98 രൂപയ്ക്ക് എയര്ടെല്ലില് ഡാറ്റാ- വോയ്സ് കോള് ഓഫര്: നീക്കം ജിയോയ്ക്ക് പണികൊടുക്കാന്!!
ദില്ലി: രാജ്യത്തെ ഏറ്റവും വലിയ ടെലികോം സേവന ദാതാക്കളായ ഭാരതി എയര്ടെല് പുതിയ ഓഫറുകളുമായി രംഗത്ത്. പ്രീപെയ്ഡ് ഉപയോക്താക്കള്ക്കായി 93 രൂപയുടെ ഓഫറാണ് എയര്ടെല് പുറത്തിറക്കിയിട്ടുള്ളത്. അണ്ലിമിറ്റഡ് ലോക്കല്- എസ്ഡിടി വോയ്സ് കോളുകള്ക്കൊപ്പം പ്രതിദിനം 100 എസ്എംഎസുകള് ഒരു ജിബി ഡാറ്റ എന്നിവയാണ് ഓഫറിന്റെ പ്രത്യേകതകള്. പത്ത് ദിവസമാണ് പുതിയ ഓഫറിന്റെ കാലാവധി.
യുഎഇ സന്ദര്ശിക്കാന് ഒരുങ്ങുന്നുണ്ടോ? എങ്കില് പോക്കറ്റ് കീറും! ജനുവരി മുതല് പുതിയ പരിഷ്കാരം
എയര്ടെല് ഉപയോക്താക്കള്ക്ക് പ്രതിദിനം 250 മിനിറ്റ് സൗജന്യ കോളുകളും ആഴ്ചയില് 1000 സൗജന്യ മിനിറ്റുകളും ഈ ഓഫറില് ലഭിക്കും. ഓഫര് പരിധി അവസാനിക്കുന്നതോടെ മിനിറ്റിന് 30 പൈസ വീതം ഈടാക്കുമെന്നും എയര്ടെല് പറയുന്നു. എന്നാല് 300ല് അധികം നമ്പറുകളിലേയ്ക്ക് ഈ നമ്പറില് നിന്ന് വിളിക്കാന് സാധിക്കില്ല. റിലയന്സ് ജിയോയും 98 രൂപയുടെ ഓഫര് ഉപയോക്താക്കള്ക്ക് നല്കുന്നുണ്ട്. അണ്ലിമിറ്റഡ് ലോക്കല്- എസ്ടിഡി കോളുകള്ക്ക് പുറമേ 140 എസ്എംഎസുകളാണ് ഈ ഓഫറില് പ്രതിദിനം ലഭിക്കുക. 2.1ജിബി ഡാറ്റയാണ് 14 ദിവസത്തേയ്ക്കുള്ള ഈ ഓഫറില് ലഭിക്കുന്നത്.
എയര്ടെല് കഴിഞ്ഞ ദിവസമാണ് എയര്ടെല് ടിവി ആപ്പ് പ്രഖ്യാപനം നടത്തിയത്. എയര്ടെല് ടിവിയില് ലഭിക്കുന്ന എല്ലാത്തരം പരിപാടികളും സേവനങ്ങളും ലഭിക്കുന്നതാണ് എയര്ടെല് ടിവി ആപ്പ്. എന്നാല് 2018 ജൂണ് വരെ എല്ലാ പ്രീപെയ്ഡ്- പോസ്റ്റ് പെയ്ഡ് ഉപയോക്താക്കള്ക്കും സൗജന്യ സേവനം ലഭിക്കുമെന്ന് കമ്പനി വ്യക്തമാക്കിയിട്ടുണ്ട്. സ്മാര്ട്ട് ഫോണില് എയര്ടെല് ടിവി ആപ്പ് ഡൗണ്ലോഡ് ചെയ്യുന്നതോടെ അണ്ലിമിറ്റഡ് സേവനങ്ങള് ആസ്വദിക്കാം.