സ്വർണ്ണവില മുകളിലേക്ക് വർധനവ്: ഈ മാസത്തെ ഉയർന്ന നിരക്കിൽ, എട്ട് ദിവസത്തിൽ 600 രൂപ വർധിച്ചു

കൊച്ചി: സംസ്ഥാനത്ത് സ്വർണ്ണ വില കുതിക്കുന്നു. 80 രൂപ വർധിച്ചതോടെ ഒരു പവൻ സ്വർണ്ണത്തിന്റെ വിലയിൽ ഉയർന്ന നിരക്കിലേക്ക് എത്തിയിരുന്നു. ഇതോടെ ഒരു പവൻ സ്വർണ്ണത്തിന്റെ വില 35,800 രൂപയിലേക്ക് എത്തിയിട്ടുണ്ട്. ഒരു ഗ്രാം സ്വർണ്ണത്തിന് പത്ത് രൂപയാണ് വർധിച്ചിട്ടുള്ളത്. ഇതോടെ ഒരു ഗ്രാം സ്വർണ്ണത്തിന്റെ വില 4475 രൂപയാണ് വർധിച്ചിട്ടുണ്ട്.

ജൂലൈയുടെ തുടക്കത്തിൽ 35,200 രൂപയിലേക്ക് എത്തിയിട്ടുണ്ട്. ഇക്കഴിഞ്ഞ എട്ട് ദിവസത്തിനിടെ 600 രൂപയുടെ വർധനവാണ് ഉണ്ടായിട്ടുള്ളത്. അതേ സമയം വരും ദിവസങ്ങളിൽ സ്വർണ്ണവില ഉയരുന്ന പ്രവണത തന്നെയായിരിക്കുമെന്നാണ് വിദഗ്ദർ ചൂണ്ടിക്കാണിക്കുന്നത്. ജൂൺ മാസത്തിൽ സ്വർണ്ണ വില താഴേക്കായിരുന്നു പോയിരുന്നതെങ്കിൽ ഈ മാസം സ്വർണ്ണ വിലയിൽ തുടർച്ചയായ വർധനവാണ് ഉണ്ടായിട്ടുള്ളത്.

വിപണിയുടെ തിരിച്ചുവരവിന്റെ സൂചനയാണ് സ്വർണ്ണവില വർധിക്കുന്നതെന്നാണ് വിദഗ്ദർ നൽകുന്ന വിവരം. ഡോളറിന്റെ മൂല്യം വർധിക്കുന്നതും സ്വർണ്ണവിലയിൽ മാറ്റം വരുന്നതിനുള്ള കാരണങ്ങളിലൊന്നാണ്. ജൂലൈ എട്ടിന് സ്വർണ്ണം ഗ്രാമിന് 4,465 രൂപയും പവന് 35,720 രൂപയുമായിരുന്നു വില. അന്താരാഷ്ട്ര വിപണിയിലും സ്വർണ്ണത്തിന്റെ വില വർധിച്ചുതന്നെയാണുള്ളത്. ട്രോയ് ഔൺസിന് 35,720 രൂപയിലേക്ക് എത്തിയിട്ടുണ്ട്.

English summary

Kerala Gold Rate Today (9th July 2021): Gold Price Climb Rs 600 In six Days And Reached Rs 35,800 For 1 Pavan