റെക്കോഡില് കണ്ണുവെച്ച് സ്വര്ണം, എന്തുകൊണ്ടാണ് സ്വര്ണവില കൂടിക്കൊണ്ടിരിക്കുന്നത്?
സ്വര്ണ വില സാധാരണക്കാര്ക്ക് അപ്രാപ്യമാകുന്ന തരത്തില് മുകളിലേക്ക് കുതിക്കാന് തുടങ്ങിയിട്ട് നാളേറെയായി. ഇന്നലേയും മിനിഞ്ഞാന്നുമായി 1200 രൂപയ്ക്ക് അടുത്താണ് ഒരു പവന് സ്വര്ണത്തിന് വില കൂടിയത്. കേരളത്തില് ഇന്നലെ ഒരു പവന് സ്വര്ണത്തിന് 320 രൂപയും ഗ്രാമിന് 40 രൂപയുമാണ് വര്ധിച്ചത്. ഇതോടെ ഒരു പവന് സ്വര്ണത്തിന്റെ വില 54920 രൂപയില് എത്തിയിരുന്നു.
ഒരു ഗ്രാം സ്വര്ണത്തിന് 6865 രൂപയുമാണ് വില. വിവാഹവും ഓണം പോലുള്ള ഉത്സവകാല സീസണും പ്രമാണിച്ചാണ് വിലയില് വര്ധനവ് ഉണ്ടായിരിക്കുന്നത് എന്നാണ് പൊതുവെയുള്ള സംസാരം. എന്നാല് യഥാര്ത്ഥത്തില് സ്വര്ണ വില കഴിഞ്ഞ കുറച്ച് വര്ഷങ്ങളായി മുകളിലേക്ക് പോകുന്ന പ്രവണത തന്നെയാണ് കാണിക്കുന്നത്. എന്താണ് ഇതിന് കാരണം എന്ന് ചിന്തിച്ചിട്ടുണ്ടോ?
യു എസ് ഫെഡറല് റിസര്വ് പലിശ നിരക്ക് വെട്ടിക്കുറച്ചേക്കാം എന്ന് പ്രതീക്ഷയും ഫണ്ട് വരവും ഡോളറിന്റെ ഇടിവും മൂലം കൂടുതല് ഉത്തേജനം ലഭിച്ചതോടെയാണ് സ്വര്ണവിലയില് ഇപ്പോള് കാണുന്ന സാഹചര്യം ഉടലെടുത്തത്. പലിശ നിരക്ക് കുറയ്ക്കുമെന്ന വിശ്വസം നിക്ഷേപകരെ സ്വര്ണത്തിലേക്ക് ആകര്ഷിക്കുകയാണ്. ഇത് കാരണം മഞ്ഞ ലോഹത്തിന്റെ വില മുമ്പത്തേക്കാള് ഉയര്ന്നു.
യു എസ് പ്രസിഡന്റ് തിരഞ്ഞെടുപ്പും സ്വര്ണവിലയെ സ്വാധീനിക്കുന്നുണ്ട്. ലോകമെമ്പാടുമുള്ള സെന്ട്രല് ബാങ്കുകള് അവരുടെ രാജ്യങ്ങളില് ബെഞ്ച്മാര്ക്ക് വായ്പാ നിരക്കുകള് നിശ്ചയിക്കുകയാണ്. സമ്പദ്വ്യവസ്ഥയിലെ പണലഭ്യത നിയന്ത്രിക്കുന്നതിനും പണപ്പെരുപ്പവും പണപ്പെരുപ്പവും സമ്മര്ദങ്ങള് നിയന്ത്രണവിധേയമാക്കുന്നതിനും വേണ്ടിയാണ് ഇത് ചെയ്യുന്നത്.
ബാങ്കുകള് നിശ്ചയിക്കുന്ന വായ്പാ നിരക്കുകള് ഉയര്ന്നതായിരിക്കുമ്പോള് അതിന്റെ ആഘാതം സാധാരണഗതിയില് പൗരന്മാരിലേക്കാണ് പതിക്കുന്നത്. അവരെ സംബന്ധിച്ചിടത്തോളം ബാങ്കുകളില് നിന്ന് പണം കടം വാങ്ങുന്നത് ചെലവേറിയതായി തീരുന്നു. അതിനാല് സെന്ട്രല് ബാങ്കുകള് പലിശനിരക്ക് കുറയ്ക്കുമ്പോള്, സ്വര്ണ്ണം കൂടുതല് ആകര്ഷകമാകും.
അതില് നിക്ഷേപിക്കുന്നത് ഉയര്ന്ന വരുമാനം വാഗ്ദാനം ചെയ്യും എന്ന പ്രതീക്ഷയാണ് അതിന് കാരണം. ആഭരണം എന്നതിനേക്കാളുപരി സുരക്ഷിതമായ നിക്ഷേപം എന്ന നിലയിലാണ് എല്ലാവരും സ്വര്ണത്തെ കാണുന്നത്. കടുത്ത പ്രസിഡന്ഷ്യല് മത്സരം കാരണം യുഎസിന്റെ ആഭ്യന്തര, വിദേശ നയങ്ങള് എങ്ങനെ മാറുമോ എന്നതില് അനിശ്ചിതത്വമുണ്ട്. അതുകാരണം സ്റ്റോക്കുകള് പോലുള്ള ആസ്തികള്ക്ക് ചാഞ്ചാട്ടമുണ്ടാകും. ഈ അനിശ്ചിതത്വവും സ്വര്ണത്തെ ഒരു സുരക്ഷിത നിക്ഷേപമെന്ന നിലയില് ആകര്ഷകമാക്കുന്നു.
Click it and Unblock the Notifications
Sign in with Google