എറണാകുളത്ത് ഇന്ന് 165 പേര്ക്ക് കൂടി കൊവിഡ്-19 സ്ഥിരീകരിച്ചു; 89 പേര്ക്ക് കൊവിഡ് മുക്തി
കൊച്ചി: എറണാകുളത്ത് കൊവിഡ് ബാധിതരുടെ എണ്ണം ഉയരുന്നു. 165 പേര്ക്ക് കൂടി ഇന്ന് കൊവിഡ് സ്ഥിരീകരിച്ചു. വിദേശം / ഇതര സംസ്ഥാനത്ത് നിന്ന് എത്തിയ 10 പേര്ക്കാണ് കൊവിഡ് സ്ഥിരീകരിച്ചത്. എന്നാല് സമ്പര്ക്കം വഴിയുള്ള രോഗ ബാധ കൂടുകയാണ്. ഇന്ന് ജില്ലയില് 89 പേര് രോഗ മുക്തി നേടി.
ഇന്ന് 792 പേരെ കൂടി ജില്ലയില് പുതുതായി വീടുകളില് നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 688 പേരെ നിരീക്ഷണ പട്ടികയില് നിന്നും ഒഴിവാക്കുകയും ചെയ്തു നിരീക്ഷണത്തില് ഉള്ളവരുടെ ആകെ എണ്ണം 15764 ആണ്. ഇതില് 13611 പേര് വീടുകളിലും, 190 പേര് കോവിഡ് കെയര് സെന്ററുകളിലും 1963 പേര് പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.
ഇന്ന് 151 പേരെ പുതുതായി ആശുപത്രിയില്/ എഫ് എല് റ്റി സി പ്രവേശിപ്പിച്ചു.വിവിധ ആശുപ്രതികളില്/ എഫ് എല് റ്റി സികളില് നിന്ന് 129 പേരെ ഇന്ന് ഡിസ്ചാര്ജ് ചെയ്തു. ജില്ലയിലെ ആശുപത്രികളില് കോവിഡ് രോഗം സ്ഥിരീകരിച്ച് ചികിത്സയില് കഴിയുന്നവരുടെ എണ്ണം 1812 ആണ്. ഇന്ന് ജില്ലയില് നിന്നും കോവിഡ് 19 പരിശോധനയുടെ ഭാഗമായി 1207 സാമ്പിളുകള് കൂടി പരിശോധയ്ക്ക് അയച്ചിട്ടുണ്ട്. ഇന്ന് 1903 പരിശോധന ഫലങ്ങളാണ് ലഭിച്ചത്. ഇനി 411 ഫലങ്ങളാണ് ലഭിക്കാനുള്ളത്.
ജില്ലയിലെ സ്വകാര്യ ലാബുകളില് നിന്നും ആശുപത്രികളില് നിന്നുമായി ഇന്ന് 2377 സാമ്പിളുകള് പരിശോധനയ്ക്കായി ശേഖരിച്ചു. എറണാകുളം ജില്ലയില് നെടുമ്പാശേരി (18), കൂവപ്പടി (4), പെരുമ്പാവൂര് (21) പ്രദേശങ്ങളെ ഇന്ന് ഹോട്ട്സ്പോട്ടില് ഉള്പ്പെടുത്തിയിരിക്കുകയാണ്. ജില്ലയിലെ തിരുവാണിയൂരിനെ ഹോട്ട്സ്പോട്ടില് നിന്നും ഒഴിവാക്കിയിട്ടുമുണ്ട്.
അതേസമയം സംസ്ഥാനത്ത് ഇന്ന് 1983 പേര്ക്കാണ് കൊവിഡ് സ്ഥിരീകരിച്ചിരിക്കുന്നത്. സംസ്ഥാനത്ത് ഇന്ന് 1983 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം ജില്ലയില് നിന്നുള്ള 429 പേര്ക്കും, മലപ്പുറം ജില്ലയില് നിന്നുള്ള 335 പേര്ക്കും, എറണാകുളം ജില്ലയില് നിന്നുള്ള 165 പേര്ക്കും, കോഴിക്കോട് ജില്ലയില് നിന്നുള്ള 158 പേര്ക്കും, ആലപ്പുഴ ജില്ലയില് നിന്നുള്ള 155 പേര്ക്കും, കോട്ടയം ജില്ലയില് നിന്നുള്ള 136 പേര്ക്കും, തൃശൂര് ജില്ലയില് നിന്നുള്ള 119 പേര്ക്കും, കാസര്ഗോഡ് ജില്ലയില് നിന്നുള്ള 105 പേര്ക്കും, പാലക്കാട് ജില്ലയില് നിന്നുള്ള 83 പേര്ക്കും, കൊല്ലം ജില്ലയില് നിന്നുള്ള 82 പേര്ക്കും, പത്തനംതിട്ട, കണ്ണൂര് ജില്ലകളില് നിന്നുള്ള 78 പേര്ക്ക് വീതവും, ഇടുക്കി ജില്ലയില് നിന്നുള്ള 34 പേര്ക്കും, വയനാട് ജില്ലയില് നിന്നുള്ള 26 പേര്ക്കുമാണ് ഇന്ന് രോഗ ബാധ സ്ഥിരീകരിച്ചത്.
ഇന്നും 2000ത്തിനടുത്ത് കൊവിഡ് രോഗികൾ, 1777 പേര്ക്ക് സമ്പര്ക്കത്തിലൂടെ, ആകെ മരണം 200 കടന്നു!
കോണ്ഗ്രസിന് 40 ലേറെ സീറ്റുകള് നല്കും; തമിഴ്നാട്ടില് അധികാരം പിടിക്കുമെന്നുറച്ച് ഡിഎംകെ സഖ്യം