Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നാഥുറാം ഗോഡ്‌സേയുടെ പ്രതിമ തമിഴ്‌നാട്ടില്‍ കയറ്റാന്‍ അനുവദിക്കില്ല
ചെന്നൈ: രാഷ്ട്രപിതാവ് മഹാത്മാ ഗാന്ധിയുടെ ഘാതകന്‍ നാഥുറാം വിനായക് ഗോഡ്സെയുടെ പ്രതിമ തമിഴ് നാട്ടില്‍ സ്ഥാപിക്കാന്‍ അനുവദിക്കില്ലെന്ന് തമിഴ്‌നാട് മുഖ്യമന്ത്രി പനീര്‍ ശെല്‍വം. ഗോഡ്സെയുടെ പ്രതിമ സംസ്ഥാനത്തെ 13 ജില്ലകളില്‍ സ്ഥാപിക്കുമെന്ന് ഹിന്ദുമഹാസഭ പ്രഖ്യാപിച്ചിരിക്കെയാണ് മുഖ്യമന്ത്രി അതിനെതിരെ രംഗത്തെത്തിയിരിക്കുന്നത്.
ഗാന്ധി ഘാതകന്‍ ഗോഡ്സെയുടെ പ്രതിമ ഒരു കാരണവശാലും തമിഴ്‌നാട്ടില്‍ അനുവദിക്കില്ലെന്ന് അദ്ദേഹം പറഞ്ഞു. ഹിന്ദു മഹാസഭയുടെ നീക്കങ്ങള്‍ സര്‍ക്കാര്‍ സൂക്ഷ്മമായി നിരീക്ഷിച്ചുവരികയാണെന്നും അദ്ദേഹം വ്യക്തമാക്കി. അതേസമയം, പ്രതി സ്ഥാപിക്കാന്‍ അനുമതി തേടിയിട്ടുണ്ടെന്നും വിസമ്മതിക്കുകയാണെങ്കില്‍ പോലീസുകാരുടെ ഓഫീസുകളില്‍ പ്രതിമ സ്ഥാപിക്കുമെന്നും ഹിന്ദു മഹാസഭ ഭീഷണി ഉയര്‍ത്തി.
രാജ്യത്തെ വിവിധ സംസ്ഥാനങ്ങളില്‍ ഹിന്ദു മഹാസഭ ഗോഡ്‌സെ പ്രതിമ സ്ഥാപിക്കുമെന്ന് പ്രഖ്യാപിച്ചിട്ടുണ്ടെങ്കിലും ഒരു സംസ്ഥാനവും അതിന് അനുമതി നല്‍കിയിട്ടില്ല. ആര്‍ എസ്എസ്സിന്റെ മൗനാനുവാദത്തോടെ പ്രതിമ സ്ഥാപിക്കാന്‍ ശ്രമിക്കുന്ന ഹിന്ദു മഹാസഭയ്‌ക്കെതിരെ കേന്ദ്ര സര്‍ക്കാര്‍ നടപടിയെടുക്കാത്തതും വിമര്‍ശനത്തിന് ഇടയാക്കിയിട്ടുണ്ട്.
ഗോഡ്‌സെയെ ദേശാഭിമാനിയായ ഉയര്‍ത്തിക്കാട്ടാനാണ് ഹിന്ദുമഹാസഭയുടെ ശ്രമം. ഗോഡ്‌സെ ദൈവതുല്യനാണെന്നാണ് അടുത്തിടെ ഹിന്ദുമഹാസഭാ നേതാവ് പറഞ്ഞിരുന്നത്. ഹിന്ദു മഹാസഭയുടെ ആസ്ഥാനത്ത് പ്രതിമ സ്ഥാപിക്കാന്‍ ഒരുക്കങ്ങള്‍ നടത്തുന്നുണ്ട്. എന്നാല്‍ ഒരിടത്തും അനുമതി ലഭിക്കാത്തതിനാല്‍ പ്രതിമ സ്ഥാപിക്കല്‍ നീണ്ടുപോവുകയാണ്.
