സ്വര്ണവില വെറുതെയങ്ങ് ഉയരുകയല്ല... വിപണി ചാഞ്ചാട്ടങ്ങള്ക്കപ്പുറം ഈ സംഭവങ്ങളും കാരണം
ഓരോ ദിവസവും വിലയില് പുതിയ റെക്കോഡുകള് തേടിക്കൊണ്ടിരിക്കുകയാണ് സ്വര്ണം. ഈ ആഴ്ച മാത്രം നാല് തവണയാണ് വിലയില് സ്വര്ണം റെക്കോഡ് തിരുത്തിയത്. നിലവിലെ സാഹചര്യത്തില് അരലക്ഷം രൂപയ്ക്ക് പോലും ഒരു പവന് പൊന്ന് വാങ്ങാന് സാധിക്കാത്ത സാഹചര്യമാണ്. പലഘടകങ്ങളാണ് സ്വര്ണവിലയെ സ്വാധീനിക്കുന്നത് എന്നതിനാല് തന്നെ സ്വര്ണവിലയില് എന്താണ് സംഭവിക്കാന് പോകുന്നത് എന്ന് ആര്ക്കും പ്രവചിക്കാനൊക്കില്ല.
സാമ്പത്തിക സൂചകങ്ങള് മുതല് ഭൗമരാഷ്ട്രീയ സംഭവങ്ങള് വരെയുള്ള നിരവധി ഘടകങ്ങള് സ്വര്ണ വിലയെ സ്വാധീനിക്കുന്നു. ഏതൊരു ചരക്കിനെയും പോലെ വിതരണവും ഡിമാന്ഡും അനുസരിച്ച് സ്വര്ണത്തിന്റെ വിലയില് മാറ്റമുണ്ടാകും. ഖനന ഉല്പാദനം, റീസൈക്ലിംഗ് നിരക്ക്, വ്യാവസായിക ആവശ്യം എന്നിവയിലെ മാറ്റങ്ങള് വിപണിയില് സ്വര്ണത്തിന്റെ ലഭ്യതയെ ബാധിക്കും.
വിവിധ രാജ്യങ്ങളുടെ കേന്ദ്ര ബാങ്കുകള് കാര്യമായ അളവില് സ്വര്ണം കൈവശം വെക്കുന്നുണ്ട്. അവരുടെ വാങ്ങല് അല്ലെങ്കില് വില്ക്കല് പ്രവര്ത്തനങ്ങളും വിലയെ സ്വാധീനിക്കും. പലിശ നിരക്ക് സംബന്ധിച്ച തീരുമാനങ്ങള്, അളവ് ലഘൂകരണ പരിപാടികള് തുടങ്ങിയ പണ നയങ്ങളും സ്വര്ണത്തോടുള്ള നിക്ഷേപക വികാരത്തെ ബാധിക്കുന്നതാണ്. ഇത്തരത്തില് നിരവധി കാരണങ്ങള് ഉണ്ടെങ്കിലും സമീപകാലത്ത് സ്വര്ണ വിലയെ സ്വാധീനിച്ച പ്രധാന ചരിത്ര സംഭവങ്ങളും ഉണ്ട്. അവ എന്തൊക്കെയാണ് എന്ന് നോക്കാം.
കൊവിഡ്
കൊവിഡ് മഹാമാരി ലോകമെമ്പാടും വ്യാപകമായ സാമ്പത്തിക അനിശ്ചിതത്വത്തിലേക്കും വിപണിയിലെ ചാഞ്ചാട്ടത്തിലേക്കും നയിച്ചിരുന്നു. സാമ്പത്തിക തകര്ച്ചയും ഓഹരി വിപണിയിലെ തകര്ച്ചയും തടയാന് നിക്ഷേപകര് സ്വര്ണം പോലുള്ള സുരക്ഷിതമായ നിക്ഷേപങ്ങളിലേക്ക് തിരിഞ്ഞു. ഇത് സ്വര്ണത്തിന് ഡിമാന്ഡ് കൂടാന് കാരണമായി. ഇത് 2020 ല് സ്വര്ണവില കുതിച്ചുയരാന് കാരണമായി. അതിന് ശേഷം സ്വര്ണവില കുത്തനെ ഇടിഞ്ഞിട്ടില്ല.
റഷ്യ-ഉക്രെയ്ന് സംഘര്ഷം
റഷ്യയും ഉക്രെയ്നും തമ്മിലുള്ള സംഘര്ഷം പോലുള്ള ഭൗമരാഷ്ട്രീയ പിരിമുറുക്കങ്ങള് നിക്ഷേപകരെ സുരക്ഷിതമായ ആസ്തികളിലേക്ക് നയിക്കും. രണ്ട് വര്ഷത്തോളമായി തുടരുന്ന റഷ്യ-ഉക്രെയ്ന് സംഘര്ഷം ലോകത്ത് തന്നെ അനിശ്ചിതത്വം സൃഷ്ടിക്കാന് കാരണമായി. ഇത് മൂലമുള്ള അപകടസാധ്യത ഒഴിവാക്കല് കാരണം സ്വര്ണ വിപണിയിലും സമ്മര്ദ്ദം അനുഭവപ്പെട്ടു.
ആഗോള സാമ്പത്തിക പ്രതിസന്ധികള്
വലിയ സാമ്പത്തിക പ്രതിസന്ധികള് സുരക്ഷിതത്വം തേടിയുള്ള ആളുകളുടെ അലച്ചിലിന് കാരണമാകും. ഇക്കാലത്ത് നിക്ഷേപകര് സ്വര്ണം ഉള്പ്പെടെയുള്ള സുരക്ഷിത നിക്ഷേപ താവളങ്ങളിലേക്ക് ഒഴുകുന്നു. 2008ലെ സാമ്പത്തിക പ്രതിസന്ധിയുടെ കാലത്ത് സ്വര്ണവില കുതിച്ചുയര്ന്നിരുന്നു
വ്യാപാര യുദ്ധങ്ങളും താരിഫുകളും
അമേരിക്കയും ചെനയും പോലുള്ള പ്രധാന സമ്പദ്വ്യവസ്ഥകള് തമ്മിലുള്ള വ്യാപാര പിരിമുറുക്കങ്ങള് ആഗോള സാമ്പത്തിക വളര്ച്ചയെയും നിക്ഷേപക വികാരത്തെയും സ്വാധീനിക്കുന്നു. വ്യാപാര ചര്ച്ചകളെ ചുറ്റിപ്പറ്റിയുള്ള അനിശ്ചിതത്വവും താരിഫുകള് ചുമത്തലും നിക്ഷേപകരെ സ്വര്ണം പോലുള്ള സുരക്ഷിതമായ ആസ്തികളിലേക്ക് നയിക്കും. ഇത് വില വര്ധനവിന് കാരണമാകും
Click it and Unblock the Notifications
Sign in with Google