ലുലു മാളിനെ വീഴ്ത്താന് പുതിയ മാള് വരുന്നു, രാജ്യത്തെ ഏറ്റവും വലിയ മാള് വരുന്നത് ഇവിടെ..!
ഇന്ത്യയിലെ ഏറ്റവും വലിയ മാള് എന്ന വിശേഷണം ലുലു ഗ്രൂപ്പിന് സ്വന്തമാണ്. നോയിഡയലെ ഡിഎല്എഫ് മാളാണ് ഈ പട്ടികയില് നിലവില് രണ്ടാം സ്ഥാനത്ത്. ലഖ്നൗവിലെ ലുലു മാള് ആണ് രാജ്യത്തെ ഏറ്റവും വലിയ മാള്. 45.9 ഏക്കര് അതായത് 18.6 ഹെക്ടര് സ്ഥലത്ത് 19 ലക്ഷം സ്ക്വയര് ഫീറ്റിലാണ് ലുലു മാള് സ്ഥിതി ചെയ്യുന്നത്. ലോകോത്തര ഷോപ്പിംഗ് അനുഭവം സമ്മാനിക്കുന്നവയാണ് ലുലുവിന്റെ എല്ലാ മാളുകളും.
ലഖ്നൗ ലുലു മാള് അതിനൊപ്പം തന്നെ വലിപ്പത്തിലെ ഈ സവിശേഷത കൊണ്ടും വ്യത്യാസപ്പെട്ടിരിക്കുന്നു. സുശാന്ത് ഗോള്ഫ് സിറ്റിയിലാണ് ലുലു മാള് സ്ഥിതി ചെയ്യുന്നത്. 2022 ലാണ് ലഖ്നൗ ലുലു മാള് ഉദ്ഘാടനം ചെയ്തത്. എന്നാല് രാജ്യത്തെ ഏറ്റവും വലിയ മാള് എന്ന വിശേഷണം അധികം വൈകാതെ ലഖ്നൗവിലെ ലുലു മാളിന് നഷ്ടമാകും എന്നാണ് റിപ്പോര്ട്ടുകള് സൂചിപ്പിക്കുന്നത്.
2027 ഓടെ ഡല്ഹിയിലെ ഇന്ദിരാഗാന്ധി ഇന്റര്നാഷണല് എയര്പോര്ട്ടിലെ എയ്റോസിറ്റി ഇന്ത്യയിലെ ഏറ്റവും വലിയ മാള് സ്ഥാപിക്കും എന്നാണ് റിപ്പോര്ട്ട്. വൃത്തങ്ങളെ ഉദ്ധരിച്ച് ടൈംസ് ഓഫ് ഇന്ത്യയാണ് ഇക്കാര്യം റിപ്പോര്ട്ട് ചെയ്യുന്നത്. വിമാനത്താവളത്തിനടുത്തുള്ള ഒരു നഗരം സൃഷ്ടിക്കുന്നതിനുള്ള വിശാലമായ പദ്ധതിയായ എയറോട്രോപോളിസിന്റെ ഭാഗമായാണിത് എന്നാണ് വിവരം.
എയറോട്രോപോളിസ് അടുത്ത അഞ്ച് വര്ഷത്തിനുള്ളില് എട്ട് മടങ്ങ് വികസിപ്പിക്കുമെന്നാണ് പ്രതീക്ഷിക്കുന്നത്. 2029 ഓടെ, നിലവില് 1.5 ദശലക്ഷം ചതുരശ്ര അടി പാട്ടത്തിനെടുക്കാവുന്ന സ്ഥലം വാഗ്ദാനം ചെയ്യുന്ന എയ്റോസിറ്റി, 10 ദശലക്ഷത്തിലധികം ചതുരശ്ര അടി അധികമായി കൂട്ടിച്ചേര്ക്കും. 6.5 ദശലക്ഷം ചതുരശ്ര അടി വിപുലീകരിക്കുന്നതോടെ ഇവിടം 18 ദശലക്ഷം ചതുരശ്ര അടി പാട്ടത്തിനെടുക്കാവുന്ന സ്ഥലമുള്ള ഒരു കേന്ദ്രമാക്കി മാറ്റും.
ഈ വിശാലമായ പ്രദേശത്ത് പൊതു ഇടങ്ങള്, റീട്ടെയില് ഔട്ട്ലെറ്റുകള്, ഫുഡ് കോര്ട്ടുകള്, ഓഫീസുകള്, മെഗാ മാള് എന്നിവ ഉള്പ്പെടും. രാജ്യത്തെ ആദ്യത്തെ എയറോട്രോപോളിസ് 2027 ഓടെ 2.8 ദശലക്ഷം ചതുരശ്ര അടി വിസ്തീര്ണമുള്ള ഒരു മാളും ഒരുക്കും. ഇത് ഇന്ത്യയിലെ ഏറ്റവും വലിയ മാളായി മാറും എന്നാണ് റിപ്പോര്ട്ടില് പറയുന്നത്. 2029-ഓടെ, എയ്റോസിറ്റിയിലെ പാട്ടത്തിനെടുക്കാവുന്ന പ്രദേശം രണ്ട് ഘട്ടങ്ങളിലായി 10 ദശലക്ഷം ചതുരശ്ര അടിയായി വളരും.
ഓഫീസുകള്, റീട്ടെയില് സ്പെയ്സുകള്, ഫുഡ് കോര്ട്ടുകള്, വിനോദ കേന്ദ്രീകൃത പൊതു ഇടങ്ങള് എന്നിവ ഉള്ക്കൊള്ളുന്നതിനായി 6.5 ദശലക്ഷം ചതുരശ്ര അടി കൂടി കൂട്ടിച്ചേര്ക്കും. മൊത്തം 1.8 കോടി ചതുരശ്ര അടി പാട്ടത്തിനെടുക്കാവുന്ന സ്ഥലം ഇതുവഴി സൃഷ്ടിക്കും. 2.5 ബില്യണ് ഡോളര് ചിലവിലാണ് എയ്റോസിറ്റി നിര്മാണം.
Click it and Unblock the Notifications
Sign in with Google