• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മെറ്റല്‍ ചട്ടക്കൂടുള്ള സാംസങ് ഗ്യാലക്‌സി ആല്‍ഫ വിപണിയിലേക്ക്

  • By Gokul

സിയോള്‍: ഇതാദ്യമായി പ്ലാസ്റ്റിക് കൂടില്‍ നിന്നുംമാറി മെറ്റല്‍ ചട്ടക്കൂടുമായി പുറത്തിറങ്ങുന്ന സാംസങ് ഗ്യാലക്‌സി ആല്‍ഫ വിപണിയിലേക്ക്. സപ്തംബറില്‍ ലോകമെങ്ങുമുള്ള 150 രാജ്യങ്ങളില്‍ ഫോണ്‍ ലഭ്യമാകുമെന്ന് സാംസങ് അധികൃതര്‍ അറിയിച്ചു. ഗ്യാലക്‌സി സീരീസിലെത്തുന്ന ഏറ്റവും കനം കുറഞ്ഞ ഫോണും മെറ്റല്‍ ഫ്രെമുമാണ് മൊബൈലിന്റെ പ്രധാന സവിശേഷത എന്നു പറയാം.

4.7 ഇഞ്ച് എച്ച്ഡി ഡിസ്‌പ്ലേയുള്ള(720x1280) ഗ്യാലക്‌സി ആല്‍ഫയ്ക്ക് 6.7 മില്ലീ മീറ്ററാണ് കനം, ഭാരം 115 ഗ്രാമും. 2.1 മെഗാപിക്‌സല്‍ മുന്‍ ക്യാമറയുമുണ്ട്. ആന്‍ഡ്രോയിഡ് 4.4.4 കിറ്റ്കാറ്റ് ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഫോണിന് 1.8 ജിഎച്ച്‌സെഡ് ക്വാഡ് കോര്‍ പ്രൊസസര്‍, 2 ജി ബി റാം, 32 ജി ബി ഇന്റേണല്‍ റാം, 1860 എംഎഎച്ച് ബാറ്ററിയുമുണ്ട്.

ഫിംഗര്‍ പ്രിന്റ് സ്‌കാനര്‍, എസ് ഹെല്‍ത്ത് ആപ്ലിക്കേഷന്‍, ഹാര്‍ട്ട് റേറ്റ് സെന്‍സര്‍, അള്‍ട്രാ പവര്‍ സേവിങ് മോഡ്, പ്രൈവറ്റ് മോഡ് എന്നിവ ഫോണിന്റെ മറ്റു സവിശേഷതകളാണ്. അതേസമയം, സാംസങ് ഗ്യാലക്‌സിയുടെ മറ്റു മോഡലുകളില്‍ നിന്നും വ്യത്യസ്തമായി എക്‌സ്‌റ്റേണല്‍ മെമ്മറി സ്ലോട്ട് ആല്‍ഫയ്ക്ക് ഉണ്ടായിരിക്കില്ല. ഏകദേശം 42000 രൂപയ്ക്ക് ഇന്ത്യയില്‍ ലഭ്യമാകുമെന്നു കരുതുന്ന ഫോണ്‍ ബ്ലാക്ക്, സില്‍വര്‍, ഗോള്‍ഡ്, ബ്ലൂ എന്നീ നിറങ്ങളില്‍ ലഭ്യമാകും.

വിപണിയില്‍ ഇടിവു സംഭവിച്ചിട്ടുണ്ടെങ്കിലും ഐഫോണ്‍ 6ന് ഗ്യാലക്‌സി ആല്‍ഫ കനത്ത വെല്ലുവിളി ഉയര്‍ത്തുമെന്നാണ് കരുതുന്നത്. ചൈനീസ് ഫോണുകളുടെ കുതിപ്പില്‍ സാംസങ് മൊബൈല്‍ ഫോണുകളുടെ വില്‍പ്പനയില്‍ കനത്ത ഇടിവു സംഭവിച്ചുകൊണ്ടിരിക്കുമ്പോഴാണ് ആല്‍ഫ വിപണയിലെത്തുന്നത്. പുതിയ മോഡല്‍ ഉപഭോക്താക്കള്‍ കൈയ്യൊഴിയുകയാണെങ്കില്‍ ദക്ഷിണകൊറിയന്‍ കമ്പനിക്ക് കനത്ത തിരിച്ചടിയാകും അത്.

English summary
Samsung Introduces Galaxy Alpha, Samsung Galaxy Alpha, Samsung Galaxy Metal Frame
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more