ആധാര് ദുരുപയോഗം ചെയ്യുന്നത് തടയാം.. ശ്രദ്ധിക്കേണ്ട കാര്യങ്ങള്..
ആധാര് കാര്ഡ് രാജ്യത്തെ പൗരന്മാരുടെ ഔദ്യോഗിക തിരിച്ചറിയല് രേഖയായി മാറിയിരിക്കുകയാണ്. ബാങ്ക് അക്കൗണ്ട്, പാന് കാര്ഡ്, സിം തുടങ്ങി പല നിര്ണ്ണായക രേഖകളും ആധാര് കാര്ഡുമായി ബന്ധിപ്പിക്കണമെന്ന് സര്ക്കാര് അറിയിച്ചിരുന്നു. ചുരുക്കിപ്പറഞ്ഞാല് ആധാര് ഒരു ഇന്ത്യന് പൗരന്റെ ജീവിതത്തിലെ അവിഭാജ്യ ഘടകമായി മാറി. രാജ്യത്ത് ഇതുവരെ 11 കോടി ആധാര് കാര്ഡുകളാണ് വിതരണം ചെയ്തിട്ടുള്ളത്.
ആധാര് കാര്ഡിലെ വിവരങ്ങള് പലപ്പോഴും ദുരുപയോഗം ചെയ്യപ്പെടാന് സാധ്യതയുണ്ട്. അല്പമൊന്നു ശ്രദ്ധിച്ചാല് ഇക്കാര്യത്തില് വേണ്ട മുന്കരുതല് എടുക്കാന് സാധിക്കും. എന്തൊക്കെ കാര്യങ്ങളാണ് അറിയേണ്ടത്.
ബയോമെട്രിക് വിവരങ്ങള്
പൗരന്മാരുടെ ബയോമെട്രിക് വിവരങ്ങള് അടങ്ങിയ തിരിച്ചറിയല് രേഖയാണ് ആധാര് കാര്ഡ്. ഐറിസ് സ്കാനിങ്ങ്, ഫിംഗര് പ്രിന്റ് വിവരങ്ങള് എന്നിവയടങ്ങിയ ഡാറ്റയാണ് ബയോമെട്രിക്സ്.
ചോര്ത്തിയോ..?
അമേരിക്കയുടെ നാഷണല് ഇന്വെസ്റ്റിഗേറ്റീവ് ഏജന്സി(എന്ഐഎ), ടെലികോം കമ്പനിയായ ജിയോ എന്നിവ ആധാര് വിവരങ്ങള് ചോര്ത്തി എന്നു റിപ്പോര്ട്ടുകളുണ്ടായിരുന്നുവെങ്കിലും ഇവര് ഇത് നിഷേധിക്കുകയാണുണ്ടായത്. എന്നാല് ആശങ്കയുള്ളവര്ക്ക് ദുരുപയോഗം തടയണമെങ്കില് നിങ്ങളുടെ ബയോമെട്രിക് വിവരങ്ങള് ലോക്ക് ചെയ്യാം. ഭാവിയില് ഏതെങ്കിലും ആവശ്യത്തിന് ബയോമെട്രിക്സ് വിവരങ്ങള് ഉപയോഗിക്കില്ല എന്നുണ്ടെങ്കില് ഈ വിവരങ്ങള് ലോക്ക് ആക്കാവുന്നതാണ്.
യുഐഡിഎഐ വെബ്സൈറ്റ്
യുഐഡിഎഐയുടെ ഒദ്യോഗിക വെബ്സൈറ്റായ uidai.gov.in എന്ന സൈറ്റില് ലോഗിന് ചെയ്യുക. ആധാര് സര്വ്വീസസ് എന്ന സെക്ഷനില് 'Lock/Unlock Biometrics' എന്ന ഓപ്ഷനില് ക്ലിക്ക് ചെയ്യുക. തുടര്ന്ന് നിങ്ങള് മറ്റൊരു പേജിലെത്തും.
അടുത്തത്
അടുത്ത പേജില് നിങ്ങളുടെ 12 അക്ക ആധാര് നമ്പര് നല്കുക. സെക്യൂരിറ്റ് കോഡ് ടൈപ്പ് ചെയ്ത് നിങ്ങളുടെ മൊബൈല് ഫോണില് ലഭിക്കുന്ന ഒടിപിയും നല്കുക. അതിനു ശേഷം ലോഗിന് ക്ലിക്ക് ചെയ്യുക. നിങ്ങളുടെ മൊബൈല് നമ്പര് ആധാറുമായി ബന്ധിപ്പിച്ചിട്ടില്ലെങ്കില് അടുത്തുള്ള ആധാര് എന്റോള്മെന്റ് സെന്ററുമായി ബന്ധപ്പെടുക.
ലോക്ക് ആക്കാം
വിജയകരമായി ലോഗിന് ചെയ്താല് 'enable' എന്ന ഓപ്ഷനില് ക്ലിക്ക് ചെയ്യുക. ഇത്രയും ചെയ്തു കഴിഞ്ഞാല് നിങ്ങളുടെ ബയോമെട്രിക് വിവരങ്ങള് ലോക്ക് ചെയ്യപ്പെടും. ലോക്ക് ചെയ്തു എന്നു പറഞ്ഞ കൊണ്ട് സന്ദേശവും പ്രത്യക്ഷപ്പെടും.
അണ്ലോക്ക് ചെയ്യാന്
ലോക്ക് ചെയ്തു കഴിഞ്ഞ് 10 മിനിറ്റിനു ശേഷം മാത്രമേ അണ്ലോക്ക് ചെയ്യാന് സാധിക്കൂ. ലോഗിന് ചെയ്ത് 'റശമെയഹല' ബട്ടനില് ക്ലിക്ക് ചെയ്താല് ആധാര് വിവരങ്ങള് അണ്ലോക്ക് ചെയ്യപ്പെടും. താത്കാലിക അണ്ലോക്ക് സമയത്തിനു ശേഷം യുഐഡിഎഐക്ക് തനിയെ 10 മിനിറ്റിനു ശേഷം ഡാറ്റ ലോക്ക് ചെയ്യാന് സാധിക്കും.
Click it and Unblock the Notifications
Sign in with Google