എണ്ണയില് ഇന്ത്യയുടെ കൂപ്പുകുത്തല്... ജൂണിൽ മാത്രം ഇടിഞ്ഞത് 6 ശതമാനം; സ്വകാര്യമേഖലയില് ദുരന്തം
ദില്ലി: അസംസ്കൃത എണ്ണ ഉത്പാദനത്തിലും പ്രകൃതി വാതക ഉത്പാദനത്തിലും സ്വയംപര്യാപ്തതയുള്ള രാജ്യമൊന്നും അല്ല ഇന്ത്യ. എന്നിരുന്നാലും ഇന്ത്യയില് നടക്കുന്ന ഉത്പാദനം അത്ര മോശമെന്നും പറയാന് കഴിമായുമായിരുന്നില്ല.
ആഗോള വിപണിയില് അസംസ്കൃത എണ്ണവിലയും പ്രകൃതിവാതക വിലയും വലിയ തകര്ച്ച നേരിട്ടുകൊണ്ടിരിക്കുകയാണ്. ഇന്ത്യയിലേയും സ്ഥിതി അത് തന്നെയാണ് എന്നാണ് റിപ്പോര്ട്ടുകള്. കൊവിഡ് വ്യാപനം തന്നെയാണ് ഇതിന് പ്രധാന കാരണം.
ജൂണ് മാസത്തില് ഇന്ത്യയുടെ അസംസ്കൃത എണ്ണ ഉത്പാദനം വലിയ ഇടിവാണ് നേരിട്ടത്. പ്രകൃതിവാതകത്തിന്റെ സ്ഥിതി അതിലും കഷ്ടമാണ് വിശദാംശങ്ങള്...
6 ശതമാനം കുറഞ്ഞു
ജൂണ് മാസത്തില് ഇന്ത്യയിലെ അസംസ്കൃത എണ്ണ ഉത്പാദനം കഴിഞ്ഞ വര്ഷത്തെ അപേക്ഷിച്ച് 6 ശതമാനം ആണ് കുറഞ്ഞത്. പ്രകൃതി വാതക ഉത്പാദനത്തില് ഉണ്ടായത് 12 ശതമാനത്തിന്റെ കുറവാണ്.
ജൂണിലെ അസംസ്കൃത എണ്ണ ഉത്പാദനം 2,527 ആയിരം മെട്രിക് ടണ് ആണ് എന്നാണ് റിപ്പോര്ട്ടുകള്.
കാലിയാകുന്ന എണ്ണപ്പാടങ്ങൾ
ഇന്ത്യ എണ്ണ സംപുഷ്ടമായ ഒരു രാജ്യമല്ല. ഇന്ത്യയിലെ എണ്ണപ്പാടങ്ങൾ വര്ഷങ്ങളായി വറ്റിക്കൊണ്ടിരിക്കുകയാണ് എന്നത് ഒരു യാഥാര്ത്ഥ്യമാണ്. എണ്ണയ്ക്ക് വേണ്ടി ഇന്ത്യക്ക് സൗദി അറേബ്യയേയും അമേരിക്കയേയും ഇറാനേയും ഒക്കെ ആശ്രയിക്കേണ്ടി വരുന്നത് ഇതുകൊണ്ടാണ്.
ഇപ്പോഴത്തെ ഉത്പാദനക്കുറവിന് കാരണം കൊറോണവൈറസ് വ്യാപനം കൂടിയാണ്.
Recommended Video
സ്വകാര്യമേഖലയില് കനത്ത പ്രഹരം
പൊതുമേഖല സ്ഥാപനം ആയ ഒഎന്ജിസിയുടെ എണ്ണക്കിണറുകളുടെ പ്രവര്ത്തനത്തെ കൊവിഡ് വ്യാപനം വലിയതോതില് ബാധിച്ചിട്ടില്ല. ഇവിടെ ഉത്പാദനത്തില് വെറും ഒരു ശതമാനത്തിന്റെ കുറവ് മാത്രമാണ് ഉണ്ടായിട്ടുള്ളത്. എന്നാല് ഓയില് ഇന്ത്യയുടെ എണ്ണപ്പാടങ്ങളില് ഉത്പാദനം 10 ശതമാനം കുറഞ്ഞു. സ്വകാര്യ മേഖലയില് ഇത് 16 ശതമാനം വരെ കുറഞ്ഞിട്ടുണ്ട് എന്നാണ് കണക്കുകള്.
പ്രകൃതിവാതകം
പ്രകൃതിവാതക ഉത്പാനം ജൂണില് 2,324 ദശലക്ഷം മെട്രിക് ടണ് ആയാണ് കുറഞ്ഞിരിക്കുന്നത്. ഒഎന്ജിസി ഉത്പാദനം 9 ശതമാനം കുറഞ്ഞപ്പോള് സ്വകാര്യ മേഖലയില് 29 ശതമാനം ആണ് കുറഞ്ഞത്. പ്രകൃതിവാതക ഉപഭോഗത്തിലുളള കുറവും ഉത്പാദനത്തെ ബാധിച്ചിട്ടുണ്ട് എന്നാണ് റിപ്പോര്ട്ടുകള്.
സംസ്കരണകേന്ദ്രങ്ങളിലെ സ്ഥിതി
2019 ജൂണ് മാസവുമായി താരതമ്യം ചെയ്യുകയാണെങ്കില് റിഫൈനറികളില് (എണ്ണ സംസ്കാരണ കേന്ദ്രങ്ങളില്) ഈ ജൂണ് മാസത്തില് നടന്ന സംസ്കരണ പ്രവര്ത്തനങ്ങള് 13.6 ശതമാനം കുറവാണ്. പൊതുമേഖലയില് 9.2 ശതമാനം ആണ് കുറവ്. സ്വകാര്യ മേഖലയില് 16 ശതമാനവും.
എണ്ണ ഉത്പാദനത്തില് ഇന്ത്യ
സമൃദ്ധമായ എണ്ണപ്പാടങ്ങള് ഉള്ള ഒരു രാജ്യമല്ല ഇന്ത്യ എന്ന് നേരത്തേ പറഞ്ഞല്ലോ. എണ്ണ ഉത്പാദനത്തില് നിലവില് ഒന്നാം സ്ഥാനത്തുള്ള രാജ്യം അമേരിക്കയാണ്. സൗദി അറേബ്യ രണ്ടാം സ്ഥാനത്തും. റഷ്യയാണ് മൂന്നാം സ്ഥാനത്തുള്ളത്.
ആഗോള തലത്തില് ഇന്ത്യയുടെ സ്ഥാനം 25 ആണ്. 2019 ലെ കണക്ക് അനുസരിച്ച് പ്രതിദനം ഇന്ത്യ ഉത്പാദിപ്പിക്കുന്ന അസംസ്കൃത എണ്ണ 715,459 ബാരല് ആണ്.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google