ടോക് എച്ച് ഇന്സ്റ്റിറ്റ്യൂട്ട് ഓഫ് സയന്സ് ആന്ഡ് ടെക്നോളജിയില് ദിദ്വിന റിക്രൂട്ട്മെന്റ്
കൊച്ചി: മുന്നിര ഐടി സ്ഥാപനമായ ഇന്ഫോസിസ് ടെക്നോളജി ദിദ്വിന റിക്രൂട്ട്മെന്റ് സംഘടിപ്പിച്ചു. ആരക്കുന്നത്തെ ടോക് എച്ച് ഇന്സ്റ്റിറ്റ്യൂട്ട് ഓഫ് സയന്സ് ആന്ഡ് ടെക്നോളജിയിലാണ് റിക്രൂട്ട്മെന്റ്. ഒക്ടോബര് 17, 18 തീയതികളിലായിരിക്കും. വിവിധ എന്ജിനിയറിംഗ് വിഭാഗങ്ങളില് നിന്നായി 302 വിദ്യാര്ഥികള് രജിസ്റ്റര് ചെയ്യും. ഇതിലൂടെ കോളേജില് നിന്നും മികച്ച ഉദ്യോഗാര്ഥികളെ കണ്ടെത്താനാണ് ഇന്ഫോസിസ് ലക്ഷ്യമിടുന്നത്.
മിടുക്കരായ വിദ്യാര്ഥികളാണ് റിക്രൂട്ട്മെന്റില് പങ്കെടുക്കുന്നതെന്നും അവരുടെ കഴിവില് ആത്മവിശ്വാസമുണ്ടെന്നും പ്രിന്സിപ്പാള് ഡോ.ഡി വിന്സന്റ് എച്ച് വില്സണ് പറഞ്ഞു.കഴിഞ്ഞ വര്ഷം 91 ശതമാനം വിദ്യാര്ഥികളെ മുന് നിരക്കമ്പനികള് റിക്രൂട്ട്മെന്റ് ചെയ്തതായും പ്രിന്സിപ്പാള് പറഞ്ഞു.
വിദ്യാര്ത്ഥികള്ക്ക് പരിശീലനം നല്കി അവരെ തൊഴില് ക്ഷമതയുള്ളവരാക്കുന്നതിനായി ടിസ്റ്റിനെ ക്യാംപസ് കണക്ട് അഡ്വാന്സ്ഡ് പാര്ട്ണര് ഇന്സ്റ്റിറ്റ്യൂട്ടായി ഇന്ഫോസിസ് നേരത്തെ തന്നെ തെരഞ്ഞെടുത്തിരുന്നു.