വോഡഫോണ്‍ റെഡ് കലക്കനാണ്;അണ്‍ലിമിറ്റഡ് കോളിംഗും മൂന്നിരട്ടി ഡാറ്റയും!!!

വോഡഫോണിന് പണി നല്‍കാനൊരുങ്ങി റിലയന്‍സ് ജിയോ

മുംബൈ: വോഡഫോണ്‍ റെഡ് പോസ്റ്റ് പെയ്ഡ് പ്ലാനില്‍ ഓഫറുമായി വോഡഫോണ്‍. അണ്‍ലിമിറ്റഡ് എസ്ടിഡി- ലോക്കല്‍ വോയ്‌സ് കോളും മൂന്നിരട്ടി ഡാറ്റയും ഉള്‍പ്പെട്ടതാണ് പുതിയ ഓഫര്‍. 3ജിബി 4ജി ഡാറ്റയാണ് പുതിയ പ്ലാനില്‍ കമ്പനി ഉള്‍ക്കൊള്ളിച്ചിട്ടുള്ളത്. 499 രൂപയില്‍ തുടങ്ങുന്ന പോസ്റ്റ് പെയ്ഡ് പ്ലാനില്‍ അണ്‍ലിമിറ്റഡ് ലോക്കല്‍- എസ്ടിഡി വോയ്‌സ്‌കോളും മൂന്നിരട്ടി 4ജി ഡാറ്റയുമാണ് പോസ്റ്റ് പെയ്ഡ് ഉപയോക്താക്കള്‍ക്ക് ലഭിയ്ക്കുക. ഇതിന് പുറമേ 100 ലോക്കല്‍ നാഷണല്‍ എസ്എംഎസും ലഭിയ്ക്കും. 4ജി ഫോണ്‍ ഉപയോക്താക്കള്‍ത്ത് 3ജിബി 4ജി ഡാറ്റയും അല്ലാത്തവര്‍ക്ക് 1ജിബി ഡാറ്റയുമാണ് ലഭിയ്ക്കുക.

വോഡഫോണ്‍ റെഡിന്റെ 699 രൂപയുടെ ഓഫറില്‍ ജി സ്മാര്‍ട്ട്‌ഫോണ്‍ ഉപയോക്താക്കള്‍ക്ക് 5ജിബി 4ജി ഡാറ്റയും മറ്റ് ഉപയോക്താക്കള്‍ക്ക് 2.5 ജിബി ഡാറ്റയുമാണ് ലഭിയ്ക്കുക. അണ്‍ലിമിറ്റഡ് കോളിംഗിന് പുറമേ നാഷണല്‍ റോമിംഗും സൗജന്യമായിരിക്കും. ഇതിന് പുറമേ 999 രൂപ, 1,299 രൂപ, 1,699 രൂപ, 1999 രൂപ എന്നീ നിരക്കുകളിലും വോഡഫോണ്‍ റെഡ് പോസ്റ്റ്‌പെയ്ഡ് ഓഫറുകള്‍ അവതരിപ്പിച്ചിട്ടുണ്ട്.

എന്നാല്‍ വോഡഫോണ്‍ റെഡ് ഓഫറുകളില്‍ രാജ്യത്തെ ഓരോ സര്‍ക്കിളുകള്‍ക്കുമനുസരിച്ച് വ്യത്യാസങ്ങള്‍ പ്രകടമാണെന്നും കമ്പനി വ്യക്താക്കിയിട്ടുണ്ട്. നിലവില്‍ കമ്പനി അവതരിപ്പിച്ചിട്ടുള്ള പോസ്റ്റ് പെയ്ഡ് പ്ലാനുകള്‍ മധ്യപ്രദേശ്- ഛത്തീസ്ഗഡ്, ആന്ധപ്രദേശ്- തെലങ്കാന, ബിഹാര്‍- ജാര്‍ഖണ്ഡ്, ജമ്മു- കശ്മീര്‍, ഹിമാചല്‍ പ്രദേശ് എന്നീ സര്‍ക്കിളുകളില്‍ ലഭ്യമാകില്ല എന്ന് കമ്പനി അറിയിച്ചിട്ടുണ്ട്. റിലയന്‍സ് ജിയോ സൗജന്യ ഓഫര്‍ മാര്‍ച്ച് 31വരെ നീട്ടിനല്‍കിയ സാഹചര്യത്തിലാണ് പോസ്റ്റ് പെയ്ഡ് ഉപയോക്താക്കള്‍ക്ക് ഓഫറുകള്‍ പ്രഖ്യാപിച്ച് വോഡഫോണ്‍ രംഗത്തെത്തിയിട്ടുള്ളത്.

English summary

Vodafone has rolled out new plans under RED post-paid plans offering "3 times data" and unlimited local and STD voice calls for post-paid customers starting Rs. 499.