മുങ്ങിയിട്ടില്ല, 5 തവണ ഡേറ്റ് നല്കി, ഇപ്പോഴും തയ്യാര്; സണ്ണി ലിയോണിന്റെ പ്രതികരണം ഇങ്ങനെ
കൊച്ചി: വഞ്ചന കേസില് ബോളിവുഡ് നടി സണ്ണി ലിയോണ് ക്രൈബ്രാഞ്ച് സംഘത്തിന് മൊഴി നല്കി. താന് പണം വാങ്ങിയിട്ട് മുങ്ങിയിട്ടില്ലെന്നാണ് നടിയുടെ മൊഴി. സംഘാടകന്റെ വീഴ്ചയാണ് പരിപാടികള് നീണ്ടുപോകുന്നതെന്നും താന് ഇപ്പോഴും വിളിച്ചാല് പരിപാടിയില് പങ്കെടുക്കുമെന്നും സണ്ണി ലിയോണ് പറഞ്ഞു.
പെരുമ്പാവൂര് സ്വദേശി ഷിയാസ് ആണ് പരാതിക്കാരന്. കൊച്ചിയില് വിവിധ പരിപാടികളില് ഉദ്ഘാടനത്തിന് പങ്കെടുക്കാം എന്ന് കാണിച്ച് 29 ലക്ഷം രൂപ കൈവശപ്പെടുത്തി വഞ്ചിച്ചു എന്നാണ് പരാതി. 2016ന് ശേഷം 12 തവണകളായിട്ടാണ് ഇത്രയും തുക തട്ടിയതത്രെ. പരാതിയുടെ അടിസ്ഥാനത്തില് ക്രൈബ്രാഞ്ച് ഡിവൈഎസ്പി ഇമ്മാനുവല് പോളിന്റെ നേതൃത്വത്തിലായിരുന്നു നടിയെ ചോദ്യം ചെയ്തത്.
താന് പണം വാങ്ങി മുങ്ങിയിട്ടില്ല. അഞ്ച് തവണ പരിപാടിക്ക് ഡേറ്റ് നല്കി. അപ്പോഴൊന്നും പരാതിക്കാരന് പരിപാടി സംഘടിപ്പിക്കാന് സാധിച്ചില്ല. താന് ഇപ്പോഴും പരിപാടിക്ക് വിളിച്ചാല് വരാന് തയ്യാറാണെന്നും നടി വിശദീകരിച്ചു. കേരളത്തില് പലതവണ എത്തിയിട്ടുണ്ട് സണ്ണി ലിയോണ്. നേരത്തെ കൊച്ചിയില് ഒരു സ്ഥാപനത്തിന്റെ ഉദ്ഘാടനത്തിന് അവര് എത്തിയിരുന്നു. പിന്നീട് മമ്മൂട്ടി ചിത്രത്തിലെ ഗാനത്തിന്റെ ഷൂട്ടിങിനും വന്നു, ഇപ്പോള് സ്വകാര്യ ചാനലിലെ ഷൂട്ടിങ് ആവശ്യത്തിന് സണ്ണി കേരളത്തിലുണ്ട്.
Recommended Video
സുനില് കുമാര് അല്ലെങ്കില് പണികിട്ടും; തൃശൂരില് സിപിഎമ്മിന് ആശങ്ക, മുഖം മാറ്റേണ്ടെന്ന് കോണ്ഗ്രസ്