ജിയോ- എയര്ടെൽ മത്സരം മുറുകുന്നു: ഒറ്റയടിക്ക് പരിഷ്കരിച്ചത് നാല് പ്ലാനുകള്, ജിയോയ്ക്ക് പണികിട്ടി!
ദില്ലി: റിലയന്സ് ജിയോയ്ക്ക് കനത്ത വെല്ലുവിളിയുയര്ത്തി രാജ്യത്ത ഏറ്റവും വലിയ ടെലികോം ഭീമന്. നിലവിലുള്ള പ്ലാനുകള് പരിഷ്കരിച്ചുകൊണ്ടാണ് എയർടെൽ രംഗത്തെത്തിയിട്ടുള്ളത്. ഒരുമാസത്തിനിടെ രണ്ടാം തവണയാണ് എയർടെല് ഒരേ പ്ലാന് പരിഷ്കരിക്കുന്നത്. പ്രതിദിനം ഒരു ജിബി 4ജി ഡാറ്റ നല്കിയിരുന്ന ഓഫറിൽ പ്രതിദിനം 100 എസ്എംഎസുകൾ, അൺലിമിറ്റഡ് ലോക്കല്-എസ്ടിഡി വോയ്സ് കോളുകളുമാണ് ലഭിച്ചിരുന്നത്. 28 ദിവസമാണ് ഓഫർ കാലാവധി. 149ന് പുറമേ 199, 448, 509 എന്നീ നിരക്കുകളിലുള്ള ഓഫറുകളാണ് കമ്പനി ഏറ്റവും ഒടുവില് പരിഷ്കരിച്ചിട്ടുള്ളത്.
റിലയൻസ് ജിയോയുടെ 149 രൂപയുടെ പ്ലാനിനോട് മത്സരിക്കുന്നതിന് വേണ്ടിയാണ് എയർടെല് സമാന നിരക്കില് ഓഫര് പുറത്തിറക്കിയത്. 28 ദിവസത്തേയ്ക്ക് പ്രതിദിനം 1 ജിബി ഡാറ്റയ്ക്കും 100 എസ്എംഎസിനും പുറമേ അൺലിമിറ്റഡ് വോയ്സ് കോളുമാണ് റിലയന്യ് ജിയോ ഉപയോക്തക്കള്ക്ക് നല്കിവന്നിരുന്നത്. എയർടെല്ലിൽ നിന്ന് വ്യത്യസ്തമായി ജിയോയിൽ ജിയോ ആപ്പ് സേവനങ്ങളും സൗജന്യമായി ലഭിക്കും.
199 രൂപയുടെ പ്ലാന്
ഭാരതി എയർടെല്ലിന്റെ 199 രൂപയുടെ പ്ലാനിൽ പ്രതിദിനം 1.4 ജിബി ഡാറ്റയാണ് ലഭിക്കുക. പ്രതിദിനം 100 എസ്എംഎസുകള്ക്ക് പുറമേ അണ്ലിമിറ്റഡ് ലോക്കല്- എസ്ടിഡി വോയ്സ് കോളും എയര്ടെൽ പ്രീ പെയ്ഡ് ഉപയോക്താക്കള്ക്ക് ലഭിക്കും. 28 ദിവസമാണ് ഓഫര് കാലാവധി.
448 രൂപയ്ക്ക് 82 ദിവസത്തേയ്ക്ക്
448 രൂപയ്ക്ക് പ്രതിദിനം 1.4 ജിബി ഡാറ്റ വീതം നല്കുന്നതാണ് എയര്ടെൽ പരിഷ്കരിച്ചിട്ടുള്ള മറ്റൊരു ഓഫര്. 82 ദിവസമാണ് ഓഫര് കാലാവധി. അണ്ലിമിറ്റഡ് ലോക്കൽ എസ്ടിഡി കോളുകള്ക്ക് പുറമേ പ്രതിദിനം 100 എസ്എംഎസുകളും ഈ പ്രീ പെയ്ഡ് പ്ലാനിൽ ലഭിക്കും.
509 രൂപയുടെ പ്രീ പെയ്ഡ് പ്ലാൻ
പ്രതിദിനം 1.4 ജിബി ഡാറ്റയ്ക്കൊപ്പം അൺലിമിറ്റഡ് ലോക്കല്- എസ്ടിഡി വോയ്സ് കോളുകളും ലഭിക്കുന്നതാണ് എയർടെല്ലിന്റെ 509 രൂപയുടെ ഓഫര്. മൂന്ന് മാസമാണ് ഓഫര് കാലാവധി.
84 ദിവസത്തെ ഓഫർ
ഇതിനെല്ലാം പുറമേ എയർടെല്ലിന്റെ 399 രൂപയുടെ പ്രീ പെയ്ഡ് പ്ലാൻ പ്രതിദിനം 1ജിബി ഡാറ്റ നല്കുന്ന ഓഫർ നൽകുന്നുണ്ട്. 84 ദിവസമാണ് ഓഫർ കാലാവധി. എയർടെല്ലിന്റെ മറ്റ് ഓഫറുകള്ക്ക് സമാനമായ എസ്എംഎസ്, വോയ്സ് കോള്സ ഓഫറുകളാണ് ഇതിലുമുള്ളത്.