50 രൂപയ്ക്ക് ഒരു ജിബിയോ? ഇതാ ഒരു രൂപയ്ക്ക് ഒരു ജിബി... ജിയോ അല്ല, ഇത് ബിഎസ്എന്എല് ഡാ!!!
ദില്ലി: അമ്പത് രൂപയ്ക്ക് ഒരു ജിബി ഡാറ്റ നല്കും എന്ന് പ്രഖ്യാപിച്ച റിലയന്സി ജിയോയ്ക്ക് വെല്ലുവിളിയുമായി ബിഎസ്എന്എല് രംഗത്ത്. ഒരു രൂപയ്ക്ക് ഒരു ജിബി ഡാറ്റയാണ് ബിഎസ്എന്എല്ലിന്റെ പുത്തന് ഓഫര്.
Read Also: ജിയോ തരുന്നത് 'ഫ്രീ' അല്ല മക്കളേ... മുട്ടന് പണിയാണ് !!! സത്യം അറിഞ്ഞാല് ഞെട്ടിപ്പോകും
ഇത് കേട്ട് കണ്ണ് തള്ളണ്ട. മൊബൈല് ഉപഭോക്താക്കള്ക്കല്ല ഈ ഓഫര്. ബ്രോഡ് ബാന്റ് ഉപഭോക്താക്കള്ക്കാണ്. എങ്കിലും ബിഎസ്എന്എല് ഇതുവരെ നല്കിയതില് വച്ച് ഏറ്റവും മികച്ച ഓഫറുകളില് ഒന്നാണിത്.
249 രൂപയ്ക്കാണ് പ്രതിമാസം 300 ജിബി ഡാറ്റ നല്കുക. 2 എംബിപിഎസ് വേഗത്തിലായിരിക്കും ഈ ഡാറ്റ ലഭിക്കുക. ആറ് മാസത്തേക്കാണ് ഈ പ്ലാന്. അത് കഴിഞ്ഞാല് വേണമെങ്കില് 499 രൂപയുടെ പഴയ പ്ലാനിലേക്ക് തന്നെ മാറാനും കഴിയും.
Read Also: ജിയോ കണ്ട് തുള്ളുമ്പോള് ഇക്കാര്യങ്ങള് മറക്കേണ്ട... സംഗതി അംബാനിയാണ്!!!
റിലയന്സ് ജിയോയുടെ നൈറ്റ് ഓഫര് പോലെയല്ല ബിഎസ്എന്എല്ലിന്റെ രാത്രി ഓഫര്. രാത്രിയില് ഫോണ് കോളുകള് സൗജന്യമായിരിക്കും. രാത്രി ഒമ്പത് മണിമുതല് രാവിലെ ഏഴ് മണി വരെ ആണ് ഇത്. റിലയന്സിന്റെ രാത്രി ഡാറ്റ ഓഫര് പുലര്ച്ചെ രണ്ട് മണിമുതല് അഞ്ച് മണി വരെ മാത്രമാണ്.
സെപ്തംബര് 9 മുതലാണ് ബിഎസ്എന്എല് പുതിയ പ്ലാന് തുടങ്ങുന്നത്. ഇത്തരം ആകര്ഷകമായ ഓഫറുകള് മൊബൈല് ഉപഭോക്താക്കള്ക്കും കൂടി ലഭ്യമാകുമോ എന്നാണ് ഇനി കാണേണ്ടത്.