ജോ ജോസഫിന്റെ അപരനെ വയനാട്ടില് നിന്ന് കണ്ടെത്തി കോണ്ഗ്രസ്; ആരോപണങ്ങളുമായി സ്വരാജ്
കൊച്ചി: തൃക്കാക്കര ഉപതിരഞ്ഞെടുപ്പില് പരാജയ ഭീതി കാരണം കോണ്ഗ്രസ് ഇടതുമുന്നണി സ്ഥാനാര്ത്ഥിയായ ജോ ജോസഫിന്റെ അപരനെ കണ്ടെത്തിയെന്ന് സിപിഎം സംസ്ഥാന കമ്മിറ്റിയംഗം എം സ്വരാജ്. കോണ്ഗ്രസ് ജോ ജോസഫിന്റെ അപരനെ വയനാട്ടില് നിന്നാണ് കണ്ടെത്തിയതെന്ന് സ്വരാജ് ആരോപിച്ചു. എല്ഡിഎഫ് സ്ഥാനാര്ത്ഥിയ്ക്കു ലഭിയ്ക്കുന്ന സ്വീകാര്യത ഒട്ടൊന്നുമല്ല കോണ്ഗ്രസ് നേതാക്കന്മാരുടെ ഉറക്കം കെടുത്തുന്നത്. കോണ്ഗ്രസില് തന്നെ ഒരു വിഭാഗം വികസനത്തോടൊപ്പമാണ് തങ്ങളെന്ന് പരസ്യമായി പ്രഖ്യാപിച്ചു കഴിഞ്ഞെന്ന് സ്വരാജ് എഫ്ബി പോസ്റ്റില് കുറിച്ചു.
അതിജീവിതയോട് കാവ്യക്ക് എന്തിന് ദേഷ്യം തോന്നണം; അറസ്റ്റ് ചെയ്താല് കേസ് വീഴുമെന്ന് രാഹുല് ഈശ്വര്
ഡോ.ജോ ജോസഫിനെ തേടി വയനാട്ടിലേയ്ക്ക്. തൃക്കാക്കര ഉപതിരഞ്ഞെടുപ്പിന്റെ ആദ്യഘട്ടത്തില് തന്നെ കോണ്ഗ്രസിന് അടിപതറിയിരിക്കുന്നു.എല്ഡിഎഫ് സ്ഥാനാര്ത്ഥിയ്ക്കു ലഭിയ്ക്കുന്ന സ്വീകാര്യത ഒട്ടൊന്നുമല്ല കോണ്ഗ്രസ് നേതാക്കന്മാരുടെ ഉറക്കം കെടുത്തുന്നത്. കോണ്ഗ്രസില് തന്നെ ഒരു വിഭാഗം വികസനത്തോടൊപ്പമാണ് തങ്ങളെന്ന് പരസ്യമായി പ്രഖ്യാപിച്ചു കഴിഞ്ഞു. രാഷ്ട്രീയത്തിനുപരിയായി വികസനപക്ഷം ചേര്ന്ന് നടക്കാന് ജനങ്ങളൊന്നടങ്കം സന്നദ്ധമാവുന്നതിന്റെ ദൃശ്യങ്ങളാണെങ്ങും. യുഡിഎഫിന് വിജയം അസാധ്യമെന്ന് ഉറപ്പായപ്പോള് പതിവുപോലെ തരം താഴ്ന്ന തട്ടിപ്പു പരിപാടികളുമായി രംഗത്തിറങ്ങാനാണ് കോണ്ഗ്രസിലെ അണിയറ നീക്കമത്രെ.
ഇടതുമുന്നണി സ്ഥാനാര്ത്ഥിയുടെ അതേ പേരുള്ള ഒരു അപരനെ തേടി തെക്കുവടക്ക് അലയുകയായിരുന്ന കോണ്ഗ്രസ് നേതാക്കാന്മാര്ക്ക് ഏതാണ്ട് അതേ പേരില് ഒരാളെ വയാനാട്ടില് നിന്നു കണ്ടു കിട്ടിയെന്നാണ് കോണ്ഗ്രസിലെ ഒരു സൂഹൃത്ത് രഹസ്യമായി ഇപ്പോള് പറഞ്ഞത് . വയനാട്ടില് ആശാന്പറമ്പില് വീട്ടിലെ ഒരു 44 കാരനെയാണത്രെ വലവീശി പിടിച്ചിരിയ്ക്കുന്നത്.! അതെ, അപരനെ നിര്ത്തി വോട്ടര്മാരെ പറ്റിയ്ക്കാനാണ് പരിപാടി. അപരന് ലഭിയ്ക്കുന്ന അബദ്ധ വോട്ടുകളുടെ ബലത്തില് ജയിക്കാനാകുമോ എന്ന അറ്റകൈ പ്രയോഗത്തിനാണ് കോപ്പുകൂട്ടുന്നത്.
തട്ടിപ്പും തരികിടയും അപരനെ നിര്ത്തി പറ്റിയ്ക്കലുമായി തൃക്കാക്കരയില് ഇറങ്ങുന്ന കോണ്ഗ്രസ് വെല്ലുവിളിയ്ക്കുന്നത് ജനാധിപത്യത്തെയും രാഷ്ട്രീയത്തിലെ ധാര്മികതയെയും മാത്രമല്ല തൃക്കാക്കരയിലെ ഓരോ വോട്ടറെയുമാണ്. കുടിലതയുടെ കോണ്ഗ്രസ് രാഷ്ട്രീയം നൂറ് അപരന്മാരെ നിര്ത്തട്ടെ..വോട്ടര്മാരെയും ജനാധിപത്യത്തെയും പരിഹസിയ്ക്കുന്ന തട്ടിപ്പു പരിപാടിയ്ക്കു എല് ഡി എഫ് ഇല്ല എന്ന് ഉറപ്പിച്ചു പറയുന്നു. അപരനെ നിര്ത്തിയും ജനങ്ങളെ പറ്റിച്ചുമല്ല മറിച്ച് ജനങ്ങളുടെ വിശ്വാസം നേടിയാണ് വിജയിക്കേണ്ടത്. രാഷ്ട്രീയ ധാര്മികതയുടെ പതാകയുമായി ഇടതുപക്ഷം തിളക്കമാര്ന്ന വിജയം നേടും. തട്ടിപ്പു സംഘത്തിന്റെ നാണം കെട്ട വേലത്തരങ്ങള്ക്ക് തൃക്കാക്കരയിലെ വോട്ടര്മാര് മറുപടി നല്കും തീര്ച്ച.