Click it and Unblock the Notifications
Just In
Don't Miss
-
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള് -
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നോട്ട് നിരോധനം: റിസര്‍വ് പുറത്തിറക്കിയത് 9.2 ലക്ഷം കോടി രൂപ, നോട്ടുകള്‍ക്ക് സംഭവിച്ചത്!!!
നോട്ട് പ്രതിസന്ധി പരിഹരിക്കുന്നതിനായി റിസര്‍വ്വ് ബാങ്ക് 9.2 ലക്ഷം കോടി രൂപയുടെ പുതിയ നോട്ടുകള്‍ പുറത്തിറക്കിയെന്ന് റിസര്‍വ് ബാങ്ക്
ദില്ലി: 500, 1000 രൂപ നോട്ടുകള്‍ അസാധുവാക്കിക്കൊണ്ടുള്ള കേന്ദ്രസര്‍ക്കാര്‍ പ്രഖ്യാപനത്തെ തുടര്‍ന്ന് റിസര്‍വ്വ് ബാങ്ക് പുറത്തിറക്കിയ പുതിയ നോട്ടുകളുടെ കണക്ക് പുറത്ത്. നോട്ട് പ്രതിസന്ധി പരിഹരിക്കുന്നതിനായി റിസര്‍വ്വ് ബാങ്ക് 9.2 ലക്ഷം കോടി രൂപയുടെ പുതിയ നോട്ടുകള്‍ പുറത്തിറക്കിയെന്ന് റിസര്‍വ് ബാങ്ക് ഗവര്‍ണര്‍ ഉര്‍ജ്ജിത് പട്ടേലിനെ ഉദ്ധരിച്ച് പാര്‍ലെമന്ററി പാനല്‍ അംഗമാണ് വ്യക്തമാക്കിയത്.
നോട്ട് അസാധുവാക്കല്‍ പ്രഖ്യാപനം സംബന്ധിച്ച ചോദ്യങ്ങള്‍ക്ക് മറുപടി നല്‍കുന്നതിനായി പാര്‍ലമെന്ററി ഫിനാന്‍സ് പാനല്‍ അംഗങ്ങളുമായി നടത്തിയ കൂടിക്കാഴ്ചയിലാണ് റിസര്‍വ് ബാങ്ക് പുറത്തിറക്കിയ പുതിയ നോട്ടുകള്‍ സംബന്ധിച്ച വെളിപ്പെടുത്തല്‍ നടത്തിയത്. ഇതില്‍ 86 ശതമാനത്തോളം നോട്ടുകളും ക്രയവിക്രയം നടത്തുന്നുണ്ടെന്നും അദ്ദേഹം വെളിപ്പെടുത്തി.
അസാധു നോട്ടുകള്‍ എത്ര
നോട്ട് നിരോധത്തെ തുടര്‍ന്ന് രാജ്യത്തെ ബാങ്കുകളില്‍ നിക്ഷേപിയ്ക്കപ്പെട്ട പഴയ നോട്ടുകള്‍ സംബന്ധിച്ച കൃത്യമായ കണക്ക് അവതരിപ്പിക്കുന്നതിലും നോട്ട് നിരോധനത്തെ തുടര്‍ന്നുണ്ടായ പ്രതിസന്ധികള്‍ എപ്പോള്‍ പൂര്‍വ്വ സ്ഥിതിയിലാവുമെന്ന് വ്യക്തമാക്കുന്നതിലും റിസര്‍വ് ബാങ്ക് ഗവര്‍ണര്‍ പരാജയപ്പെട്ടുവെന്നാണ് പാര്‍ലമെന്റ് പാനല്‍ അംഗങ്ങള്‍ വെളിപ്പെടുത്തുന്നത്.
തയ്യാറെടുപ്പുകള്‍ നേരത്തെ
നോട്ട് നിരോധനം സംബന്ധിച്ച് കേന്ദ്രസര്‍ക്കാരും റിസര്‍വ്വ് ബാങ്കും തമ്മിലുള്ള ചര്‍ച്ചകള്‍ 2016 ജനുവരി മുതല്‍ തന്നെ ആരംഭിച്ചിരുന്നുവെന്നും പാര്‍ലമെന്ററി പാനല്‍ അംഗം വ്യക്തമാക്കുന്നു.
ഒരു ദിവസം അവശേഷിയ്‌ക്കെ
500, 1000 രൂപ നോട്ടുകള്‍ അസാധുവാക്കുന്നതിനുള്ള കേന്ദ്രസര്‍ക്കാര്‍ നീക്കത്തിന് റിസര്‍വ് ബാങ്ക് ബോര്‍ഡിന്റെ അംഗീകാരം ലഭിച്ചതോടെ നവംബര്‍ ഏഴിനാണ് പ്രഖ്യാപനം സംബന്ധിച്ച വിവരങ്ങള്‍ റിസര്‍വ്വ് ബാങ്ക് അറിയുന്നതെന്നും ഗവര്‍ണര്‍ ഉര്‍ജ്ജിത് പട്ടേല്‍ വ്യക്തമാക്കുന്നു.
വളര്‍ച്ചാനിരക്ക് കുറച്ചു
നോട്ട് അസാധുവാക്കലിനെ തുടര്‍ന്നുള്ള പ്രത്യാഘാതങ്ങളെ തുടര്‍ന്ന് ഇന്ത്യയുടെ സമ്പദ് വ്യവസ്ഥ ഈ വര്‍ഷം മുന്‍വര്‍ഷത്തേക്കാള്‍ 6.6 ശതമാനം വളര്‍ച്ചയേ നേടൂവെന്ന് രാജ്യാന്തര നാണയ നിധി പ്രവചിച്ചിരുന്നു. സര്‍ക്കാര്‍ ഉന്നയിക്കുന്ന ന്യായവാദങ്ങള്‍ അസ്ഥാനത്താണെന്നും ഐഎംഎഫ് വ്യക്തമാക്കി.
