്ത ഇന്ത്യയെക്കുറിച്ച് ചിന്തിക്കാനാവില്ല. ഇന്ത്യയുടെ സംസ്‌കാരത്തിന്റെ ഭാഗമാണത്. അത് ഇല്ലാതായാല്‍ ഇന്ത്യ ഇല്ലെന്നു തന്നെ പറയാം. നമ്മുടെ സംസ്‌കാരം നശിച്ച് ജീര്‍ണതയുടെ അവസ്ഥയിലെത്തുമെന്നും രവിശങ്കര്‍ പറഞ്ഞു.
നമ്മുടെ സംസ്‌കാരത്തെയും ചരിത്രത്തെയുമെല്ലാം വഴിതിരിച്ചുവിടാനാണ് സിനിമയുടെ ശ്രമം. നമ്മുടെ സാംസ്‌കാരിക മൂല്യങ്ങള്‍ തകര്‍ന്നാല്‍ യുവതലമുറയെത്തുന്നത് മദ്യ മയക്കുമരുന്നു ലോബിയുടെ കയ്യിലേക്കാവും. നെറ്റിയില്‍ കുറിയിട്ടവരെ വില്ലനായി അവതരിപ്പിക്കുക ബോളിവുഡിലെ ശീലമായിരിക്കുന്നു. മതത്തെ അവഹേളിക്കുന്നത് അഗീകരിക്കാനാകില്ലെന്നും ആശ്രമത്തിലെ പ്രതിദിനസംവാദത്തില്‍ രവിശങ്കര്‍ പറഞ്ഞു.
