സിനിമയിലെടുത്തത് ഗ്രീസിനെ, ചതിച്ചത് ചൈന, 'നഷ്ടം' തന്നെ ഇന്ത്യന് വിപണി 'നഷ്ടം' തന്നെ
മുംബൈ: ഗ്രീസ് പ്രതിസന്ധി യൂറോപ്പ് വിപണിയെ ബാധിയ്ക്കുന്നതിന്റെ പ്രതിഫലനം ഏഷ്യന് വിപണയിലും ഉണ്ടായേക്കുമെന്ന ആശങ്ക നിലനില്ക്കുന്നതിനിടെ ഇന്ത്യന് ഓഹരി വിപണിയില് നഷ്ടം. പണി കിട്ടിയത് ഗ്രീസില് നിന്നല്ല, ചൈനയില് നിന്നാണെന്ന് മാത്രം. ചൈനീസ് വിപണിയടെ തകര്ച്ച രാജ്യത്തെ വിപണിയേയും ബാധിച്ചു.
വ്യാപാരം ആരംഭിച്ചയുടനെ സെന്സ്കെസ് 256 പോയിന്റ് താഴ്ന്ന് 27915 ലും നിഫ്റ്റി 71 പോയിന്റ് ഇടിഞ്ഞ് 8439ലും എത്തിയിരുന്നു. എന്നാല് പന്ത്രണ്ട് മണിയോടെ 500 പോയിന്റിലേറെ സൂചികയില് നഷ്ടമുണ്ടായി. വേദാന്ത, ടാറ്റ മോട്ടോഴ്സ് , ഹിന്ഡാല്കോ തുടങ്ങിയ ഓഹരികളാണ് കനത്ത നഷ്ടമുണ്ടാക്കിയത്.
12 മണിയോടെ നിഫ്റ്റിയില് 150 പോയിന്റ് ഇടിവാണ് ഉണ്ടായത് . 8,350 ന് താഴെയാണ് നിഫ്റ്റിയില് വ്യാപാരം നടക്കുന്നത്. ചൈനീസ് വിപണി എട്ട് ശതമാനത്തിലേറെ തകര്ന്നതാണ് രാജ്യത്തെ വിപണികളേയും ബാധിച്ചത്. ഗ്രീസില് ഹിത പരിശോധന നടന്നതിന്റെ തൊട്ടടുത്ത ദിവസങ്ങളില് പോലും അത് ഇന്ത്യന് വിപണിയെ കാര്യമായി ബാധിച്ചിരുന്നില്ല. രാജ്യാന്തര വിപണിയില് ക്രൂഡ് ഓയില് വിലയും സ്വര്ണ വിലയും കുറഞ്ഞിട്ടുണ്ട് .