സ്വര്ണത്തെ മറന്നേക്കൂ... 59000 ത്തിലെത്തി പവന്വില; ആഭരണത്തിന് 65000 കടക്കും!
സാധാരണക്കാരുടെ ആഭരണ സ്വപ്നങ്ങള്ക്ക് മേല് തീ കോരിയിട്ട് സ്വര്ണവില കുതിച്ചുയരുന്നു. ധന്തേരസ് ദിവസമായ ഇന്ന് സര്വകാല റെക്കോഡിലേക്കാണ് സ്വര്ണം നടന്ന് കയറിയിരിക്കുന്നത്. ഒക്ടോബര് മാസത്തില് ഇതുവരെ കണ്ട വിലയിലെ കുതിച്ചുചാട്ടം തന്നെയാണ് ഇന്നും ദൃശ്യമായത്. ഇത് എട്ടാം തവണയാണ് സ്വര്ണവില ഈ മാസം സര്വകാല റെക്കോഡ് തിരുത്തുന്നത്.
വിവാഹ സീസണ് ആയതിനാല് തന്നെ ആഭരണാവശ്യങ്ങള്ക്കായി സ്വര്ണം എടുക്കുന്ന സമയമാണിത്. മാത്രമല്ല ധന്തേരസ്, ദീപാവലി എന്നിവ കണക്കിലെടുത്തും ആളുകള് സ്വര്ണം വാങ്ങിക്കാറുണ്ട്. അതിനാല് തന്നെ സ്വര്ണത്തിന് ഡിമാന്ഡ് വര്ധിച്ച് നില്ക്കുന്ന സമയമാണിത്. ഇപ്പോഴത്തെ വില വര്ധനവ് സ്വര്ണം വാങ്ങാന് ആഗ്രഹിക്കുന്നവരെ സംബന്ധിച്ച് താങ്ങാനാകാത്തതാണ്.
ഇന്ന് ഒരു ഗ്രാം സ്വര്ണത്തിന് 60 രൂപയാണ് കൂടിയിരിക്കുന്നത്. ഇതോടെ ഒരു ഗ്രാം പൊന്ന് വാങ്ങാന് ഇന്ന് കൊടുക്കേണ്ട വില 7375 ആണ്. ചരിത്രത്തില് ആദ്യമായാണ് ഒരു ഗ്രാം സ്വര്ണം ഈ വിലയില് എത്തുന്നത്. ഒരു പവന് സ്വര്ണത്തിനും അതിന് ആനുപാതികമായി വില വര്ധിച്ചിട്ടുണ്ട്. എട്ട് ഗ്രാം സ്വര്ണത്തെയാണ് ഒരു പവനായി കണക്കാക്കുന്നത്. ഇത് പ്രകാരം ഒരു പവന് 480 രൂപയാണ് ഇന്ന് മാത്രം കൂടിയത്.
ഇതോടെ ചരിത്രത്തില് ആദ്യമായി പവന് 59000 രൂപ എന്ന വിലയിലേക്ക് സ്വര്ണം എത്തി. ആഭരണാവശ്യമായി സ്വര്ണം വാങ്ങുമ്പോള് ജി എസ് ടിക്കും ഹാള്മാര്ക്കിംഗ് നിരക്കിനും പുറമെ പണിക്കൂലി കൊടുക്കേണ്ടി വരും. ഇത് പ്രകാരം ഇന്നത്തെ വിലയ്ക്ക് ഒരു പവന്റെ സ്വര്ണാഭരണം വാങ്ങാന് 65000 രൂപയ്ക്ക് മുകളില് കൊടുക്കേണ്ടി വരും. അതായത് അഞ്ച് പവന്റെ സ്വര്ണാഭരണം വാങ്ങാന് രണ്ട് ലക്ഷം രൂപ പോലും മതിയാകില്ല എന്ന് സാരം.
പത്ത് കൊല്ലം മുന്പ് ഒരു ലക്ഷം രൂപയ്ക്ക് അഞ്ച് പവന് സ്വര്ണം ലഭിക്കുമായിരുന്നു എന്ന് ഓര്ക്കണം. സ്വര്ണവിലയില് വലിയൊരു ഇടിവൊന്നും ഇനി പ്രതീക്ഷിക്കേണ്ട എന്നാണ് വിപണി വിദഗ്ധര് പറയുന്നത്. പത്താം തിയതി രേഖപ്പെടുത്തിയ പവന് 56200 എന്നതാണ് ഈ മാസത്തെ ഏറ്റവും കുറഞ്ഞ വില. ഒന്നാം തിയതി 56400 ആയിരുന്നു പവന് വില. ഇതാണ് ഒരു മാസം പൂര്ത്തിയാകും മുന്പ് 2800 രൂപ വര്ധിച്ച് 59000 ത്തില് എത്തിയിരിക്കുന്നത്.
സ്വര്ണം വാങ്ങാന് ആഗ്രഹിക്കുന്നവര് ജ്വല്ലറികളിലെ അഡ്വാന്സ് ബുക്കിംഗ് പ്രകാരം വാങ്ങുന്നതായിരിക്കും നല്ലത്. ഇത് പ്രകാരം ബുക്ക് ചെയ്യുന്ന വിലയ്ക്ക് സ്വര്ണം വാങ്ങിക്കാം. പിന്നീട് വില കൂടിയാലും ബുക്ക് ചെയ്ത വിലയില് സ്വര്ണം വാങ്ങിക്കാന് സാധിക്കും. ഇനി ബുക്കിംഗിലെ വിലയേക്കാള് സ്വര്ണ വില ഇടിഞ്ഞാല് കുറഞ്ഞ വിലയ്ക്കും സ്വര്ണം വാങ്ങാന് ഉപഭോക്താക്കളെ പ്രാപ്തമാക്കുന്ന രീതിയാണ് ഇത്.
-
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
സ്വര്ണവില ഇന്ന് രണ്ടാംതവണയും കുതിച്ചു; തിരിച്ചടിച്ചത് 2 കാര്യങ്ങള്, പുതിയ പവന്, ഗ്രാം വില -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണത്തിന് ഒറ്റയടിക്ക് കൂടിയത് 15,000 രൂപ, വീണിടത്ത് നിന്ന് തിരിച്ച് കയറുന്നു, ഈ കുതിപ്പ് തുടരുമോ? -
ഗാര്ഹിക സ്വര്ണശേഖരം സാമ്പത്തിക സംവിധാനത്തിലേക്ക് കൊണ്ടുവരണം; നിര്ദേശത്തിന് പിന്നില് -
സ്വര്ണാഭരണം വാങ്ങുന്നത് എല്ലാവരും നിര്ത്തി... നാണയത്തിനും ബാറിനും ഡിമാന്ഡ് കൂടി; കാരണമിത് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google