Click it and Unblock the Notifications
Just In
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ജിഎസ്ടിയുടെ ആനുകൂല്യം ഉപഭോക്താക്കള്‍ക്ക്: രാജ്യത്ത് വിലക്കുറവുണ്ടാകുമെന്ന് മോദി
ദില്ലി: രാജ്യത്ത് നടപ്പിലാക്കിയ ചരക്കുസേവന നികുതിയുടെ ഗുണം ലഭിക്കുന്നത് ഉപഭോക്താക്കള്‍ക്കാകുമെന്ന് പ്രധാനമന്ത്രി നരേന്ദ്രമോദി. ജിഎസ്ടി രാജ്യത്ത് പുതിയ വ്യാപാര സംസ്കാരത്തിന് രൂപം നല്‍കിയെന്നും പ്രധാനമന്ത്രി വ്യക്തമാക്കി. ഉപഭോക്തൃ സംരക്ഷണം സംബന്ധിച്ച് സംഘടിപ്പിച്ച രാജ്യാന്തര സമ്മേളനത്തിലാണ് മോദി ഇക്കാര്യം വ്യക്തമാക്കിയത്.
ജിഎസ്ടി ഏര്‍പ്പെടുത്തുന്നതോടെ ദീര്‍ഘകാലാടിസ്ഥാനത്തില്‍ രാജ്യത്ത് വിലക്കുറവുണ്ടാകുമെന്നും ജിഎസ്ടിയുടെ പ്രയോജനം ഉപഭോക്താക്കള്‍ക്ക് ലഭിക്കുമെന്നും മോദി പറയുന്നു. ജിഎസ്ടി പ്രാബല്യത്തില്‍ വരുന്നതോടെ ഉല്‍പ്പാദകര്‍ തമ്മിലുള്ള മത്സരം വര്‍ധിക്കുമെന്നും ഇത് വിലക്കുറവ് ഉണ്ടാകുമെന്നുമാണ് മോദി ചൂണ്ടിക്കാണിക്കുന്നത്.
ഉപഭോക്തൃ സംരക്ഷണത്തിന് സര്‍ക്കാര്‍ കൂടുതല്‍ പ്രാധാന്യം നല്‍കുന്നുവെന്ന് വ്യക്തമാക്കിയ മോദി ഉപഭോക്താക്കളുടെ അവകാശങ്ങള്‍ സംരക്ഷിക്കുന്ന തരത്തിലുള്ള നിയമനിര്‍മാണം പരിഗണനയിലുണ്ടെന്നും തെറ്റിദ്ധാരണയുണ്ടാക്കുന്ന പരസ്യങ്ങള്‍ക്കെതിരെ കര്‍ശന നടപടി സ്വീകരിക്കുമെന്നും വ്യക്തമാക്കിയിട്ടുണ്ട്.
ബംഗ്ലാദേശ്, ചൈന, സിങ്കപ്പൂര്‍, ശ്രീലങ്ക, ദക്ഷിണ കൊറിയ എന്നീ രാജ്യങ്ങളുള്‍പ്പെടെ 20 രാജ്യങ്ങളില്‍ നിന്നുള്ള പ്രതിനിധികളാണ് സമ്മേളനത്തില്‍ പങ്കെടുക്കുന്നത്. രണ്ട് ദിവസമായി നടക്കുന്ന സമ്മേളനത്തില്‍ ഉപഭോക്തൃ സംരക്ഷണം സംബന്ധിച്ച് ഐക്യരാഷ്ട്ര മുന്നോട്ടുവയ്ക്കുന്ന മാര്‍ഗ്ഗനിര്‍ദേശങ്ങള്‍ പ്രാബല്യത്തില്‍ വരുത്തുന്നതിനായി ഏഷ്യന്‍ രാജ്യങ്ങളുടെ ഭാഗത്തുനിന്നുണ്ടാകേണ്ട നടപടികള്‍ സംബന്ധിച്ചും സമ്മേളനം ചര്‍ച്ച ചെയ്യും.
