ഐഫോണിന് സീറോ ഡൗണ്‍ പെയ്‌മെന്റ് ഓഫറുമായി വോഡാഫോള്‍

ബെംഗളൂരു: സീറോ ഡൗണ്‍ പെയ്‌മെന്റില്‍ പോസ്റ്റ് പെയ്ഡ് വരിക്കാര്‍ക്ക് ഐഫോണ്‍ 6 നല്‍കുന്ന സ്‌കീം വോഡഫോണ്‍ പ്രഖ്യാപിച്ചു. ഐ ഫോണ്‍ പോസ്റ്റ് പെയ്ഡ് പാക്കേജിനൊപ്പം ടോക് ടൈം, എസ്എംഎസ്, ഡാറ്റ എന്നിവ ഉള്‍പ്പെടുത്തിയിരിക്കും. പ്രതിമാസം 2099 രൂപയ്ക്ക് ഈ സേവനം ലഭ്യമാകുമെന്നാണ് കരുതുന്നത്.

പുതിയ വരിക്കാര്‍ക്കും നിലവിലുള്ളവര്‍ക്കും ഉപയോഗപ്പെടുന്ന രീതിയിലാണ് സ്‌കീം വിഭാവനം ചെയ്തിട്ടുള്ളത്. ഐഫോണ്‍ 6 പ്ലസ് ഒഴികെയുള്ള എല്ലാ മോഡലുകളും സീറോ ഡൗണ്‍പേയ്‌മെന്റ് പാക്കേജില്‍ ഉള്‍പ്പെടുത്തിയിട്ടുണ്ട്.

താല്‍പ്പര്യമുള്ളവര്‍ക്ക് ഫോണിന്റെ വിലയും പ്രതിമാസ പ്ലാനും ഉള്‍പ്പെടെ ഒരു നിശ്ചിത സംഖ്യ ബില്‍ അടയ്‌ക്കേണ്ടി വരും. 4എസ് മോഡലാണെങ്കില്‍ മാസം 2099രൂപയും 5സി മോഡലാണെങ്കില്‍ 2499 രൂപയും 5എസാണെങ്കില്‍ 2999 രൂപയും 6, 6 പ്ലസ് മോഡലുകളാണെങ്കില്‍ 3599 രൂപയും പ്രതിമാസം അടയ്‌ക്കേണ്ടി വരും.

രണ്ടു വര്‍ഷത്തേക്ക് മേല്‍പ്പറഞ്ഞ രീതിയില്‍ തുക അടയ്‌ക്കേണ്ടത്. ഇക്കാലയളവില്‍ ഏറ്റവും മികച്ച ടോക്കിങ് പ്ലാനും വരിക്കാര്‍ക്ക് ലഭിക്കും. ഇതേ ഓഫറില്‍ മറ്റു സ്മാര്‍ട്ട് ഫോണുകളും നല്‍കാന്‍ പദ്ധതിയുണ്ട്. തവണ സംഖ്യ 12 മാസത്തിലേക്ക് ഒതുക്കാനും സൗകര്യമുണ്ട്. ജനുവരി 17 മുതലാണ് ഓഫര്‍ ആരംഭിക്കുന്നത്.

English summary

Vodafone has announced the launch of a special iPhone post-paid package wherein users will get talk time, SMS’s and 3G data along with a brand new iPhone for a monthly charge