• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സ്നാപ്പ്ഡീലിനെ വിഴുങ്ങാനുള്ള ഫ്ലിപ്പ്കാര്‍ട്ടിന്‍റെ കരാറിന് പച്ചക്കൊടി:ലയനം ആമസോണിനുള്ള ഇരുട്ടടി!!

മുംബൈ: സ്നാപ്പ്ഡീലുമായി ലയിക്കുന്നതിനായി ഫ്ലിപ്പ് കാര്‍ട്ട് വെച്ച വാഗ്ദാനത്തില്‍ കമ്പനി വീണു. സ്നാപ്പ് ഡീലിനെ സ്വന്തമാക്കാന്‍ 900- 950 മില്യണ്‍ ഡോളറാണ് ഫ്ലിപ്പ്കാര്‍ട്ട് മുന്നോട്ടുവച്ചത്. ഈ തുകയ്ക്ക് സ്നാപ്പ്ഡീലിനെ കൈമാറാന്‍ തയ്യാറാണെന്ന് സ്നാപ്പ്ഡീല്‍ ഡയറക്ടര്‍ ബോര്‍ഡ‍് സമ്മതമറിയിച്ചുവെന്നാണ് റിപ്പോര്‍ട്ടുകള്‍. നേരത്തെ രണ്ട് തവണ സ്നാപ്പ്ഡീലിനെ വാങ്ങാനുള്ള ശ്രമങ്ങളുമായി ഫ്ലിപ്പ്കാര്‍ട്ട് കമ്പനിയെ സമീപിച്ചിരുന്നുവെങ്കിലും ഇത് നടന്നില്ല. തുടര്‍ന്നാണ് 900- 950 മില്യണ്‍ ഡോളറെന്ന തുക മുന്നോട്ടുവച്ചത്.

ഓണ്‍ലൈന്‍ വിപണിയിലെ മുഖ്യ എതിരാളിയായ ആമസോണിനെതിരെയുള്ള പോരാട്ടത്തിന് കരുത്തുപകരുന്നതായിരിക്കും സ്നാപ്പ്ഡീലിനെ സ്വന്തമാക്കാനുള്ള ഫ്ലിപ്പ്കാര്‍ട്ടിന്‍റെ തീരുമാനം. ജൂണ്‍ മാസത്തില്‍ ഫ്ലിപ്പ്കാര്‍ട്ടിന് റെക്കോര്‍ഡ് വില്‍പ്പനയാണ് നടന്നതെന്നാണ് വിവരം. യുഎസ് ഇ കൊമേഴ്സ് വെബ്സൈറ്റായ ആമസോണിനായിരിക്കും സ്നാപ്പ്ഡീല്‍- ഫ്ലിപ്പ്കാര്‍ട്ട് ലയനം തിരിച്ചടിയാവുന്നത്. സ്നാപ്പ്ഡീലിന്‍റെ ഉടമസ്ഥാവകാശമുള്ള ജാസ്പര്‍ ഇന്‍ഫോടെക് ഫ്ലിപ്പ്കാര്‍ട്ട് മുന്നോട്ടുവച്ച ഓഫര്‍ അംഗീകരിച്ചുവെന്നാണ് പുറത്തുവരുന്ന വാര്‍ത്തകള്‍. എന്നാല്‍ ഇരു കമ്പനികളും ഇത് സംബന്ധിച്ച് ഔദ്യോഗിക പ്രതികരണം നടത്തിയിട്ടില്ല.

ആദ്യം 500-600 ഡോളറെന്ന വാഗ്ദാനമാണ് ഫ്ലിപ്പ്കാര്‍ട്ട് സ്നാപ്പ്ഡീലിന് മുമ്പാകെ വച്ചത്. ഇതിന് കമ്പനി വഴങ്ങിയില്ലെന്ന് മാത്രമല്ല 800- 850 എന്ന രണ്ടാമത്തെ ഓഫറും കമ്പനി തള്ളിക്കളയുകയായിരുന്നു. സ്നാപ്പ്ഡീലിന്‍റെ ലോജിസ്റ്റിക് കമ്പനിയായ വോള്‍കാന്‍ എക്സ്പ്രസ്, ഇ കൊമേഴ്സ് ഡിവിഷന്‍, മാനേജ്മെന്‍റ് ബിസിനസ് സ്ഥാപനം യൂണികൊമേഴ്സ് ഇ സൊല്യൂഷന്‍സ് എന്നീ കമ്പനികളെയും കരാര്‍ യാത്ഥാര്‍ത്ഥ്യമാകുന്നതോടെ ഫ്ലിപ്പ്കാര്‍ട്ട് സ്വന്തമാക്കും.

English summary
Indian online marketplace Snapdeal has accepted Flipkart's revised takeover offer of up to $950 million, two sources said on Wednesday, providing heft to its bigger rival in a high-stakes battle with Amazon.com Inc.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X