വോഡഫോണില് രാജ്യാന്തര റോമിംഗ് സൗജന്യം; ഐഡിയ- വോഡഫോണ് കൂട്ടുകെട്ട് കലക്കും!!
ദില്ലി: വോഡഫോണ് 4ജി ഉപയോക്താക്കള്ക്ക് അത്യാകര്ഷക ഓഫറുമായി വോഡഫോണ് ഇന്ത്യ. ലോകത്തെ 40 രാഷ്ട്രങ്ങളിലേയ്ക്ക് സഞ്ചരിക്കുമ്പോള് സൗജന്യ റോമിംഗ് ഓഫറാണ് കമ്പനി 4ജി ഉപയോക്താക്കള്ക്ക് നല്കുന്നത്. സൗജന്യ ഇന്കമിംഗ്, ഔട്ട്ഗോയിംഗ് കോളുകളും സാധാരണ നിരക്കില് ഡാറ്റാ ബ്രൗസിംഗുമാണ് കമ്പനി നല്കുന്നത്. വിദേശ രാജ്യങ്ങള് സന്ദര്ശിക്കുമ്പോള് സൗജന്യ ഡാറ്റാ സേവനങ്ങള് ആസ്വദിക്കുന്നതിനും വോഡഫോണിന്റെ നീക്കം സഹായിക്കും.
3ജി ഉപയോക്താക്കള്ക്ക് സൗജന്യ സര്വ്വീസ് അവതരിപ്പിച്ചതിന് പിന്നാലെയാണ് 4ജി സേവനങ്ങള്ക്കും ഓഫര് പ്രഖ്യാപിക്കുന്നത്. നേരത്തെ 35 രാജ്യങ്ങളില് റോമിംഗ് സര്വ്വീസ് അവതരിപ്പിച്ച വോഡഫോണ് ഇത് 40ആക്കി ഉയര്ത്തുകയായിരുന്നു. യുഎസ്, യുഎഇ, ബ്രിട്ടന്, ഫ്രാന്സ്, ജര്മനി, സൗദി, ഒമാന്, ഖത്തര്, കുവൈത്ത്, ഇറ്റലി, തുര്ക്കി, ബെല്ജിയം, തുടങ്ങിയ രാഷ്ട്രങ്ങളിലേയ്ക്ക് സഞ്ചരിക്കുന്നവര്ക്കാണ് വോഡഫോണ് ഓഫര് ഏറെ സഹായകമാവുക.
നിരന്തരം ബിനിനസ് ട്രിപ്പുകള്ക്കും ഔദ്യോഗിക യാത്രക്കള്ക്കും മറ്റ് രാഷ്ട്രങ്ങള് സഞ്ചരിക്കേണ്ടിവരുന്നവര്ക്ക് കുറഞ്ഞ ചെലവില് ഇന്റര്നെറ്റ് സേവനം ലഭ്യമാക്കുകയാണ് വോഡഫോണ് ഇതുവഴി ലക്ഷ്യമിടുന്നത്. നേരത്തെ വോഡഫോണ് നാഷണല് റോമിംഗ് ചാര്ചജ്ജുകളും എടുത്തുനീക്കിയിരുന്നു. 30 ദിവസമാണ് ഓഫര് പാക്കിന്റെ കാലാവധി. കഴിഞ്ഞ ഒക്ടോബറില് ഭാരതി എയര്ടെലും സമാന ഓഫര് പ്രഖ്യാപിച്ചിരുന്നു.