കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മസാല വിപണിയിലെ കേരളത്തിന്റെ പെരുമ... ഈസ്റ്റേണ്‍ വില്‍പനയ്ക്ക്? മീരാന്‍ കുടുംബം കൈവിടുന്നോ?

Google Oneindia Malayalam News

മുംബൈ/കൊച്ചി: രാജ്യത്തെ മുന്‍നിര സുഗന്ധവ്യഞ്ജന , കറി പൗഡര്‍ നിര്‍മാതാക്കള്‍ ആണ് കേരളത്തില്‍ നിന്നുള്ള ഈസ്റ്റേണ്‍ കോണ്ടിമെന്റ്‌സ്. പ്രധാന പ്രമോട്ടര്‍മാരായ മീരാന്‍ കുടുംബം കമ്പനിയുടെ ഓഹരികള്‍ വിറ്റഴിക്കാന്‍ പദ്ധതിയിടുന്നു എന്നാണ് പുറത്ത് വരുന്ന വാര്‍ത്തകള്‍. എക്കണോമിക് ടൈംസ് ആണ് ഈ വാര്‍ത്ത പുറത്ത് വിട്ടിരിക്കുന്നത്.

മീരാന്‍ കുടുംബത്തിന് ഈസ്റ്റേണില്‍ 74 ശതമാനം ഓഹരികള്‍ ആണുള്ളത്. ആഗോള സുഗന്ധ വ്യജ്ഞന മേഖലയിലെ ഭീമന്‍മാരായ മക്കോര്‍മിക് ആന്റ് കോ 26 ശതമാനം ഓഹരിയുടെ ഉടമകളാണ്. മീരാന്‍ കുടുംബം മാത്രമല്ല, മക്കോര്‍മിക്കും അവരുടെ ഓഹരികള്‍ വില്‍ക്കാനുള്ള ശ്രമത്തിലാണ് എന്നാണ് എക്കണോമിക് ടൈംസ് റിപ്പോര്‍ട്ട് ചെയ്യുന്നത്.

Eastern

1,800 മുതല്‍ 2,000 കോടി രൂപ വരെയാണ് ഈസ്റ്റേണ്‍ കോണ്ടിമെന്റ്‌സ് കമ്പനിയുടെ മൂല്യം കണക്കാക്കുന്നത്. ഇന്ത്യയൊട്ടാകെ സാന്നിധ്യമുള്ള കേരളത്തില്‍ നിന്നുള്ള ബ്രാന്‍ഡ് ആണ് ഈസ്റ്റേണ്‍. ഗള്‍ഫ് മേഖലകളിലും ഇവര്‍ക്ക് ശക്തമായ സാന്നിധ്യമാണുള്ളത്. വരുമാനത്തിന്റെ 25 ശതമാനവും എത്തുന്നത് കയറ്റുമതിയിലൂടെ ആണ്.

1989 ല്‍ എംഇ മീരാന്‍ ആണ് ഈസ്റ്റേണ്‍ കോണ്ടിമെന്റ്‌സ് സ്ഥാപിക്കുന്നത്. സുഗന്ധ വ്യഞ്ജനങ്ങള്‍, കറി പൗഡറുകള്‍, മസാലകള്‍, അച്ചാറുകള്‍ തുടങ്ങി ഒട്ടേറെ ഉത്പന്നങ്ങള്‍ ഈസറ്റേണിന്റേതായി വിപണിയില്‍ എത്തുന്നുണ്ട്. കേരളത്തിന്റെ മാര്‍ക്കറ്റ് ഷെയറിന്റെ 70 ശതമാനവും ഈസ്റ്റേണിന് സ്വന്തമാണ്. നിര്‍മാണ മേഖലയിലും ഈസ്റ്റേണ്‍ സാന്നിധ്യം അറിയിച്ചിരുന്നു. കൂടാതെ റെഡി മെയ്ഡ് വസ്ത്ര നിര്‍മാണത്തിലും കിടക്ക വ്യാപാരത്തിലും ഈസ്റ്റേണ്‍ സാന്നിധ്യം തെളിയിച്ചു.

എംഇ മീരാന്റെ മക്കളായ നവാസ് മീരാനും ഫിറോസ് മീരാനും ആണ് ഇപ്പോള്‍ കമ്പനിയെ മുന്നോട്ട് നയിക്കുന്നത്. നവാസ് മീരാന്‍ ആണ് കമ്പനിയുടെ ചെയര്‍മാര്‍. ഓഹരി വില്‍പന സംബന്ധിച്ച് മീരാന്‍ കുടുംബമോ മാക്കോര്‍മിക്ക് അധികൃതരോ പ്രതികരിക്കാന്‍ തയ്യാറായില്ലെന്നാണ് എക്കണോമിക് ടൈംസ് റിപ്പോര്‍ട്ട് ചെയ്യുന്നത്. ഒമ്പത് വര്‍ഷമായി മക്കോര്‍മിക് ആന്റ് കോ ഈസ്‌റ്റേണ്‍ ഗ്രൂപ്പിനൊപ്പം ഉണ്ട്. 2010 ആയിരുന്നു അമേരിക്കന്‍ കമ്പനിയായ മക്കോര്‍മിക് 35 ദശലക്ഷം ഡോളറിന്(249 കോടി രൂപ) ഈസ്‌റ്റേണിന്റെ 26 ശതമാനം ഓഹരി സ്വന്തമാക്കിയത്.

English summary
Eastern Condiments promoters to sell their majority shares- Report
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X