ഒരു വർഷം മാത്രം, ഹൈദരബാദ് ലുലുവിന് ശ്രദ്ധേയ നേട്ടങ്ങള്: വിശാഖപട്ടണം പദ്ധതിക്ക് പുത്തന് ഊർജ്ജം
കേരളത്തിന് പുറത്ത് പ്രവർത്തിക്കുന്ന ലുലു മാളുകളില് ഏറ്റവും ശ്രദ്ധേയമായ മാളാണ് ഹൈദരാബാദിലേത്. ബാംഗ്ലൂരിനും ലഖ്നൗവിനും ശേഷം തുറന്ന മാളിന് മികച്ച സ്വീകരണമാണ് ലഭിച്ചത്. ഇപ്പോഴിതാ വിജയകരമായ ഒരു വർഷം പൂർത്തീകരിച്ചിരിക്കുകയാണ് ഹൈദരാബാദ് ലുലു മാള്. റീട്ടെയില് രംഗത്ത് ഒരു വർഷം കൊണ്ട് തന്നെ വിശ്വസനീയമായ സ്ഥാപനമായി ലുലു മാള് മാറിയതായും ലുലു ഗ്രൂപ്പ് അധികൃതർ വ്യക്തമാക്കി.
മറ്റേതൊരു ലുലു മാളിനേയും പോലെ ഹൈദരാബാദിലെ ലുലു മാളും തങ്ങളുടെ ഉപഭോക്താക്കൾക്ക് ഗുണനിലവാരമുള്ള ഉൽപ്പന്നങ്ങളുടെയും സേവനങ്ങളുടെയും കാര്യത്തിൽ സമാനതകളില്ലാത്ത ഒരു ഷോപ്പിംഗ് അനുഭവം നൽകുന്നതായി ലുലു ഗ്രൂപ്പ് എക്സിക്യൂട്ടീവ് ഡയറക്ടർ അഷ്റഫ് അലി എംഎ പറഞ്ഞു . മാളിനെ കുറഞ്ഞ സമയത്തിനുള്ളില് തന്നെ മികച്ച ഷോപ്പിംഗ് ഡെസ്റ്റിനേഷനായി മാറ്റിയതിന് ഹൈദരാബാദ് ജനതയോട് നന്ദി പറയുന്നതായും അദ്ദേഹം പറഞ്ഞു.
കമ്പനിയുടെ വിജയത്തില് ഉപഭോക്താക്കളും ജീവനക്കാരും ഭാഗമാണെന്നും, എല്ലാവരോടും ഇക്കാര്യത്തിലുള്ള കമ്പനിയുടെ നന്ദി അറിയിക്കുന്നതായും ലുലു മാൾ ഹൈദരാബാദ് റീജണൽ ഡയറക്ടർ അബ്ദുൾ ഖദീരിയും വ്യക്തമാക്കി. "ഞങ്ങളുടെ ആദ്യ വർഷത്തിൽ ഞങ്ങൾ കൈവരിച്ച പുരോഗതിയിൽ ഞങ്ങൾ അവിശ്വസനീയമാംവിധം അഭിമാനിക്കുന്നു. ഇത് വളർച്ചയുടെയും പഠനത്തിൻ്റെയും പുതുമയുടെയും ഒരു യാത്രയാണ്. ഈ അടിത്തറയിൽ നിന്ന് മുന്നോട്ട് പോകാനുള്ള കരുത്ത് ഞങ്ങള് ആർജ്ജിക്കും" അദ്ദേഹം പറഞ്ഞു.
കഴിഞ്ഞ ഒരു വർഷത്തിനുള്ളില് 10 ദശലക്ഷത്തിലധികം ഉപഭോക്താക്കൾ അവരുടെ ഷോപ്പിംഗ് ഡെസ്റ്റിനേഷനായി ലുലു മാളിനെ തിരഞ്ഞെടുത്തു. കൂടാതെ ഹൈപ്പർമാർക്കറ്റിൽ വൈവിധ്യമാർന്ന ഉൽപ്പന്നങ്ങളുമായി ഞങ്ങള് ഉപഭോക്താക്കൾക്ക് ലോകോത്തര സേവനങ്ങൾ ഉറപ്പ് വരുത്തിയെന്നും അബ്ദുൾ ഖദീരി അഭിപ്രായപ്പെട്ടു.
ഇക്കാലയളവിനുള്ളില് ഇന്ത്യയിലെ ഏറ്റവും മികച്ച ഫുഡ് കോർട്ട് അവാർഡ്, മികച്ച ഫുഡ് കോനോസർ അവാർഡ്, ഇന്ത്യയിലെ മികച്ച ഹൈപ്പർമാർക്കറ്റ് അവാർഡ് എന്നിവ ലുലു ഹൈദരാബാദിന് ലഭിച്ചു. അവാർഡുകൾ കൂടാതെ, ലുലു ഹൈപ്പർമാർക്കറ്റിന് FSSAI-യിൽ നിന്ന് 5 സ്റ്റാർ റേറ്റിംഗ് സർട്ടിഫിക്കേഷനും സ്വന്തമാക്കാനായിട്ടുണ്ട്.
ഒന്നാം വാർഷികവുമായി ബന്ധപ്പെട്ട് ലുലു ഗ്രൂപ്പ് അധികൃതർ ഉപഭോക്താക്കള്ക്കായി പ്രത്യേക ഓഫറുകളും പ്രഖ്യാപിച്ചിട്ടുണ്ട്. സെപ്റ്റംബർ 21 മുതൽ ഒക്ടോബർ 31 വരെയാണ് ഓഫർ. ബംപർ സമ്മാനമായി കാർ, ബൈക്ക് ഉള്പ്പെടേയുള്ള നറുക്കെടുപ്പ് സമ്മാനങ്ങളുമുണ്ട്. ഈ സമ്മാനങ്ങൾ കൂടാതെ, ലുലു ഹൈപ്പർമാർക്കറ്റ് അതിൻ്റെ ഉപഭോക്താക്കൾക്ക് സെപ്റ്റംബർ 21 മുതൽ സെപ്റ്റംബർ 30 വരെ പ്രത്യേക ഓഫറുകളും നല്കും.
ഹൈദരാബാദ് ലുലു മാള് വന് വിജയമായതിന്റെ സാഹചര്യത്തില് വിശാഖപട്ടത്തണത്തെ പുതിയ മാളിന്റെ നിർമ്മാണ പ്രവർത്തനവും ലുലു ഗ്രൂപ്പ് വേഗത്തില് തന്നെ ആരംഭിക്കുമെന്നാണ് അറിയുന്നത്. ജഗന്മോഹന് റെഡ്ഡി മാറി ചന്ദ്രബാബു നായിഡു അധികാരത്തില് വന്നതോടെ വിശാഖപട്ടണത്തെ പദ്ധതിക്ക് വീണ്ടും ജീവന്വെച്ചതായുള്ള റിപ്പോർട്ടുകള് നേരത്തെ പുറത്ത് വന്നിരുന്നു.
Click it and Unblock the Notifications
Sign in with Google