ഓടുന്ന കാറില് ടെക്കിയെ കൊളളയടിച്ചു
ബാംഗ്ലൂര്
:
ഓടിക്കൊണ്ടിരുന്ന
കാറിനുളളില്
ടെക്കിയെ
കൊളളയടിച്ചു.
ബാംഗ്ലൂര്
ഹൊസ്സൂര്
മെയ്ന്
റോഡിലെ
ഇലക്ട്രോണിക്
സിറ്റിയ്ക്ക്
സമീപം
കഴിഞ്ഞ
ദിവസമാണ്
സംഭവം
നടന്നത്.
ജോലി കഴിഞ്ഞ് വീട്ടിലേക്ക് മടങ്ങവെയാണ് ഇലക്ട്രോണിക് സിറ്റിയിലെ സോഫ്റ്റ് വെയര് സ്ഥാപനത്തില് എഞ്ചിനീയറായ കാര്ത്തികേയന് (31) മോഷണത്തിനിരിയായത്. ഇയാളുടെ എട്ട് ഗ്രാം സ്വര്ണ്ണമാല, രണ്ട് ഗ്രാമിന്റെ പെന്ഡന്റ്, രണ്ട് ഗ്രാം സ്വര്ണ്ണമോതിരം എന്നിവ മോഷ്ടാക്കള് തട്ടിയെടുത്തു. യുവാവിന് നേരെ ആക്രമണശ്രമവുമുണ്ടായി.
രാത്രി 8.45 ഓടെ ഓഫീസില് നിന്നിറങ്ങിയ കാര്ത്തികേയന് ബി.എം.ടി.സി. ബസ് ഡിപ്പോയ്ക്ക് സമീപം ബസ് കാത്തുനില്ക്കുകയായിരുന്നു. ആ സമയത്ത് അതുവഴി കടന്നുവന്ന ടാറ്റ സുമോയിലെ ആളുകള് ലിഫ്റ്റ് നല്കാമെന്നും പറയുകയും യുവാവ് അത് സ്വീകരിക്കുകയുമായിരുന്നു. ഡ്രൈവറെക്കൂടാതെ രണ്ടുപേര് കാറിന്റെ പിന്സീറ്റില് ഇരിക്കുന്നുണ്ടായിരുന്നു. സംശയകരമായി യാതൊന്നും തോന്നിയില്ല. എന്നാല് കാറില്ക്കയറി നിമിഷങ്ങള്ക്കകം യുവാവിനെ പിന്സീറ്റിലിരുന്നവര് ആക്രമിച്ചു. യുവാവിന്റെ മാല, സ്വര്ണ്ണമോതിരം എന്നിവ കൂടാതെ മൊബൈല്ഫോണും പഴ്സിലുണ്ടായിരുന്ന പണവും അക്രമികള് തട്ടിയെടുത്തു. തുടര്ന്ന് ഫോണിലെ സിം ഊരിമാറ്റി നശിപ്പിക്കുകയും കാര് കുറച്ചുദൂരം സഞ്ചരിച്ചശേഷം യുവാവിനെ ചന്ദാപുരയ്ക്ക് സമീപമുളള റോഡില് തളളിയിടുകയുമായിരുന്നു.
സമീപത്തുണ്ടായിരുന്ന കടയുടമയാണ് പിന്നീട് യുവാവിന് ആവശ്യമായ സഹായങ്ങള് നല്കിയത്. തുടര്ന്ന് അത്തിബെലാ പോലീസ് സ്റ്റേഷനില് പരാതി നല്കാന് ചെന്നു. എന്നാല് സംഭവം നടന്നത് ഹെഗ്ഗബൊഡി പോലീസ് സ്റ്റേഷന് പരിധിയിലായതിനാല് അങ്ങോട്ടുപോയി പരാതി നല്കാന് ആവശ്യപ്പെട്ടു. തുടര്ന്ന് രാവിലെ ഒമ്പതോടെ യുവാവ് അവിടെയെത്തിയെങ്കിലും പരപ്പന അഗ്രഹാര പോലീസ് സ്റ്റേഷനില് പരാതിപ്പെടാന് അവിടത്തെ പോലീസുകാര് നിര്ദേശിച്ചു. സംഭവവുമായി ബന്ധപ്പെട്ട് പരപ്പന അഗ്രഹാര പോലീസ് സ്റ്റേഷനില് കേസ് രജിസ്റ്റര് ചെയ്തിരിക്കുകയാണിപ്പോള്.