ജിയോ പോസ്റ്റ്പെയ്ഡ്,പ്രീപെയ്ഡ് പ്ലാനുകള് പുതുക്കി..രണ്ട് പുതിയ പ്ലാനുകള്
മുംബൈ: റിലയന്സ് ഇന്ഡസ്ട്രീസ് ലിമിറ്റഡ് ഉടമസ്ഥതയിലുള്ള ടെലികോം കമ്പനിയായ ജിയോ പോസ്റ്റ്പെയ്ഡ് പ്ലാനുകള് പുതുക്കി. ഒപ്പം പുതിയ രണ്ട് പ്ലാനുകള് കൂട്ടിച്ചേര്ക്കുകയും ചെയ്തിട്ടുണ്ട്.
309 രൂപയുടെ പ്ലാനില് ഇനി മുതല് ദിവസം ഒരു ജിബി നിരക്കില് 56 ദിവസത്തേക്ക് 56 ദജിബി ഡാറ്റ ലഭിക്കും. 309, 349, 509 പ്ലാനുകളുടെ വാലിഡിറ്റി ഇനി മുതല് 56 ദിവസം ആയിരിക്കും. നേരത്തേ 309 രൂപയുടെ പ്ലാനില് ദിവസം ഒരു ജിബി നിരക്കില് 84 ദിവസത്തേക്ക് 84 ജിബിയായിരുന്നു ലഭിച്ചു കൊണ്ടിരുന്നത്. 509 രൂപയുടെ പ്ലാനില് ദിവസം രണ്ട് ജിബിയായിരുന്നു ലഭിച്ചു കൊണ്ടിരുന്നത്. 84 ദിവസമായിരുന്നു കാലാവധി. 399 രൂപയുടെ പ്ലാനിന്റെ കാലാവധി 3 മാസം ആയിരിക്കും.
349 രൂപയുടെയും 399 രൂപയുടെയും രണ്ട് പുതിയ പ്ലാനുകളാണ് ജിയോ അവതരിപ്പിച്ചിരിക്കുന്നത്. 349 രൂപയുടെ പ്ലാനില് 54 ദിവസത്തേക്ക് 10+10 ജിബി ഡാറ്റയാണ് ലഭിക്കുക. പോസ്റ്റ്പെയ്ഡ് ഉപഭോക്താക്കള്ക്ക് ഇതിന്റെ കാലാവധി രണ്ട് മാസമാണ്. 399 രൂപയുടെ പ്ലാനില് പോസ്റ്റെപയ്ഡ് ഉപഭോക്താക്കള്ക്ക് 84 ദിവസത്തേക്ക് 84 ജിബി ആയിരിക്കും ലഭിക്കുക. പോസ്റ്റ്പെയ്ഡ് ഉപഭോക്താക്കള്ക്ക് ഇതേ നിരക്കില് 3 മാസത്തേക്ക് 90 ജിബി ഡാറ്റ ലഭിക്കും.