നാല് പതിറ്റാണ്ടിനിടയില് ആദ്യം; ഇതൊരു ഇന്ത്യന് ദുരന്തകഥ... ജിഡിപി തകര്ന്നടിഞ്ഞു
ദില്ലി: രാജ്യം കടുത്ത സാമ്പത്തിക പ്രതിസന്ധിയിലൂടെ കടന്നുപോകാന് തുടങ്ങിയിട്ട് നാളുകള് ഏറെയായി. നോട്ട് നിരോധനത്തിന് ശേഷം ഉണ്ടായ തകര്ച്ചയില് നിന്ന് തിരികെ കയറാന് സാധിച്ചിട്ടില്ല. അതിനിടെയാണ് കൊവിഡ് തുടരുന്ന കൊവിഡ് വ്യാപനം കൂടി സമ്പദ് ഘടനയുടെ നട്ടെല്ലൊടിച്ചത്.
നാല് പതിറ്റാണ്ടിനിടെയുള്ള ഏറ്റവും വലിയ ജിഡിപി ഇടിവിനാണ് ഇപ്പോള് രാജ്യം സാക്ഷ്യം വഹിച്ചിരിക്കുന്നത്. 2020-2021 സാമ്പത്തിക വര്ഷത്തിലെ ആദ്യ പാദത്തില് രാജ്യത്തെ മൊത്തം ആഭ്യന്തര ഉത്പാദനം 23.9 ശതമാനം ആണ് ഇടിഞ്ഞിരിക്കുന്നത്. സ്റ്റാറ്റിസ്റ്റിക്സ് ആന്ഡ് പ്രോഗ്രാം ഇംപ്ലിമെന്റേഷന് മന്ത്രാലയം ആണ് കണക്കുകള് പുറത്ത് വിട്ടിരിക്കുന്നത്.
40 വര്ഷത്തിനിടെ
ആഭ്യന്തര ഉത്പാദനത്തില് ഇടിവ് സംഭവിക്കുന്നത് ഇന്ത്യയുടെ ചരിത്രത്തില് ആദ്യമായിട്ടൊന്നും അല്ല. എന്നാല് ഇത്രയും ഇടിവ് സംഭവിക്കുന്നത് കഴിഞ്ഞ നാല്പത് വര്ഷത്തിനിടെ ആദ്യമായിട്ടാണ് എന്നാണ് റിപ്പോര്ട്ടുകള്. കൊവിഡ് വ്യാപനം തന്നെയാണ് ഇതിന് കാരണമായി സര്ക്കാരും പറയുന്നത്.
പ്രവചനങ്ങളേക്കാള് രൂക്ഷം
ജൂണില് ആണ് 2020-21 സാമ്പത്തിക വര്ഷത്തിലെ ആദ്യപാദം അവസാനിച്ചത്. ബ്ലൂംബെര്ഗിന്റെ സര്വ്വേ പ്രകാരം ഇന്ത്യയുടെ മൊത്തം ആഭ്യന്തര ഉത്പാദനം (ജിഡിപി) 18 ശതമാനം കുറഞ്ഞു എന്നായിരുന്നു റിപ്പോര്ട്ട്. എസ്ബിഐയുടെ റിപ്പോര്ട്ട് പ്രകാരം ജിഡിപി 16.5 ശതമാനം വരെ കുറയും എന്നായിരുന്നു. എന്നാല് ഈ പ്രവചനങ്ങളേക്കാളെല്ലാം രൂക്ഷമായ തിരിച്ചടിയാണ് രാജ്യം യഥാര്ത്ഥത്തില് നേരിടുന്നത് എന്നാണ് പുതിയ ജിഡിപി കണക്കുകള് വ്യക്തമാക്കുന്നത്.
ലോക്ക് ഡൗണ്
കൊവിഡ് വ്യാപനത്തെ തുടര്ന്ന് മാര്ച്ച് അവസാനത്തോടെ രാജ്യത്ത് സമ്പൂര്ണ ലോക്ക് ഡൗണ് പ്രഖ്യാപിച്ചിരുന്നു. അവശ്യസേവനങ്ങളല്ലാതെ മറ്റൊന്നും ഈ കാലയളവില് അനുവദനീയം ആയിരുന്നില്ല. ഇതാണ് ജിഡിപിയില് ഇത്രയും വലിയ ഇടിവുണ്ടാകാനുള്ള പ്രധാന കാരണം.
രേഖപ്പെടുത്തിയ ചരിത്രം
1996 മുതലാണ് പാദവാര്ഷിക അടിസ്ഥാനത്തില് ജിഡിപി വിവരങ്ങള് ഇന്ത്യ പുറത്ത് വിടാന് തുടങ്ങിയത്. അക്കാലം മുതല് ഇതുവരെ, രേഖപ്പെടുത്തപ്പെട്ട ചരിത്രത്തില് ഇത്രയും വലിയ ഇടിവ് സംഭവിച്ചിട്ടില്ല. 2020 ജനുവരി മുതല് മാര്ച്ച് വരെയുള്ള പാദത്തില് രാജ്യം നേടിയ സാമ്പത്തിക വളര്ച്ച 3.1 ശതമാനം മാത്രമായിരുന്നു. കഴിഞ്ഞ 17 വര്ഷത്തിനിടയിലുള്ള ഏറ്റവും മോശം സാമ്പത്തിക വളര്ച്ചയായിരുന്നു അത്.
മോദി സര്ക്കാര്
കേന്ദ്രത്തില് നരേന്ദ്ര മോദി സര്ക്കാര് അധികാരത്തിലേറിയതിന് പിറകെ തുടര്ച്ചയായി സാമ്പത്തിക മേഖലയില് രാജ്യം തിരിച്ചടികള് നേരിട്ടുകൊണ്ടിരിക്കുകയാണ്. നോട്ട് നിരോധനവും ജിഎസ്ടിയും സാമ്പത്തിക മേഖലയുടെ നട്ടെല്ലൊടിച്ചു എന്ന ആക്ഷേപം നിലനില്ക്കുന്നുണ്ട്.
നാല് വര്ഷത്തെ കണക്കുകള്
കഴിഞ്ഞ നാല് വര്ഷത്തെ ജിഡിപി കണക്കുകള് തന്നെ രാജ്യത്തിന്റെ സാമ്പത്തികാവസ്ഥ വ്യക്തമാക്കുന്നുണ്ട്. 2019-20 സാമ്പത്തിക വര്ഷത്തില് ആദ്യ പാദത്തില് 5.2 ശതമാനം വളര്ച്ചയുണ്ടായപ്പോള് അവസാന പാദത്തില് അത് 3.1 ശതമാനത്തിലേക്ക് ഒതുങ്ങി. 2017 ല് ആദ്യപാദത്തില് 8.1 ശതമാനം ആയിരുന്നു വളര്ച്ച, അവസാന പാദത്തില് 6.1. 2018 ല് ആദ്യപാദത്തില് 6 ശതമാനം വളര്ച്ചയുണ്ടായിരുന്നത് അവസാനപാദത്തിലെത്തിയപ്പോള് 8.1 ശതമാനമായി ഉയര്ന്നിരുന്നു. എന്നാല് 2019 ല് വീണ്ടും ജിഡിപി ഇടിയുന്നതാണ് കണ്ടത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google