• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സ്വന്തം തടി രക്ഷിക്കാന്‍ സിഇഒ: യാഹൂവില്‍ 1700 പേര്‍ക്ക് ജോലിപോകും!

  • By Kishor

സാന്‍ഫ്രാന്‍സിസ്‌കോ: സെര്‍ച്ച് എഞ്ചിന്‍ വമ്പന്മാരായ യാഹൂ 1700 ജീവനക്കാരെ പുറത്താക്കാന്‍ ഒരുങ്ങുന്നതായി റിപ്പോര്‍ട്ട്. ബഹുരാഷ്ട്ര കുത്തക കമ്പനിയായ യാഹൂവിലെ ആകെ ജീവനക്കാരുടെ 15 ശതമാനത്തോളം വരും ഇത്. 2015 ലെ അവസാന പാദവര്‍ഷത്തെ വരുമാനക്കണക്കുകള്‍ നല്‍കുന്ന ആശങ്കയുടെ പുറത്താണ് ഈ നീക്കം.

സെര്‍ച്ച് എഞ്ചിന്‍ രംഗത്ത് ഗൂഗിളിന് ഏറെ പിന്നിലായിപ്പോയ യാഹൂ ഇന്റര്‍നെറ്റ് ബിസിനസ് വിറ്റഴിക്കാന്‍ വരെ സാധ്യതകളുണ്ട് എന്നാണ് റിപ്പോര്‍ട്ടുകള്‍. കമ്പനി മാനേജ്‌മെന്റില്‍ നിക്ഷേപകര്‍ക്ക് താല്‍പര്യം നഷ്ടപ്പെട്ട സാഹചര്യത്തില്‍ ജീവനക്കാരുടെ എണ്ണം കുറച്ച് ചെലവ് ചുരുക്കി പിടിച്ചുനില്‍ക്കാനാണ് സി ഇ ഒ മരീസ മെയര്‍ പദ്ധതിയിടുന്നത് എന്നാണറിയുന്നത്.

യാഹൂ സി ഇ ഒ മരീസ മെയര്‍ തന്നെയാണ് തന്റെ പദ്ധതികളെക്കുറിച്ച് ചൊവ്വാഴ്ച സൂചന നല്‍കിയത്. സജീവമല്ലാത്ത സര്‍വ്വീസുകള്‍ വിറ്റൊഴിവാക്കുന്നത് വഴി 1 ബില്യണ്‍ യു എസ് ഡോളറാണ് യാഹൂ വരുമാനം പ്രതീക്ഷിക്കുന്നത്. കമ്പനിയുടെ വലിപ്പം കുറഞ്ഞാലും കൂടുതല്‍ ശ്രദ്ധയോടെ പ്രവര്‍ത്തിക്കാനാകും എന്നും കണക്കുകൂട്ടപ്പെടുന്നു.

യാഹൂവിന്റെ വളര്‍ച്ചയ്ക്ക് ഇപ്പോഴത്തെ സി ഇ ഒയും ടീമും തടസ്സമാകുന്നുണ്ട് എന്ന് വരെ നിക്ഷേപകര്‍ ആരോപണം ഉന്നയിക്കുന്ന സ്ഥിതിയിലാണ് കാര്യങ്ങള്‍. മാനേജ്‌മെന്റ് തലപ്പത്ത് മാറ്റം വരിക, ഇന്റര്‍നെറ്റ് ബിസിനസ് വിറ്റഴിക്കുക എന്നിവയാണ് കമ്പനിക്ക് മുന്നിലുള്ള പെട്ടെന്നുള്ള സാധ്യതകള്‍. 2012 ലാണ് മള്‍ട്ടി നാഷണല്‍ ടെക്‌നോളജി കമ്പനിയായ പ്രസിഡണ്ടും സി ഇ ഒയുമായി മരീസ മെയര്‍ ചുമതലേയറ്റത്.

English summary
Yahoo is laying off about 1,700 employees and shedding some of its excess baggage in a shake-up likely to determine whether CEO Marissa Mayer can save her own job.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more