Click it and Unblock the Notifications
Just In
Don't Miss
-
പിരീഡ്സ് ആയി എന്നതും ഒരു തന്ത്രമാക്കുന്നു! ബിഗ് ബോസിനകത്ത് നടക്കുന്ന ഡ്രാമകളെ പറ്റി ബിബി ആരാധകര് -
ലോകത്തിലെ ഏറ്റവും 'ആകര്ഷണീയമായ' കാറിന്റെ വില വെറും 7 ലക്ഷം! AI നല്കിയ ഞെട്ടിക്കുന്ന ഉത്തരം -
IPL 2024: തിരിച്ചുവരാന് മുംബൈ, പഞ്ചാബിനും ജയിക്കണം- ടോസ് 7 മണിക്ക് -
വിഷം കുത്തിവെച്ച് പഴുപ്പിച്ച മാങ്ങ എങ്ങനെ തിരിച്ചറിയാം, അവ ഉണ്ടാക്കുന്ന ആരോഗ്യപ്രശ്നങ്ങള് എന്തെല്ലാം? -
പണത്തിന് ആവശ്യമുണ്ടോ, 5 ലക്ഷം പേഴ്സണൽ ലോണെടുക്കാം, കുറഞ്ഞ പലിശ ഈ ബാങ്കിലാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
സ്വര്‍ണത്തെ വെല്ലുന്ന വിലക്കയറ്റവുമായി വെള്ളി! വില 60,000 കവിഞ്ഞു, 3 ദിവസം കൊണ്ട് 8,500 കൂടി
മുംബൈ: സ്വര്‍ണ വില കുത്തനെ ഉയര്‍ന്നതിലുള്ള ഞെട്ടലിലാണ് വ്യാപാര ലോകം. ചരിത്രത്തിലാദ്യമായി സ്വര്‍ണവില ഇന്ത്യയില്‍ പത്ത് ഗ്രാമിന് അമ്പതിവായിരം കവിഞ്ഞിരിക്കുന്നു. എന്നാല്‍ അതിലും ഞെട്ടിക്കുന്നതാണ് വെള്ളി വിലയിലെ വര്‍ദ്ധന.
വെള്ളിയുടെ വില മറികടന്നത് അറുപതിനായിരം രൂപ എന്ന ബെഞ്ച് മാര്‍ക്ക് ആണ്. ഒരു കിലോ വെള്ളിയുടെ വിലയാണ് അറുപതിനായിരം കടന്നത്. 6.6 ശതമാനം വില വര്‍ദ്ധനയാണ് ഒറ്റ ദിവസം കൊണ്ട് ഉണ്ടായത്.
മൂന്ന് ദിവസത്തിനുള്ളില്‍ വെള്ളി വില കിലോഗ്രാമിന് 8,500 രൂപയാണ് വര്‍ദ്ധിച്ചത്. എന്താണ് ഈ വെള്ളിവില വര്‍ദ്ധനയ്ക്ക് പിന്നിലെ സത്യം? പരിശോധിക്കാം...
വെള്ളിവില
വെള്ളിവില കിലോഗ്രാമിന് 61,130 രൂപ ആയിട്ടാണ് ഉയര്‍ന്നത്. ഒറ്റയടിക്ക് ഉണ്ടായത് 6.6 ശതമാനത്തിന്റെ വര്‍ദ്ധന. രൂപയില്‍ പറയുകയാണെങ്കില്‍ കിലോഗ്രാമിന് 3,400 രൂപ! തിങ്കളാഴ്ച വെള്ളിയുണ്ടാക്കിയ നേട്ടം കിലോഗ്രാമിന് 1,150 രൂപ ആയിരുന്നു.
തുടര്‍ച്ചയായി വില കൂടുന്നു
കഴിഞ്ഞ മൂന്ന് ദിവസമായി വെള്ളിവില കുതിച്ചുകൊണ്ടിരിക്കുകയാണ്. കഴിഞ്ഞ ഏഴ് വര്‍ഷത്തിനിടയിലെ ഏറ്റവും വലിയ വില വര്‍ദ്ധനയാണ് ഇപ്പോള്‍ രേഖപ്പെടുത്തിയിരിക്കുന്നത്. മൂന്ന് ദിവസം കൊണ്ട് കിലോഗ്രാമില്‍ 8,500 രൂപയോളം ആണ് കൂടിയത്.
Recommended Video
വെള്ളിവിലയും കൊറോണ വാക്‌സിനും
വെള്ളിയുടെ വിലയില്‍ ഇങ്ങനെ ഒരു വര്‍ദ്ധന ുണ്ടാകാനുള്ള കാരണം കൊവിഡ് 19 പ്രതിരോധ വാക്‌സിനുകള്‍ സംബന്ധിച്ച വാര്‍ത്തയാണ് എന്നാണ് റിപ്പോര്‍ട്ടുകള്‍. വാക്‌സിനുകളുടെ പരീക്ഷണ വിജയങ്ങളുടെ വാര്‍ത്തകളാണ് കഴിഞ്ഞ ദിവസങ്ങളില്‍ പുറത്ത് വന്നത്. ഇത് വ്യാവസായി പ്രവര്‍ത്തനങ്ങളുടെ തിരിച്ചുവരവിന്റെ സൂചനയായിട്ടാണ് വിലയിരുത്തപ്പെടുന്നത്.
വ്യാവസായിക പ്രധാന്യം
വെള്ളി എന്ന ലോഹത്തിന്റെ വ്യാവസായിക പ്രാധാന്യം കൂടിയാണ് ഈ വില വര്‍ദ്ധന വ്യക്തമാക്കുന്നത്. സോളാര്‍ പാനല്‍ മുതല്‍ ഇലക്ട്രോണിക്‌സ് ഉപകരണങ്ങള്‍ വരെയുളള അസംഖ്യം ഉത്പന്നങ്ങളുടെ നിര്‍മാണത്തിന് അത്യന്താപേക്ഷിതമായ ഒരു ലോഹമാണ് വെള്ളി.
ഒറ്റ ഔണ്‍സില്‍ 7.2 ശതമാനം
വെള്ളിയുടെ ഈ റെക്കോര്‍ഡ് വില വര്‍ദ്ധന 2013 ന് ശേഷം ആദ്യമായിട്ടാണ്. 7.2 ശതമാനം ആണ് വിലയിലെ വര്‍ദ്ധനവ്. ഒരു ഔണ്‍സിന് 22.8366 ഡോളറാണ് അന്താരാഷ്ട്ര വിപണിയിലെ വില. ഏഴ് വര്‍ഷത്തിനിടെ ആദ്യമായാണ് ഇത്രയും ഉയര്‍ന്ന വിലയില്‍ വെള്ളി എത്തുന്നത്.
ആശങ്കകള്‍ ഇങ്ങനെ
വെളളി വില ഒരുപക്ഷേ ഇനിയും കൂടിയേക്കാം എന്നും സംശയിക്കപ്പെടുന്നുണ്ട്. കാരണം വെള്ളി ഉത്പാദനത്തില്‍ മുന്‍പന്തിയില്‍ ഉള്ള മെക്‌സിക്കോയും ലാറ്റിന്‍ അമേരിക്കന്‍ രാജ്യങ്ങളും ഇപ്പോഴും കൊവിഡിന്റെ പിടിയില്‍ ആണ്. അതുകൊണ്ട് തന്നെ വിപണിയില്‍ ആവശ്യത്തിന് വെള്ളി എത്തിയില്ലെങ്കില്‍ വില ഇനിയും കൂടും.
