ഗൂഗിളും ജിയോയും കൈകോര്ക്കുന്നു;ജിയോയ്ക്ക് ഗൂഗിള് സ്മാര്ട്ട്ഫോണ്!4ജിയും അണ്ലിമിറ്റഡ് സര്വ്വീസ്
റിലയന്സ് ജിയോയ്ക്ക് മാത്രമായി 4ജി ഫോണ് നിര്മിക്കാനാണ് നീക്കമെന്ന് സൂചനയുണ്ട്
ദില്ലി: കുറഞ്ഞ ചെലവില് 4ജി സ്മാര്ട്ട് ഫോണ് പുറത്തിറക്കുന്നതിനായി റിലയന്സ് ജിയോയും ഗൂഗിളും കൈകോര്ക്കുന്നതായി റിപ്പോര്ട്ട്. റിലയന്സ് ജിയോയ്ക്ക് മാത്രമായി 4ജി ഫോണ് നിര്മിക്കാനാണ് നീക്കമെന്ന് ബിസിനസ് ലൈന് റിപ്പോര്ട്ട് ചെയ്യുന്നു. ഈ വര്ഷത്തിന്റെ അവസാനത്തോടെ സ്മാര്ട്ട്ഫോണ് പുറത്തിറക്കുമെന്നും ഗൂഗിള് ബ്രാന്ഡ് ഫോണിന് കൂടുതല് വിപണി കണ്ടെത്താന് സഹായിക്കുമെന്നുമാണ് കണക്കുകൂട്ടല്.
ഇതിന് പുറമേ ഈ വര്ഷം പുറത്തിറക്കാവുന്ന വിധത്തില് ടെലികോം സ്മാര്ട്ട് ടിവി സര്വ്വീസിനുള്ള സോഫ്റ്റ് വെയറും വികസിപ്പിച്ചെടുക്കുന്നുണ്ട്. ജിയോ കണക്ഷനുള്ള ആന്ഡ്രോയ്ഡ് പ്ലാറ്റ്ഫോമിലുള്ള സ്മാര്ട്ട് ഫോണുകളാണ് പുറത്തിറക്കുക. ഇതിന് പുറമേ റിലയന്സ് റീട്ടെയിലുമായി ചേര്ന്ന് റിലയന്സ് ഇന്ഡസ്ട്രീസ് വിവിധ ചൈനീസ് ഒഡിഎസ് കമ്പനികളുമായി ചേര്ന്ന് 4ജി വോള്ട്ട് സ്മാര്ട്ട്ഫോണ്, പോക്കറ്റ് റൂട്ടര് എന്നിവ വികസിപ്പിച്ചെടുക്കാനുള്ള ശ്രമങ്ങള് നടത്തുന്നുണ്ട്.
സ്മാര്ട്ട് സെറ്റ് ടോപ്പ് ബോക്സുകളും ചൈനീസ് കമ്പനിയായ ലാവ ഇന്റര്നാഷണലുമായി ചേര്ന്ന് വോള്ട്ട് ഫീച്ചര് ഫോണ് നിര്മിച്ച് വിപണിയിലെത്തിക്കാനുള്ള ശ്രമങ്ങളും റിലയന്സ് നടത്തി വരുന്നുണ്ട്. ആദ്യഘട്ടത്തില് സബ്സിഡിയില് 1000 രൂപയ്ക്ക് 4ജി ഫീച്ചര് ഫോണ് വിപണിയിലെത്തിക്കാനാണ് കമ്പനി ലക്ഷ്യമിടുന്നത്. ഫോണിനൊപ്പം അണ്ലിമിറ്റഡ് വോയ്സ്- വീഡിയോ കോളിംഗും ഉണ്ടാകുമെന്നും ഇക്കണോമിക് ടൈംസ് റിപ്പോര്ട്ട് ചെയ്യുന്നു.